Ujarlerit

Oqaasiliortut 2002 – 3 (gl)

OQAA – 130302 (gl)

Oqaasiliortut marsip ulluisa 13-ianni 2002, nal. 10.00 Oqaasileriffimmi ataatsimiinnerannit imaqarniliaq.

Peqataasut: Carl. Chr. Olsen, Stephen Heilmann, Ella Skifte, Nuka Møller.

Kelly Berthelsen pikkorissaqataagami peqataanngilaq.

Allatsigalugu Pia N. Knudsen

 

Oqaluuserisassat:

  1. Oqaluuserisassanik akuersineq.
  2. Kingullermik ataatsimiinnermit imaqarniliamik akuersineq.
    1. NUAS-ilinniagaqarnerni taaguusersuutit
    2. Peqqissaanermi atorfiit taaguutaat
  3. Valfartsturisme- pilgrimsfærd
  4. Atortorissaarutilerisoq
  5. Suliassatut tiguneqarsinnaasoq:
    Biibilimi taaguutit – qanganitsat nutaallu?
  6. Taasariaqartut allat.

-1 pillugu-

Oqaluuserisassat taama itsillugit akuerineqarput.

-2 pillugu-

Imaqarniliaq akuerineqarpoq.

-3 pillugu-

CCO: Pia N.Knudsen Oqaasileriffimmi allaffimmi fuldmægtigitut sulilersoq CCO-p ilisaritippaa.

Inuit Aqqinik Akuersisartut siunissami Oqaasileriffimmit allaffeqarnikkut sullinneqarnissaat pisortatigut periarfissaqarpoq.

Inuit aqqi nammineq sumiorpalussuseq malillugu taaneqartarsinnaanerarpai, taamaattorli allattaatsit atorneqartut malillugit allanneqartussaasut innersuussutigalugu.

Akilinermiut allallu aternik akuersinermi naalagaaffiup killeqarfiata avataaniimmata aternik taagueriaasiallu allattariaasiat allanngortinneqarsinnaanngillat.

Nordisk Ministerrådip suleqatigiissitaata Sprogpolitisk referencegruppep ataatsimiinnerani CCO peqataasimanermini eqqartorneqarsimasut pingaarnerit eqqaavai. Oqaluuserineqartunut ilaanerarpaa oqaatsit atuuffiisa allanngoriartorneri, atuarfinni teknikkimut tunngassutilinni ilinniartut tuluttuinnaq oqalulersarneri.

  1. CCO: NUAS (Nordisk Universitets Administratorers Samarbejde): Tassaavoq Ministerrådip ataani peqatigiiffik. Ilinniagaqarnermi taaguusersuutinik maanna suliaqartitsivoq Avannaamioqatigiit oqaasiini tamani.

Maanngaanniit studentermedhjælperip Lisathe Møllerip ilinniagaqarnermi Finlandimi suliarai taaguusersuutit, apriilillu 16-iata missaani naammassinissaa naatsorsuutigineqarpoq.

  1. Kingullermik ataatsimiinnermi Peqqissaaveqarfimmut tunngasut akuerineqarput.

Peqqissaaveqarfinni Atorfiit CCO-p Ella Skiftip, aamma Majbritt Andersenip siunnersuusiorfigissagaat apriilimilu siunnersuutit ES-p saqqummiutissagai siunniunneqarpoq.

-4 pillugu-

Valfartsturisme aammalu pilgrimsfærd Biskop Sofie Petersenimit kalaallisuunngorlugu qanoq taaneqarsinnaanersoq apeqqutigineqarmat Oqaasiliortut isummaminnik annissuipput.

CCO-p oqaatigaa Takujartuineq.

(NM: Oqaaseq Takujartuineq upperisarsiorpalaartutut oqaatigineqarsinnaavoq.)

(ES: Nukap isumaqatigaa, oqaatsip nipaata upperpalaarnera nassuerutigaa.)

SH: Upperisaq pillugu nammineq immitsinnuinnaq qinnuttarpugut. Oqaaseq Takujartuivoq qanganisarpalaartuugami upperpalaarnerusutut taaneqarsinnaavoq. Oqaaseq Takusaavoq qaanginnarsiorpaluttutut nipeqarpoq taamaammallu Takujartuineq itinerorpalaarami atussallugu tulluunneruvoq.

Oqaaseq Takujartuineq nammineq oqaatsinik allanik ilallugu atorneqarsinnaalluarami atussallugu tulluuttuuvoq.

Takujartuineq atussasoq Oqaasiliortut aalajangerpaat.

-5 pillugu-

CCO: “teknikerip” ulluinnarni atortorissaarutilerisumik taaneqartanera eqqarsarnartoqartippaa, oqaaseq atortorissaarut aamma allamut tunngatillugu atorneqartarmat.

SH: Ulluinnarni tekniker atortarpaa, allamiullumi namminneq oqaatsiminnut nutserlugu atoraat tusarnikuunngilaa.

CCO: Allamiut oqaasiisa misissuiffigineqarnissaat siunnersuutigaa. Oqaatsit sorliit kalaallisuumut nutserneqassanersut sorliillu nutserneqassannginersut.

SH: Allamiut oqaasii nutserneqarsinnaasut nutsissapput nutserneqarsinnaanngitsulli nutserneqassanngillat.

CCO: Allamiut oqaasii nalunaarsortariaqarput, marloqiusamillu taaguuteqartussat aamma nalunaarsorneqarlutik.

-6 pillugu-

CCO: Teologip Hollandimiup Paula Bekooyip oqaatsit upperisamut tunngasut kalaallisuunngorlugit nutserneqartarneri, taakkualu allanngoriartorneri soqutigalugit saaffiginnippoq.

SH: Nittartagaq aqqutigalugu inuit oqalliffissaannik kiisalu apersuiffigisinnaasaannik pilersitsisoqarsinnaangaluarpoq, tamannalu aqqutigalugu oqaatsit allanngoriartorneri malinnaaffigineqarluarsinnaallutik.

ES: Ukiut sisamat ingerlanerini siunniussaqartariaqarneq eqqaavaa. Oqaasiliortunit suut siulliullugit pimorullugillu misissuiffigineqassanersut, qanoq aallunneqassanersut kiisalu peqqissaarussamik suliarineqarnissaat kissaatiginartippaa.

Oqaluuserisassat aaqqissuussassallu amerlaqimmata tulleriiaaraluni misissuinissaq kissaatigaa.

NM: Biibilip nutaap qallunaarpaluppallaartumik nutserneqarsimanera uggoraa.

Oqaatsit taaguutilluunniit ataasiakkaat kalaallit oqariartaasii malinnagit nutserineqarsimammata qaaginnarsiupajaartutut isigalugu.

CCO: Biibili nutaaq sananeqarsimavoq kikkunnit tamanit paasiuminartunngorlugu. Aallaqqaammut ippinnalaarnerarpaa ilikkagassaasorli aamma oqaatigaa.

ES: Palasit biibilimut nutaamut atuilernertik ippigusuutigissagaat qularutiginngilaa. Oqaatsit atortuarsimasatik aallaqqaammut pinngitsooratik uteqqiaffigissagaat qularutiginngilaa.

-7 pillugu-

SH: Pappiarat nutsikkat Radioavisermiut namminneq kalaallisuunngorlugit nutsersimasaat Oqaasiliortunut isummersuutissanngorlugit imaqarniliamut ilanngullugit nassiunneqassapput.

Tulliani ataatsimiinnermi oqaluuserisassatut innersuussutigaa.

NM: Nunat aqqi Canadaminngaanneersut ICC-mi pigineqartut eqqaavaa. Aqqit ilai allatut allanneqarsimammata allatulluunniit taaneqarsimasinnaammata misissorluaqqissaariarlugit aatsaat saqqummiussassatut agguaanneqartussatullu innersuussutigai.

ES: Nutserisut Oqaasiliortut oqaatsinik imaluunniit nutsikkanik aalajangiisarnerinut akerliusarneri eqqaavai. Nutserisoqarfimmi oqaatsit “pioreersut” Oqaasiliortunit “allanngortinneqartarneri” naammagittaalliutigineqarsimavoq. Oqaatsit nutserisunit ulluinnarni atuuttuulereersut Oqaasiliortunit allanngortinneqartarneri akerliussutigaat.

CCO: Oqaatsinut autoritetsnævneqannginnerarpaa Oqaasiliortulli akuersisarnerarlugit. Nutserisut oqaatsinik nalornisaminnnik peqarunik Oqaasiliortunut aperisassasut oqaatigaa.

Marsip 27-anni Nutserisut ataatsimiissanerarpai Oqaasiliortullu peqataanissaat innersuussutigaa, taamaaliornikkut sulianik nassuiaassineq pineqarsinnaammat paaseqatigiissinnaanerlu qaninnerusoq Nutserisut Oqaasiliortullu akornanni pitsaanerulersinnaanerarpaa.

Ataatsimiinnissaq tulleq pissaaq apriilip 24-anni, nal. 10.00.

 

Carl Chr. Olsen Pia N. Knudsen

Siulittaasoq Allatsi

Oqaasiliortut 2002 – 3 (gl)

OQAA – 130302 (gl)

Oqaasiliortut marsip ulluisa 13-ianni 2002, nal. 10.00 Oqaasileriffimmi ataatsimiinnerannit imaqarniliaq.

Peqataasut: Carl. Chr. Olsen, Stephen Heilmann, Ella Skifte, Nuka Møller.

Kelly Berthelsen pikkorissaqataagami peqataanngilaq.

Allatsigalugu Pia N. Knudsen

 

Oqaluuserisassat:

  1. Oqaluuserisassanik akuersineq.
  2. Kingullermik ataatsimiinnermit imaqarniliamik akuersineq.
    1. NUAS-ilinniagaqarnerni taaguusersuutit
    2. Peqqissaanermi atorfiit taaguutaat
  3. Valfartsturisme- pilgrimsfærd
  4. Atortorissaarutilerisoq
  5. Suliassatut tiguneqarsinnaasoq:
    Biibilimi taaguutit – qanganitsat nutaallu?
  6. Taasariaqartut allat.

-1 pillugu-

Oqaluuserisassat taama itsillugit akuerineqarput.

-2 pillugu-

Imaqarniliaq akuerineqarpoq.

-3 pillugu-

CCO: Pia N.Knudsen Oqaasileriffimmi allaffimmi fuldmægtigitut sulilersoq CCO-p ilisaritippaa.

Inuit Aqqinik Akuersisartut siunissami Oqaasileriffimmit allaffeqarnikkut sullinneqarnissaat pisortatigut periarfissaqarpoq.

Inuit aqqi nammineq sumiorpalussuseq malillugu taaneqartarsinnaanerarpai, taamaattorli allattaatsit atorneqartut malillugit allanneqartussaasut innersuussutigalugu.

Akilinermiut allallu aternik akuersinermi naalagaaffiup killeqarfiata avataaniimmata aternik taagueriaasiallu allattariaasiat allanngortinneqarsinnaanngillat.

Nordisk Ministerrådip suleqatigiissitaata Sprogpolitisk referencegruppep ataatsimiinnerani CCO peqataasimanermini eqqartorneqarsimasut pingaarnerit eqqaavai. Oqaluuserineqartunut ilaanerarpaa oqaatsit atuuffiisa allanngoriartorneri, atuarfinni teknikkimut tunngassutilinni ilinniartut tuluttuinnaq oqalulersarneri.

  1. CCO: NUAS (Nordisk Universitets Administratorers Samarbejde): Tassaavoq Ministerrådip ataani peqatigiiffik. Ilinniagaqarnermi taaguusersuutinik maanna suliaqartitsivoq Avannaamioqatigiit oqaasiini tamani.

Maanngaanniit studentermedhjælperip Lisathe Møllerip ilinniagaqarnermi Finlandimi suliarai taaguusersuutit, apriilillu 16-iata missaani naammassinissaa naatsorsuutigineqarpoq.

  1. Kingullermik ataatsimiinnermi Peqqissaaveqarfimmut tunngasut akuerineqarput.

Peqqissaaveqarfinni Atorfiit CCO-p Ella Skiftip, aamma Majbritt Andersenip siunnersuusiorfigissagaat apriilimilu siunnersuutit ES-p saqqummiutissagai siunniunneqarpoq.

-4 pillugu-

Valfartsturisme aammalu pilgrimsfærd Biskop Sofie Petersenimit kalaallisuunngorlugu qanoq taaneqarsinnaanersoq apeqqutigineqarmat Oqaasiliortut isummaminnik annissuipput.

CCO-p oqaatigaa Takujartuineq.

(NM: Oqaaseq Takujartuineq upperisarsiorpalaartutut oqaatigineqarsinnaavoq.)

(ES: Nukap isumaqatigaa, oqaatsip nipaata upperpalaarnera nassuerutigaa.)

SH: Upperisaq pillugu nammineq immitsinnuinnaq qinnuttarpugut. Oqaaseq Takujartuivoq qanganisarpalaartuugami upperpalaarnerusutut taaneqarsinnaavoq. Oqaaseq Takusaavoq qaanginnarsiorpaluttutut nipeqarpoq taamaammallu Takujartuineq itinerorpalaarami atussallugu tulluunneruvoq.

Oqaaseq Takujartuineq nammineq oqaatsinik allanik ilallugu atorneqarsinnaalluarami atussallugu tulluuttuuvoq.

Takujartuineq atussasoq Oqaasiliortut aalajangerpaat.

-5 pillugu-

CCO: “teknikerip” ulluinnarni atortorissaarutilerisumik taaneqartanera eqqarsarnartoqartippaa, oqaaseq atortorissaarut aamma allamut tunngatillugu atorneqartarmat.

SH: Ulluinnarni tekniker atortarpaa, allamiullumi namminneq oqaatsiminnut nutserlugu atoraat tusarnikuunngilaa.

CCO: Allamiut oqaasiisa misissuiffigineqarnissaat siunnersuutigaa. Oqaatsit sorliit kalaallisuumut nutserneqassanersut sorliillu nutserneqassannginersut.

SH: Allamiut oqaasii nutserneqarsinnaasut nutsissapput nutserneqarsinnaanngitsulli nutserneqassanngillat.

CCO: Allamiut oqaasii nalunaarsortariaqarput, marloqiusamillu taaguuteqartussat aamma nalunaarsorneqarlutik.

-6 pillugu-

CCO: Teologip Hollandimiup Paula Bekooyip oqaatsit upperisamut tunngasut kalaallisuunngorlugit nutserneqartarneri, taakkualu allanngoriartorneri soqutigalugit saaffiginnippoq.

SH: Nittartagaq aqqutigalugu inuit oqalliffissaannik kiisalu apersuiffigisinnaasaannik pilersitsisoqarsinnaangaluarpoq, tamannalu aqqutigalugu oqaatsit allanngoriartorneri malinnaaffigineqarluarsinnaallutik.

ES: Ukiut sisamat ingerlanerini siunniussaqartariaqarneq eqqaavaa. Oqaasiliortunit suut siulliullugit pimorullugillu misissuiffigineqassanersut, qanoq aallunneqassanersut kiisalu peqqissaarussamik suliarineqarnissaat kissaatiginartippaa.

Oqaluuserisassat aaqqissuussassallu amerlaqimmata tulleriiaaraluni misissuinissaq kissaatigaa.

NM: Biibilip nutaap qallunaarpaluppallaartumik nutserneqarsimanera uggoraa.

Oqaatsit taaguutilluunniit ataasiakkaat kalaallit oqariartaasii malinnagit nutserineqarsimammata qaaginnarsiupajaartutut isigalugu.

CCO: Biibili nutaaq sananeqarsimavoq kikkunnit tamanit paasiuminartunngorlugu. Aallaqqaammut ippinnalaarnerarpaa ilikkagassaasorli aamma oqaatigaa.

ES: Palasit biibilimut nutaamut atuilernertik ippigusuutigissagaat qularutiginngilaa. Oqaatsit atortuarsimasatik aallaqqaammut pinngitsooratik uteqqiaffigissagaat qularutiginngilaa.

-7 pillugu-

SH: Pappiarat nutsikkat Radioavisermiut namminneq kalaallisuunngorlugit nutsersimasaat Oqaasiliortunut isummersuutissanngorlugit imaqarniliamut ilanngullugit nassiunneqassapput.

Tulliani ataatsimiinnermi oqaluuserisassatut innersuussutigaa.

NM: Nunat aqqi Canadaminngaanneersut ICC-mi pigineqartut eqqaavaa. Aqqit ilai allatut allanneqarsimammata allatulluunniit taaneqarsimasinnaammata misissorluaqqissaariarlugit aatsaat saqqummiussassatut agguaanneqartussatullu innersuussutigai.

ES: Nutserisut Oqaasiliortut oqaatsinik imaluunniit nutsikkanik aalajangiisarnerinut akerliusarneri eqqaavai. Nutserisoqarfimmi oqaatsit “pioreersut” Oqaasiliortunit “allanngortinneqartarneri” naammagittaalliutigineqarsimavoq. Oqaatsit nutserisunit ulluinnarni atuuttuulereersut Oqaasiliortunit allanngortinneqartarneri akerliussutigaat.

CCO: Oqaatsinut autoritetsnævneqannginnerarpaa Oqaasiliortulli akuersisarnerarlugit. Nutserisut oqaatsinik nalornisaminnnik peqarunik Oqaasiliortunut aperisassasut oqaatigaa.

Marsip 27-anni Nutserisut ataatsimiissanerarpai Oqaasiliortullu peqataanissaat innersuussutigaa, taamaaliornikkut sulianik nassuiaassineq pineqarsinnaammat paaseqatigiissinnaanerlu qaninnerusoq Nutserisut Oqaasiliortullu akornanni pitsaanerulersinnaanerarpaa.

Ataatsimiinnissaq tulleq pissaaq apriilip 24-anni, nal. 10.00.

 

Carl Chr. Olsen Pia N. Knudsen

Siulittaasoq Allatsi