Ujarlerit

Nunat Aqqinik Aalajangiisartut 2002 – 3

Nunat Aqqinik Aalajangiisartut apriilip ulluisa 17-ianni 2002, nal. 10.00 Oqaasileriffimmi ataatsimiinnerannit imaqarniliaq.

Peqataasut: Carl Chr. Olsen, Karl Elias Olsen, Mariane Petersen, Stephen Heilmann, Kelly Berthelsen.
Allatsigalugu Pia N. Knudsen.

Oqaluuserisassat:

  1. Oqaluuserisassat akuerisassanngorlugit saqqummiunnerat.
  2. Imaqarniliap akuerisassanngorlugu saqqummiunnera.
  3. Ilisimatitsissutit.
  4. “Ersaa”/”Ersaataa” nangillugu.
  5. Avammut saqqummertarnissaq ilusissaalu. (KEO)
  6. Ukiuni tullerni anguniagassat. (KEO)
  7. ”VOW” Vigdis Finnbogadottir.
  8. Taasariaqartut allat.

-1 pillugu-

Oqaluuserisassat akuerineqarput.

-2 pillugu-

Imaqarniliaq akuerineqarpoq.

-3 pillugu-

CCO: Inatsisartut ataatsimiinneranni kalaallisut oqaatsivut pillugit Inatsisartunut ilaasortat ataasiakkaat apeqquteqaataat CCO-p eqqaavai.

Lars Karl Jensenip apeqquteqaataanut akissutigineqarpoq qallunaatuumiit kalaallisuumut ordbogi suliarineqartoq.

Kisitsisit 20 qaangerlugu kalaallisut taaguuteqalernissaannik siunnersuutigineqarmat CCO-p nangaanartillugu akissutissaliorsimavaa.

ICC-mi siulersuisut ataatsimiinneranni ICC-p oqaatsit pillugit isumalioqatigiissitaa nalunaarutaagallartumik saqqummiussivoq.

Inuit oqaasiisa pingaartinneqarnerat aasaru ICC ataatsimmersualerpat i-

tinerusumik eqqartorneqassasoq CCO-p ilisimatitsissutigaa.

-4 pillugu-

KEO: KEO Kalâtdlit il.il. III-mi Kristoffer Lyngep allagaani nuna Erssât-mik taa-neqartoq nassaarisimavaa.

MP: MP-p utoqqaat apersortarnerini paasisimavaa Ersaataa nunap Ersaata ateqassutigigaa.

SH: SH isumaqarpoq sumiissuseq apeqqutaalluni atsersuisoqartartoq. Nunap suminngaanniit isiginera apeqqutaalluni inuit atsersuisarunartut SH isumaqarpoq.

Nunat Aqqinik Aalajangiisartut nunat aqqi suminngaanniit pissarsiariniartassa-

nerlugit isumaqatigiittariaqartut SH isumaqarpoq. Nunat atitoqaat aqqilluunniit nutaat aalajangiinermi atorneqartassanersut isumaqatiissutigineqassasut SH-p siunnersuutigaattaaq.

CCO: Nunat Aqqinut Aalajangiisartut malittarisassaat malillugu aalajangii-sarnerit ingerlanneqartassasut CCO-p oqaatigaa. Taamaattorli Nunat Aqqi ator-neqalersimasut piiarneqassanngitsut CCO-p oqaatigaattaaq.

KB: Nunat aqqinik tunngvilimmik atsersuisarnissaq KB-p siunnersuutigaa, “piumasaannarminnik” taaguisut akueriinnarneqartannginnissaat KB-p kissaatigaattaaq.

KEO: KEO misissueqqissaariarluni “Ersaa” uterfigeqqissallugu oqaatigaa.

KEO-p “Ersaa” nangeqqissagaa aalajangerneqarpoq.

-5 pillugu-

KEO: KEO-p siunnersuutigaa Nunat Aqqinik Aalajangiisartut Nunatsinni saqqummertartussamik immikkut saqqummiussiveqalernissaat. Taassumali iluani marlunnik immikkoortortaqarnissaa siunnersuutigaattaaq, tassa suut akuerineqarsimanersut-suna tunngaviunersoq suullu tusarniaataanersut.

Kommunit nunat aqqi pillugit qanoq siunertaqarnersut tusarniaaffiginissaat pisariaqartoq KEO-p oqaatigaattaaq.

KB: Inuit nunat aqqinik nalunnginnittut paasissutissanik Nunat Aqqinik Aalajangiisartunut tunniussuisalernissaat nassiussuisalernissaallu KB-p siunnersuutigaa.

CCO: CCO KEO-p siunnersuutaanut isumaqataavoq. Siunnersuummut atatillugu Nunat Aqqinik Aalajangiisartunut sullissisussamik atorfinitsitsinikkut pilersitsi-sinnaaneq eqqaavaa.

MP: MP isumaqarpoq imminut akilersinnaanerusoq atuagassiat atuutereersut soorlu Atuagagdliutit Sermitsiaq-llu aqqutigalugit saqqummertarunik.

Saqqummertalernissamik siunnersuut Atuagagdliutitigoorsinnaanersoq misissuiffigineqartussanngorpoq.

-6 pillugu-

KEO: Ukiuni tullerni anguniagassanut pilersaarusiornissaq KEO-p siunnersuutigaa. Pilersaarutillu siunnersuutaata iluaniipput aningaasartuutissanik missin-

gersuineq, tusagassiuutitigut-isiginnaagassiuutitigut saqqummertariaqarneq nunallu aqqisa taaguutaasa misissornissaat aalajangersaaffiginissaallu.

Tulliani ataatsimiinnissamut KEO-p KB peqatigalugu siunnersuutip ilusilersorlugu saqqummiunneqarnissaa piareersassavaat.

-7 pillugu-

CCO: Ukioq 2005-mi “VOW” oqaatsit pillugit saqqummersitsiniarpoq, kalaallit oqaasii kisiisa pinnagit aammali INUIT issittormiut oqaasii tamaasa pillugit

-8 pillugu-

KB: Ukiaru augustiminngaanniit Århusimi Højere Handelsskolimi ilinniarluni aallartissaaq, ukiullu pingasut ilinniartunissani naatsorsuutigaa.

Ataatsimiinneq tulleq pissaaq majip arfineq pingajuanni, nal. 10.00.

Carl Chr. Olsen Pia N. Knudsen
Siulittaasoq Allatsi