Ujarlerit

Nunat Aqqinik Aalajangiisartut 2002 – 4

Nunat Aqqinik Aalajangiisartut juunip 5-anni 2002, nal. 10.00 Oqaasileriffimmi ataatsimiinnerannit imaqarniliaq.

Peqataasut: Carl Chr. Olsen, Karl Elias Olsen, Mariane Petersen, Stephen Heilmann.
Nuka Møller Ilinniarfissuarmi soraarummeersitsigami peqataanngilaq.
Allatsigalugu: Pia N. Knudsen.

Oqaluuserisassat:

  1. Oqaluuserisassat akuerisassanngorlugit saqqummiunnerat.
  2. Kingullermik ataatsimiinnerup imaqarniliornerata akuerisassanngorlugu saqqummiunnera.
  3. Ilisimatitsissutit.
  4. Amerikamiut nunatta avannaarsuanut ilisimasassarsiortut allakkiaat.
  5. Nuup kangerluani nunat aqqi (Mariane Petersen).
  6. Aasaanerani sulineq
  7. Taasariaqartut allat.

-1 pillugu-

CCO: Oqaluuserisassat Aasaanerani sulineq-mik qulequtserlugu ilaneqarnissaat CCO-p siunnersuutigaa, siunnersuut Nunat Aqqinik Aalajangiisartut akueraat oqaluuserisassallu akuerineqarput.

-2 pillugu-

Kingullermik ataatsimiinnermit imaqarniliaq akuerineqarpoq.

-3 pillugu-

CCO: KIIIP-p aningaasaqarniarneq pillugu sukaterinera CCO-p eqqaavaa. Ani-ngaasanik budgettip iluinnaani atuinissat qaangiinnginnissarlu KIIIP-miit kissaatigineqartoq CCO-p eqqaavaattaaq.

Atorfimmut atatillugu angalaniaraanni KIIIP-p aqutsisuinut qinnuteqaqqaartalerneq, angalanissamut pilersaarutit kiisalu angalanerup siunertaanik allaatiginnittalerneq maajip 22-at 2002 aallarnerfigalugu piumasaqaataalersoq CCO-p ilisimatitsissutigaa.

CCO: Kelly Berthelsenip qiningaaffimminit tunuarnera pissutigalugu inissitsiternerit CCO-p ilisimatitsissutigai:

  1. Oqaasiliortunut ilaasortangorpoq Sofia Geisler.
  2. Nunat Aqqinik Aalajangiisartunut ilaasortanngorpoq Nuka Møller.
  3. Inuit Aqqinik Akuersisartunut ilaasortanngorpoq Stephen Heilmann.

KEO: ASIAQ-mik ukiaru ataatsimeeqatiserinninnissaq taamaalillunilu ilisimasanik ASIAQ-p Nunat Aqqinik Aalajangiisartut-llu akunnerminni paarlaasseqatiginnittalernissaat KEO-p kissaatigaa.

Nunat Aqqinik Aalajangiisartut tusagassiutitigut saqqummertalernissamik siunnersuutaat CCO-p misissuiffigissavaa.

KEO: Kelly Berthelsenip tunuarneratigut ukiuni sisamani tullerni Kelly peqatigalugu pilersaarusiornissaraluit unittooqqunagit KEO Kellyp paarlatsissaanik ujartuimmat Mariane Petersen suleqataajumalluni akuersivoq.

CCO: Juunip 10-aniit juunip 17-ata tungaanut Københavnimi Nordisk Ministerrådip sprogpolitisk referencegruppeata ataatsimiinneranut CCO peqataassalluni nalunaarpoq.

Juunip 17-anniit juulip 17-ata tungaanut Pia N. Knudsen aasaanerani sulinngiffeqassasoq piffissamilu tassani Per Langgård Oqaasileriffimmiissasoq CCO-p ilisimatitsissutigaattaaq.

-4 pillugu-

CCO: Amerikamiut allakkiaminni Dennis Smithip imminuinnaq saqqummiuttarsimanera utoqqatsissutigigaat, taannalugooq angalasarnerni suleqataajunnaarsimasoq CCO-p oqaatigaa.

2003-mi Kalaallit Nunaata avannaarsuani angalanissami Nunat Aqqinik Aalaja-ngiisartut peqataatitaqarnissaat Amerikamiut allakkiaminni eqqaasimagaat CCO-p oqaatigaattaaq.

CCO-p Nunat Aqqinik Aalajangiisartut Kalaallit Nunaata avannaarsuani angalanissami peqataatitaqarnissaat, kiisalu Namminersornerullutik Oqartussat tusagassiortunik peqataatitaqarnissaat kissaatiginerarpaa. Tamannalu taperserneqarpoq.

-5 pillugu-

MP: Amerallip qinnguata timaaniittut nunat assilinikuullugit MP-p oqaatigaa.

MP Kapisilimmiutoqqanik apersuinermini paasisimanerarpaa Eqalunnguit inuit kukkullutik taama taasaraat, taasumagooq ativigaa Niaquusaq.

CCO: Nunat aqqinik naqqiuteqassatillugu pappilissat immersugassat immersorneqartassasut CCO-p eqqaasitsissutigaa.

CCO: Ukioq 2003-mi Nuup kommuneata 275-iliilluni nalliuttorsiornissaa iluatsillugu CCO kommunalbestyrelsimut siunnersuuteqarsimavoq Nuup eqqaatalu assinginik saqqummiusseqqullugu.

Inuit nunat aqqinik ilisimannittut eqqunngitsumik atsiisoqarsimatillugu naqqiisinnaanissaannik periarfissaqartillugit, taamaalilluni eqqortumik atsersuinissaq pissammat.

Saqqummiussineq aallarniutigalugu kommunit allat siunissami namminneq kommuniminni saqqummiussisinnaanermut ammaassisinnaasoq CCO-p oqaatigaa.

-6 pillugu-

CCO: Nunat Aqqinik Aalajangiisartut aasaanerani sulisussanik pilersaarusiornissaat CCO-p siunnersuutigaa. Arlaannik pinartoqartillugu ilaasortat pingasut ataatsimiittarnissaat, kiisalu ataatsimiissutit ukiaru Nunat Aqqinik Aalajangiisartut tamarmiullutik ataatsimiinneranni saqqummiunneqarnissaat siunnersuutigaattaaq.

-7 pillugu-

CCO: Toornaq Consultip qarasaasiaq angallattagaq kiisalu seqersittagaq ataatsimut 25.000 koruunilersillugit Oqaasileriffimmut neqeroorutigigai taasariaqartunut allanut ilanngussatut oqaatigai.

KEO: Qanittumi Uummannap eqqaani filmiliuutigaluni nunat aqqinik oqaluttuartoqarluni angalasoqarsimasoq oqaatigaa.

Ataatsiminneq tulleq pissaaq ukiaru, piffissaq qanillippat nalunaarutigineqarumaarpoq.

Carl Chr. Olsen Pia N. Knudsen
Siulersuisoq Allatsi