Oqaasiliortut 2003 – 1

OQAA – 230403 (gl)

Oqaasiliotut apriilip 23-anni 2003, nal. 12.00 Oqaasileriffimmi ataatsiminnerannit imaqarniliaq

 

Peqataasut: Carl Chr. Olsen aamma Nuka Møller.

Stephen Heilmann aamma Pia R. Heilmann peqquteqarlutik peqataanngillat.

Allatsigalugu: Pia N. Knudsen.

 

Oqaluuserisassat:

  1. Forvaltning for kultur og børn
  2. Alfabet kalaallisut

-1 pillugu-

CCO: Nuup kommuniata Oqaasiliortunut forvaltning for kultur og børn kalaallisut taaguutissaa pillugu saaffiginnissuteqarsimavoq, aamma Sisimiut Kommuniat assipaluanik saaffiginnissuteqarluni. Tassunga ilanngullugu oqaatsip udvalg kalaallisut taaguutissaa pillugu saaffiginnissutaavoq.

CCO: Kommunini forvaltning immikkoortoqarfimmik taaneqartarmat taamatut taaneqartarnissaa CCO-p ajornartorsiutaassangatinngilaa.

CCO: Siornatigut meeqqanut tunngasut tamarmik socialip immikkoortoqarfianiissimasut massakkut immikkut forvaltning for kultur og børn-mik taaguuserlugu immikkoortoqarfeqalerput, tassani pineqarput meeraaqqeriviit, meeqqeriviit, paaqqinnittarfiit meeqqallu atuarfiini 11. klasse tikillugu atuartut. Immikkoortoqarfimmi pineqarput meeqqat 18-nit inorlugit ukiullit.

CCO: CCO-p siunnersuutigaa Kultureqarnermut meeqqanullu immikkoortoqarfimmik taaguuteqalissasoq, tassani paasineqassasoq meeqqat 18-nit inorlugit pineqartut.

CCO: Oqaaseq Udvalg ataatsimiititaq-mik taaneqarnissaa siunnersuutigaa, ataatsimiititap suliaq aallaqqaataaniik naammassinissaata tungaanut suliarisarnera pissutigalugu.

Oqaaseq Forvaltning for kultur og børn kalaallisut Kultureqarnermut meeqqanullu immikkoortoqarfimmik taava oqaaseq Udvalg kalaallisut Ataatsimiititaq-mik taaguuteqalissasut Oqaasiliortunit aalajangerneqarput.

-2 pillugu-

CCO: Radioaviisimi sulisut Alfabetip  kalaallisut qanoq taagorneqartarnersut Oqaasileriffimmmut aperisimapput.

CCO: CCO-p siunnersuutigaa aspirerede ord, tassalu p aamma k aspiration-ii peerlugit taaneqartassasut. Naqinnerit pineqartut supinertaqanngitsumik taaneqartarnerat atugaavoq.

NM: Oqaasersiat kalaallisuunngorlugit qanoq taaneqartarnissaat NM-p apeqqutigaa.

CCO: Kalaallit qangaaniit taaguutit atugaat saniatigut nipini malittarisat danskisuumit sunniutaat atorneqartalersut CCO-p oqaatigaa.

Siornatigut kalaallit oqalunnerminni atortagaat tassaavoq CVCV~VCVC massakkullu CCCV-mik atuilersimaneri ersarissoq CCO-p oqaatigaa.

Naqinnerit æ, ø, y, å ullumikkut kalaallinit vokalitut atorneqartut CCO-p oqaatigaattaaq.

Taakkukunnga tunngasunik nassuiaat maanna suliarineqarpoq, aamma innersuussutigineqarpoq OQAATSIT-nut tapiliussatut atuagakkiaq.

 

Carl Chr. Olsen                                          Pia N. Knudsen

Siulittaasoq                                               Allatsi