Nunat Aqqinik Aalajangiisartut 2003 – 2

NAA – 220903

 

Nunat Aqqinik Aalajangiisartut septemberip 22. –anni 2003, nal. 10.00 Oqaasileriffimmi ataatsimiinnerannit imaqarniliaq.

Peqataasut: Carl Chr. Olsen, Stephen Heilmann, Karl Elias Olsen, Mariane Petersen.
Nuka Møller peqquteqarluni peqataanngilaq.
Allatsigalugu: Pia N. Knudsen.

Oqaluuserisassat:

  1. Ilisimatitsissutit
  2. Nunat Aqqinik suliassat
  3. GEUS-imik suleqateqarneq
  4. Nunat assingi pillugit allattuiffissaq
  5. Taasariaqartut allat

-1 pillugu-

CCO: Tikilluaqqusineq.

CCO: Dansk Polarcenterimiit John Denver Peak pillugu paasiniaasoqarmat CCO-p allaffigisimavai atsiunniarneqartoq Nunat Aqqinik Akuersisartut akuerineqarsimanngitsoq.

Aamma Hammeken pillugu paasiniaammata atsiussiniartoq Nunat Aqqinut Aajangiisartunut saaffiginnissimanngimmat qinnutigisimanngimmagulu suliarineqarsimanngitsoq akuersissutigineqarsimanngitsorlu CCO-p nassuiaatigisimallugu oqaatigaa.

CCO: GEUS suleqatigalugu Tunup avannaarsuani nunat aqqinik suliaqarnissaq Piap ingerlatissavaa, sulinermini 40% tassunga atussavai 60%-lu allaffissornermut atussallugu.

-2 pillugu-

KEO, CCO: Siornatigut kommunikkuutaartumik nunat aqqinik nalunaarsuiffimmik suliarinninnissamut sulititsisoqarniaraluarmat kommunillu tamarmik immersugassanik nassinneqaraluaramik iluatsitsiffiusimanngilaq.

KEO: Karl Georg Hansen Sisimiut kommunianni nunat aqqinik suliaqartoq KEO-p siunnersorsimavaa Oqaasileriffimmut nunat aqqisa allattorsimaffiat takusassangaa.

Karl Georg Hansen suliffimminit tunuarmat Sisimiut Tusaataata suliaq ingerlateqqissallugu pilersaaruteqartoq, tassanilu Aalipak Augustusen suliamik ingerlatitsisussatut piukkunneqartoq KEO-p oqaatigaa.

SH: Nunat aqqisa kommunikkaartumik suliarineqarnissaannut KNR teknikki eqqarsaatigalugu peqataasinnaanersoq misissussallugu SH oqarpoq.

CCO: Nunat aqqisa nalunaarsorneqarnissaat Nunat Aqqinik Aalajangiisartut akissussaaffigigaat CCO-p eqqaavaa, nalunaarsuinermut atatillugu tiimimusialimmik sulisitsisoqarsinnaanera qarasaasiamullu immiussisoqarsinnaanera Nunat Aqqinik Aalajangiisartut siunissami iluaqutigissagaat CCO-p oqaatigaattaaq.

KEO: Nunat aqqi pioreersut, iluarsisariallit, nalunaarsorneqarsimanngitsullu suuneri ilitsersuusiaralugit suliarineqarsinnaasut KEO-p siunnersuutigaa.

Kommunikkuutaartumik nalunaarsuiffiit Nunat Aqqinik Aalajangiisartunut nassiunneqarpata NAA-p atuagaarannguanngorlugit ilitsersuusiarisinnaangai KEO-p oqaatigaa.

CCO: Nalunaarsuiffiliornissami ataatsimik periuseqarnissaq suliniutaassasoq CCO-p oqaatigaa.

-3 pillugu-

CCO: GEUS suleqatigalugu Tunup avannaarsuani nunat aqqisa allattorsimanerinik misissuinissaq decemberip aallaqqaataat nallertinnagu piariissasoq CCO-p ilisimatsitsissutigaa.

GEUS-p ortofotografi atorlugu nunap assiliorsimasoq nunallu assinginik Oqaasileriffimmut nassiussisimasoq CCO-p oqaatigaa.

CCO: Nunat Aqqinik Aalajangiisartut nunat aqqi inuit najugaanniinngisut danskisut atserneqarsimasut allanngortinneqassanngitsut aalajangernikuugaat CCO-p oqaatigaa.

CCO: CCO-p Naja Mikkelsen-illu (GEUS) neriuutigaat, Tunup avannaarsuani nunat aqqisa allattorneqarneri nunallu assinganik sananeq iluatsittumik naammassineqassappata siunissami kitaani nunap assiliortoqassasoq.

-4 pillugu-

KEO: GFI-p isersimaartarfiani aalisartut piniartullu isersimaartarfianni nunap assinganik (Nuup eqqaatalu assinganik) taarserneqarsinnaasumik peqalernissaa KEO-p siunnersuutigaa.

Aalisartut piniartullu naqqitassaqaraangamik allattuiffigalugu iluarsaassinnaasaannik.

Siunnersuutimini siunertaraa nunat aqqisa kukkusumik allattorneqarsimasut iluarsaanneqarnissaat aammalu.

CCO: Kortinik taarserneqarsinnaasunik immikkoortukkuutaartunillu akuttun- ngitsunillu (nakkutigineqarlutik) taarserneqartartussanik sanatitsisoqarsinnaasoq CCO oqarpoq.

Sanatitsisinnaanermi Asiaq suleqatiserineqarsinnaasoq CCO-p oqaatigaattaaq.

CCO: Suliassaq pillugu Asiaq saaffigineqassaaq.

Nunat aqqisa kukkusumik naqeqqinneqartarnerat unitsinniarlugu Namminersornerullutik Oqartussat Danmarks kontor aammalu KIIIP paasiniaaffigineqassapput kikkut saaffigineqassanersut.

-5 pillugu-

SH-p aamma KEO-p ukiaq manna tusagassiutitigut aallakaatitsisarneq pillugu Nunat Aqqinik Aalajangiisartut periarfissaannik misissuissapput.

Ataatsimiinnissaq tulleq pissaaq ataatsinngornermi oktobarip 14.-anni 2003, nal 10.00 Oqaasileriffimmi

Carl Chr. Olsen Pia N. Knudsen

Siulittaasoq Allatsi