Nunat Aqqinik Aalajangiisartut 2004 – 4

NAA – 300904

 

Nunat Aqqinik Aalajangiisartut ataatsimiinnissaat sisamanngornermi septembarip 30-anni, 2004, nal. 10.00 Oqaasileriffimmi.

Peqataasut: Carl Chr. Olsen, Mariane Petersen, Karl-Elias Olsen aamma Stephen Heilmann.
Peqataanngilaq: Nuka Møller (Kukkunikkut kalerrinneqanngitsoorami JBT-imit)

Oqaluuserisassat:

  1. Ilisimatitsissutit
  2. Avataani suleqatigisat qanoq ingerlateqqinneqassanersut oqallisiginninneq
    • Kort- og Matrikelstyrelsen
    • GEUS
    • Asiaq
    • Kommissionen for videnskabelige undersøgelser i Grønland
  3. Taasariaqartut allat

-1 pillugu-

CCO-mit Ilisimatitsissutitut agguaanneqarpoq aternik alannermi malittarisat Inuit Aqqinik Akuersisartut tunngavigisatut atugaat, tassa allattaatsit tunngavii atorlugit allattarnissaq, tassani aamma nunat aqqinik allanermi taanna atuuttuusoq. Tassa inuit ataasiakkaat namineq iluarisaannartik tunngavigalugu tamanut atuuttussamik allattuisinnaanngitsut, kisiannili allaatsit tyunngavii atorlugit, taannataaq sumiorpaaluutinut atorpoq.

Mariane Petersen nalunaarpoq qinigaaffiup matuma naanerani januarip ulluisa 1-.at aallarnerfigalugu tunuarniuteqarluni. Tamanna ataatsimiititamit tusaatissatut tiguneqarpoq.

Nuup Kommuniani nunat aqqinik allattuiffissaq piniartut aalisartullu qassuseriviannut nivinngagaq nunat aqqinik allattugaanngitsoq KEO-mit alakkarniarneqarpoq piniartut aalisartullu nunat aqqinik immersuisimanersut paasiniarlugit.

Qeqertaq Prins Henrik Kort- og Matrikelstyrelsimut Asiaq peqatigalugu nalunaarutigineqareerpoq.

CCO-mit ilisimatitsissutigineqarpoq Nordisk Sprogrådimi ataatsimiinnermi Nordisk Sprogkonvention oqaluuserissanut ilaasimasoq. Suleqatigiiit allannguinissamik siunnersutigaat isumaqatigiissutitut (konvention) ilusilernerani kalaallit, Savalimmiormiut Saamillu oqaasii ilanngunneqassasut. Svenskit siunnersuutigigaluarpaat nalunaarutitut(deklaration) ilusilerneqassasoq. Nordisk Sprogrådimit isumaqatigiissutigineqarpoq nutarterlugu suliarinerani kalaallit oqaasii, Saamit oqaasii Savalimmiormiullu oqaasii ataatsimut isumaqatigiissutitut nalunaarutituunngitsoq suliarinerani ilanngutsinniarneqassasut.

-2 pillugu-

Kort og Matrikelstyrelsen manna tikillugu NAA-nit nunap assiliornermi suleqatigiuarneqarsimasoq aningaasaliiffigineqartarnermigut annikillisaavigineqartuarmat paasiniarneqassaq qanoq manna inissisimanersoq. KMS-p nunap immallu assingi sammisarisarsimagaluarpai naalagaaffimmit aningaasalersugaasumik. KMS ikkarnaateqanngitsumik suleqatikkuminartarpoq sulilu piumaneqaraluarluni KMS-ip suleqatiginissaa.

GEUS NAA-nit akornutissartaqanngitsumik suleqatigineqarsimavoq Tunup avannaata inoqarfiunngitsup GEUS-imit assiliortorneqarnerani. NAA-milli isumaqarfigineqarpoq GEUS-p Tunup avannaanik suliaqarnini naammassigamiuk NAA-mik suleqateqarnini aallukkunnaaraa. Asiaq KMS-imit allaasumik suliaqartartoq oqaatigineqarpoq, nunalli assiliornerup saniatigut misissueqqissarnernik suliaqarmat KMS-imit nunat assinginik suleqatigisinnaanera allaavoq. KMS-imik suleqateqarneq uninngasututittoq NAA-p tungaaninngaanniit oqaatigineqarpoq.

SH: KIIIP saaffigineqassasoq siunnersuutigaa apeqqutigineqarlunilu KMS Kalaallit Nunaanni atorfissaqartinneqarmat KMS-p sulisileqqinneqarsinnaanera qanoq iliornikkut ingerlateqqilerneqarsinnaanersoq. GEUS KMS-ilu susinnaanngippata Asiaq-p nunap assiliornermi suleqatigineqarsinnaanera eqqaaneqarpoq.

– 3 pillugu –

KEO-mit eqqaaneqarpoq nunat aqqisa katersuuffiannik qarasaasiatigut suliaasunik soqanngimmat. Kommunit ilaat nunat aqqinik katersuisut ilisimaneqarpoq utoqqaat ilisimannittut suleqatiginerisigut piviusunngorsinnaasimasunik. Utoqqaanerusut ilisimasaasa eriagisassatut pineqarsinnaanerat eqqaaneqarpoq. Naggueqativut utoqqartaminnik atorluaasut eqqaaneqarpoq ataatsimiititaliat pilersinneqarnerisigut ilisimasaat katersorneqarsinnaalersimagamik.

CCO-mit KMS isumaqarfigineqarpoq paasissutissat qarasaasiamut nuutsinneri nutartertariaqarsorinartut kukkusumik paasissutissiinaveersaarnissaq anguniarlugu. Kukkusumimmi allaat saqqummersitsisoqarsinnaanngortoqarsimmat suliffeqarfiillu akunnerminni suleqatigiinneruneq atuukkaluarpat tamakku kukkunilinnik naqitaliornerit pinngitsoortinneqarsinnaagaluarmata. Assersuutitut taaneqarluni Ilinniusiorfiup naqitertitaa Kalaallit Nunaat ajoraluartumik kukkunernik imaqarluni tamannalu pinngitsoorneqarsinnaasimagaluartoq suleqatigiinnerusoqarsimagaluarpat Namminersornerusut suliffeqarfiutaasa ataanniittut akornanni.

NAA-mit isumaqatigiissutigineqarpoq KIIIP-imut allakkatigut saaffiginnittoqassasoq namminersornerusut ataanni suliffeqarfiit suleqatigiinnerunerisigut qanoq ilisimasanik katersuutsitsisoqarneratigut tamanut iluaqutaasussanngorlugu suleriartoqarsinnaaneranik.

KEO-p KMS-ip nunap assinginik nuteeranngorlugit paasissutissaatai ataatsimiititaliami ilaasortanut tamanut agguagassanngorlugu nuutsinniarpai.

Ataatsimiinnissaq tulleq decembarip aallartinnerani pisinnaasoq isumaqatigiissutigineqarpoq.

Carl Chr. Olsen Johanne B.-Tobiassen

Nunat Aqqinik Aalajangiisartut Siulittaasuat Allatsi