Ujarlerit

Nunat Aqqinik Aalajangiisartut 2007 – 6

Nunat Aqqinik Aalajangiisartut ataatsimiinnerat oktobarip 25-anni 2007-mi Oqaasileriffiup ataatsimiittarfiani.

Peqataasut.: Carl Chr. Olsen, Karl Elias Olsen, Tukummeq Qaavigaq, Stephen Heilmann.
Peqataanngilaq: Abia Abelsen. Angalanini pissutigalugu.
Allatsi.: Lisathe Møller Kruse

Oqaluuserisassatut siunnersuutit:

  1. Tikilluaqqusineq
  2. Ilisimatitsissutit malitassallu
  3. Imaqarniliap akuerineqarnera
  4. Nunat aqqisa siornatigut nalunaarsorsimanngitsut akuerisatut nalunaarnissaat
  5. Nalunaarsugaatitta Qeqertarsuatsiaarmiullu nalunaarsugaataasa arlalitsigut nikingassuteqarnerinut tunngasut
  6. Nunat aqqisa nalunaarsugaatigineqareersut akuerisaneereersullu immap assinginut 1212-mut 1213-mullu inississimanngisat isummerfiginissaat
  7. Nunat aqqisa immap assingini 1212-meereersut 1213-meereersullu Excel programimut nuunneqarsimasut allattaasitaanngortinneqarnissaat
  8. Aatsitassanut Ikummatissanullu Pisortaqarfimmit suliakkiissutit
    a. Sara Hjort Knudsen No. A0513
    b. Sara Hjort Knudsen No. A0514
    c. Sara Hjort Knudsen No. A0515
    d. Sara Hjort Knudsen No. A0517
  9. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

2. pillugu

CCO-p oqaatigaa sapaatip akunnerani i 46-mi pinartut ataatsimiissutigineqarsinnaasut, sap. ak. taanna Ilimmarfimmut nutserneq aallartissaaq.

Nunat aqqi aalajangigassat sukumiisumik sammineqalinnginneranni nunat aqqi sumiorpallannerusut pisortatigoortumik oqaatsinut kalaallit tamarmik atugassaannut allanngortittariaqartut eqqartorneqarpoq. Ilaasortallu tamarmik tassunga isummamut isumaqataapput.

CCO-p siunnersuutigaa nunat aqqi pineqartillugit nipit assigiinngitsut marluusut assigiimmilli isumallit rng aamma rn arlaat ataaseq pisortatigoortumik atorneqalertariaqartoq. Ilaasortanillu aalajangiunneqarpoq allassimasuni rng atorunnaarlugu rn atorneqartassasoq, soorlu imeq oqaaserluunniit alla nipitigut katitigaanermigut pissuseqataa allassimanermini rng-iujunnaarluni rm-inngortassasoq ilaasortanit aalajangiunneqarpoq. Oqaaseq imeq piginnittorsiutitalerniarutsigu p-mik naggaserlugu, taava ermip-inngussasoq, taavalu ernga/erma-nngussasoq, qasseersiutinngorlugu atuinermi aamma imeq/ermit taamatut allassimasussanngorlugu (naak sumiorpalulluni oqalunnermi /rng/-itut atuineq allanngunngikkaluarlugu).

Tunngaviusumik aalajangigassat sammineqalinnginneranni Tukummeq Qaavigaq-p maluginiarpaa nunat aqqi nalunaarsorlaat suli aalajangiunneqanngitsut iterlattaqaratik kangerliumanilerujussuusut, kangerluillu ikittuinnaat nalunaarsorneqarsimasut. Nunallu aqqata aalajangiussassap Nunat Aqqinik Aalajangiisartunit misissorneqarnerani nunap aqqata sussusia nunap assingi iluaqutigalugit misissorneqaatigaluni sulisoqassasoq aalajangiunneqarpoq.

3. pillugu

Nunat Aqqinik Aalajangiisartut kingullermik ataatsimiinneranit imaqarniliaq akuerineqarpoq.

4. pillugu

Immap assingisa nutarterneqarnerisa kingunerisaanik Nunat Aqqinik Aalajangiisartut immap assingi 1212 Qeqertarsuatsiaap kujataaniit Sioqqamiit Qeqertarsuatsiaat tungaannoortoq, aamma 1213 Qeqertarsutsiaaniit avannamut Kangerluarsorutsip tungaanoortoq sammivaat. Nunap aqqi sumiiffinni tassaniittut suli nalunaarsorneqarsimanngitsut Qeqertarsuatsiaarmiunit nalunaarsorneqarsimasut Qeqertarsuatsiaarmiumit Karolus Steffanimit pissarsiarivavut. Steffanip oqaatigivaa utoqqartatik peqatigalugit nunat aqqi nalunaarsorneqarsimanngitsut nalunaarsorsimallunikkit.

Nunat aqqi Nunat Aqqinik Aalajangiisartut nalunaarsugaatiginngisaat Qeqertarsuatsiaarmiunit nalunaarsorneqarsimasut akuerineqarlutik aalajangiunneqartut 170-iupput. Bilagimi word-filiusumi imatut atilimmiipput: Nunat aqqi immap assingisa 1212-up 1213-illu nalaanniittut nalunaarsorlaat.doc.

5. pillugu

Immap assingisa nutarternerisa kingunerisaanik Nunat Aqqinik Aalajangiisartut immap assingi 1212 Qeqertarsuatsiaat kujataaniit Sioqqamiit Qeqertarsuatsiaat tungaannoortoq, aamma 1213 Qeqertarsuatsiaaniit avammut Kangerluarsorutsip tungaanoortoq sammivaat.

Nalunaarsugaatitta Qeqertarsuatsiaarmiullu nalunaarsugaataasa arlalitsigut nikingassuteqarnerisa kingunerisaanik nunat aqqi nalileqqinneqarlutik nalunaarsugaatitsinnit allaanerussuteqarlutik aalajangiunneqartut 44-upput. Bilagimi word-filiusumi imatut atilimmiipput: Nunat aqqi nalunaarsugaataareersut allannguuteqartulli.doc.

6. pillugu

Nunat aqqi nalunaarsugaatigineqareersut akuerisaneereersullu immap assinginut 1212-mut 1213-mullu inississimanngisat Nunat Aqqinik Aalajangiisartunit isummerfigineqarput. NAA-t aalajangiuppaat nunat aqqi pineqartut 77-usut immap assinginut 1212-mut 1213-mullu ilanngunneqassasut. Taakkua saniatigut ataatsimiinnermi sammineqareerlutik aalajangiunneqartut tamarmik aamma immap assinginut taakkununnga pineqartunut ilanngunneqartariaqartut aalajangiunneqarportaaq. Taamatut isummernermut pissutigitinneqarpoq umiartornermi avataannaani angalasoqarneq ajornera, kangerlunni allanilu aamma angalasoqartarmat. Bilagimi word-filiusumi imatut atilimmiipput: stednavne som ikke er med på søkortene.doc.

7. pillugu

Nunat aqqi immap assingini 1212-meereersut 1213-meereersullu Kort- og Matrikelstyrelsenikkormiunit Excel programimut nuunneqarsimasut Nunat Aqqinik Aalajangiisartunit misissorneqarput.

Nunat aqqi kalaallisut allannillit NAA-kkormiunit allattaasitaanngortinneqarput, qallunaatuinnarlu ateqartutut nalunaarsorneqarsimagaluartut kalaallisut aqqi aamma ilanngussuunneqarlutik.

Qallunaatuinnaq ateqartutut Excelimi nalunaarsorneqarsimasut nalunaarsugaatitsinnili kalaallisut ateqareersut ukuupput; Sorte skær (Lat. 63-41, Lon. 50-36) Qaarajuttukasik, Færingehavn Kangerluarsoruseq, Teltøerne Ammaqqunnguit, Tre Brødre Nukariit, Grædefjord Kangerluarsoruseq, Hellefiskeøer Qassisallit, Sorte Skær (Lat. 63-01, Lon. 51-50) Avalleq, Irken Havn Eqalugissat, Fiskenæsfjorden Qeqertarsuatsiaat Kangerluat, Lichtenfels Akunnaat, Fiskenæsset Qeqertarsuatsiaat.

Qallunaatuinnaq ateqartutut Excelimi nalunaarsorneqarsimasut nalunaarsugaatitsinnilu kalaallisut atii ilaanngikkaluarlutik ilannguterlaat ukuupput; DANAS DYB Allumersat Sioraata Iterna, RAVNS BANKE Sioqqap Sioraata Ikkannera, Hvalen Arfeq, Frederikshåb Isblink Sioqqap Sermia, THETIS SKÆR Nalluffiup Ikkarlua.

Qallunaatuinnaq ateqartutut Excelimi nalunaarsorneqarsimasut kalaallisullu ateqarnerannik nalunaarsorneqanngitsut ukuupput; Rota Havn, Smaragdø SANKTA MARIA SKÆR.

Nunallu aqqi pineqartut bilagini excel-filiusuni imatut atilinniipput: stednavne 1212_Allattaasitaanngortitat.xls, aamma stednavne 1213_Allattaasitaanngortitat.xls.

8. pillugu

a. No. A0513 Sub. 1 Immikkoorteq Sub. 2 Pujortuut
b. No. A0514 Sub. 1 Saqqit 1 Sub. 2 Saqqit 2
c. No. A0515 Kanaaki
d. No. A0517 Nunarsuaq

9. pillugu

Naamik.

Carl Chr. Olsen Lisathe M. Kruse

Siulittaasoq Allatsi