Ujarlerit

Nunat Aqqinik Aalajangiisartut 2008 – 2

Nunat Aqqinik Aalajangiisartut februaarip 28-anni 2008-mi Oqaasileriffimmi ataatsimiinnerat

Peqataasut.: Carl Chr. Olsen, Tukummeq Qaavigaq, Stephen Heilmann.
Peqataanngillat: – Karl Elias Olsen. Nuummiinnginnini pissutigalugu. – Abia Abelsen. Allanik suliassaqarnini pissutigalugu.
Allatsi.: Lisathe Møller Kruse aamma Amalia Egede.

Oqaluuserisassat:

  1. Tikilluaqqusineq
  2. Nunat aqqi immap assingani 1231-mik normulimmiittut eqqortumik allanneqarnissaasa misissornissaat. Qeqertarsuatsiaap eqqaa Qeqertarsuatsiaap avannaatungaa ilanngullugu immap assingani nunat aqqi pineqarput (Exel fil: søkort 1231_Qeqertarsuatsiaat).
  3. Nunat aqqi immap assingani 1350-mik normulimmiittut eqqortumik allanneqarnissaasa misissornissaat. Kangerluarsorutsip kangerlua Kangerluarsorutsillu avannaatungikannera ilanngullugu immap assingani nunat aqqi pineqarput (Exel fil: søkort 1350_Kangerluarsoruseq).
  4. Nunat aqqi immap assingani 1335-mik normulimmiittut eqqortumik allanneqarnissaat. Maniitsup eqqaata avannaatunginngua ilanngullugu immap assingani nunat aqqi pineqarput (Exel fil: søkort 1335_Maniitsoq).
  5. Nunat aqqi nalunaarsorlaat akuerisassat, Maniitsup eqqaaniittut immallu assingani 1335-miittut aammalu Kangerluarsorutsip eqqaaniittut immap assingani 1350-miittut.
  6. Aatsitassanut Ikummatissanullu Pisortaqarfimmiit suliakkiissutit
    • a. Michael Rudy Schrøder No. A0554
    • a. Michael Rudy Schrøder No. A0553
    • b. Jane Rusbjerg No. 2008/31
    • b. Jane Rusbjerg No. 2008/32
    • b. Jane Rusbjerg No. 2008/33
    • c. Ole Fjordgaard No. 2008/28
  7. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq. Ilanngullugu CCO-p eqqaavaa imaqarniliap suliarineqajaartarnissaa.

2. pillugu

Nunat aqqi nalunaarsugaareersut immap assingini 1231-meereersut, tassa Qeqertarsuatsiaat eqqaanniittut Kort- og Matrikelstyrelsenikkormiunit Excel programimut nuunneqarsimasut Nunat Aqqinik Aalajangiisartunit misissorneqarput. Nunallu aqqi eqqortut naqqiissutillu NAA-kkormiunit suliarineqareerlutik piareerneqarput.

Nunat aqqi pineqartut bilagini exel-filiusuni imatut atilinniipput: søkort 1231_Qeqertarsuatsiaat.xls.

Qeqertarsuatsiaap eqqaani nunat aqqi nalunaarsorlaat ukiarmi 2007-mi akuerineqarlutik aalajangiunneqarsimasut KMS-mut ilanngullugit nassiunneqarputtaaq.

3. pillugu

Nunat aqqi nalunaarsugaareersut immap assingini 1350-meereersut, tassa Kangerluarsorutsimeersut Kort- og Matrikelstyrelsenikkormiunit Excel programimut nuunneqarsimasut Nuup kujataani nunaqarfiusimasumi Narsaq-mi peroriartorsimasumit Aalipaaraq Poulsenimit misissorneqarsimasut NAA-kkormiunit misissorneqarput. Sulili qallunaatuinnaq ateqartinneqartut amerlagineqarmata NAA-kkormiunit siunnersuutigineqarpoq Kangerluarsorutsimi peroriartorsimasoq attavigeriarlugu suleqatigineqareerpat immap assinga 1350 aatsaat sukumiisumik sammineqarumaartoq, piffissamilu tassani nunat aqqi akueralugit aalajangiussassat suliarineqarumaartut.

4. pillugu

Nunat aqqi nalunaarsugaareersut immap assingini 1335-meereersut, tassa Maniitsup eqqaaniittut Kort- og Matrikelstyrelsenikkormiunit Excel programimut nuunneqarsimasut Johannes Rosingimillu Maniitsormiumit misissorneqarsimasut Nunat Aqqinik Aalajangiisartut ataatsimiinnerminni misissorpaat. Nunallu aqqi eqqortut naqqiissutillu NAA-kkormiunit akuerineqarlutik aalajangiunneqarput.

Nunat aqqi pineqartut bilagini exel-filiusuni imatut atilinniipput: søkort 1335_Maniitsoq.xls.

5. pillugu

Immap assingisa nutarterneqarnerisa kingunerisaannik nunat aqqi immap assingata 1335-p missaanniittut, tassa Maniitsup eqqaaniittut NAA-kkormiunit nalunaarsugaatigineqanngitsut Maniitsormiut nunat aqqinik ilisimasallit suleqatigalugit Lisathe peqatigalugu nalunaarsorneqarput. Nunat aqqi nalunaarsorlaat immap assingata 1335-p nalaanniitut 77-it NAA-kkormiunit akuerineqarlutik aalajangiunneqarput, nunap aqqa ataaseq “Qanngortooq” nunat aqqinik ilisimasalinnut apeqqutigineqartussaq minillugu.

Nunat aqqi akueralugit aalajangiussat bilagimi word-filiusumi imatut atilimmiipput: Nunat aqqi akuerisat_søkort 1335-p missaaniittut.doc.

6. pillugu

Aatsitassanut Ikummatissanullu Pisortaqarfimmiit suliakkiissutaasimasut ataaniittut ima taaguuteqartussatut NAA-kkormiunit aalajangiunneqarput:

a. Igasoq_2008_37 Igasoq
b. Qapiarfik_2008_38 Qapiarfik
c. No. 2008/33 Ataa

Ataatsimiinnermi eqqartugassatut ilanngunneqarnikuugaluartut sumiiffiit arlallit misissuiffigeqqaarnissaat pissutigalugit suli taaguutissaannik aalajangiiffigineqanngitsut ukuupput:

a. Michael Rudy Schrøder No. A0554
a. Michael Rudy Schrøder No. A0553

b. Jane Rusbjerg No. 2008/31
b. Jane Rusbjerg No. 2008/32

c. Ole Fjordgaard No. 2008/28

Tulliani ataatsimiinnissami eqqartorneqarlutik aalajangiivigineqassasut NAA-kkormiunit siunniunneqarpoq.

7. pillugu

________

Carl Chr. Olsen Lisathe M. Kruse

Siulittaasoq Allatsi