Ujarlerit

Nunat Aqqinik Aalajangiisartut 2008 – 4

Nunat Aqqinik Aalajangiisartut apriilip 21-anni 24-anni aamma maajip 14-anni 30-annilu 2008-mi Oqaasileriffimmi ataatsimiinnerat

Apriilip 21-anni peqataasut.: Tukummeq Qaavigaq, Stephen Heilmann, Karl Elias Olsen Abia Abelsenilu.
Peqataanngilaq: – Carl Chr. Olsen, nunanut allanut angalanini pissutigalugu.
Allatsit: Lisathe Møller Kruse.

Apriilip 24-anni peqataasut.: Tukummeq Qaavigaq, Stephen Heilmann, Karl Elias Olsen.
Peqataanngillat: – Carl Chr. Olsen, nunanut allanut angalanini pissutigalugu. – Abia Abelsen, allanik suliaqarnini pissutigalugu.
Allatsit: Lisathe Møller Kruse.

Maajip 14-anni peqataasut.: Carl Chr. Olsen, Karl Elias Olsen, Tukummeq Qaavigaq Abia Abelsenilu.
Peqataanngilaq: – Stephen Heilmann. feeriarnini pissutigalugu.
Allatsi: Lisathe Møller Kruse.

Maajip 30-anni peqataasut.: Carl Chr. Olsen, Karl Elias Olsen, Tukummeq Qaavigaq Stephen Heilmannilu.
Peqataanngilaq: – Abia Abelsen. Sulinerminut atatillugu angalanini pissutigalugu.
Allatsi: Lisathe Møller Kruse.

Oqaluuserisassat makkuupput:

  1. Tikilluaqqusineq
  2. Imaqarniliap akuerinera
  3. Nunat aqqi immap assingani 1314-mik normulimmiittut eqqortumik allanneqarnissaasa misissornissaat. Maniitsumiit Atammik ilanngullugu immap assingani nunat aqqi pineqarput. Exel-fil: kort1314.xls
  4. Nunat aqqi immap assingani 1313-mik normulimmiittut eqqortumik allanneqarnissaasa misissornissaat. Atammiit Nuuk ilanngullugu immap assingani nunat aqqi pineqarput. Exel-fil: stednavne 1313.xls
  5. Nunat aqqi immap assingani 1301-mik normulimmiittut eqqortumik allanneqarnissaasa misissornissaat. Nuup Kangerluani nunat aqqi pineqarput. Exel-fil: kort1301.xls.
  6. Nunat aqqi nalunaarsoqqammikkat akuerisassat. Akunnermit Nuup kitaa ilanngullugu nunat aqqi nalunaarsoqqammikkat, aamma Nuup Kangerluani nunat aqqi nalunaasoqqammikkat pineqarput. Nunat aqqi nalunaarsoqqammikkat allannguutillu katillutik 488-upput.
  7. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

2. pillugu

Februaarip 27-anni Nunat Aqqinik Aalajangiisartut ataatsimiinneranni imaqarniliaq naqqiissuteqartoqareerneratigut akuerineqarpoq.

3. pillugu

Nunat aqqi nalunaarsugaareersut immap assingani 1314-meereersut, tassa Atammimmiit Maniitsoq tikillugu Kort- og Matrikelstyrelsenimit Excel programimut nuunneqarsimasut Nunat Aqqinik Aalajangiisartunit misissorneqarput. Nunallu aqqi naqqiissutillu NAA-kkormiunit oqaluuserineqareerlutik piareerneqarput.

Nunat aqqi pineqartut bilagini exel-filiusuni imatut atilinniipput: kort1314.xls.

4. pillugu

Nunat aqqi nalunaarsugaareersut immap assingani 1313-meereersut, tassa Nuummiit Atammik tikillugu Kort- og Matrikelstyrelsenimit Excel programimut nuunneqarsimasut Nunat Aqqinik Aalajangiisartunit misissorneqarput. Nunallu aqqi naqqiissutillu NAA-kkormiunit oqaluuserineqareerlutik piareerneqarput.

Nunat aqqi pineqartut bilagini exel-filiusuni imatut atilinniipput: stednavne 1313.xls.

5. pillugu

Nunat aqqi nalunaarsugaareersut immap assingani 1301-meereersut, tassa Nuup Kangerluaniittut Kort- og Matrikelstyrelsenimit Excel programimut nuunneqarsimasut Nunat Aqqinik Aalajangiisartunit misissorneqarput. Nunallu aqqi naqqiissutillu NAA-kkormiunit oqaluuserineqareerlutik piareerneqarput.

Nunat aqqi pineqartut bilagini exel-filiusuni imatut atilinniipput: kort1301.xls.

6. pillugu

Apriilimi 2008-mi Nuup eqqaani nunat aqqi sumiiffinni aalajangersimasuni ilisimasalinnik assigiinngitsunik suleqateqarluni nalunaarsorneqarput.

Akunnermi nunat aqqinik nalunaarsuinermi nunat aqqinik ilisimasalik Karl Tobiassen Kangermi perorsimasoq suleqatigineqarpoq. Sumiiffiit Karl peqatigalugu nalunaarsuiffiit tassaapput: Qoornup eqqaa, Qaquk, Akunneq,

Akunnerup timaatungaalu, aamma Akunnermi nunat aqqinik nalunaarsuinermi aalisartoq Svend Petersen Nuummi najugalik annikitsumik suleqatigineqarluni.

Kangerup eqqaa kangiatungaa ilanngullugu, Nuullu kitaatungaaniittut qeqertarpaalussuit nunat aqqinik nalunaarsuiffigineqarmata nunat aqqinik ilisimasalik Kristian Heilmann Nuummiu suleqatigineqarpoq.

Kapisillit eqqaanni nunat aqqinik nalunaarsuinermi nunat aqqinik ilisimasalik Efraim Hansen Uummannami inunngortoq Kapisilinnilu perortoq suleqatigineqarpoq. Sumiiffiit Efraim Hansen peqatigalugu nalunaarsuiffiusut tassaapput: Kapisillit eqqaat, Kapisillit kitaatungaat kangerlui ilanngullugit,

Kapisillit kangiatungaat kangerlui timaalu ilanngullugit.

Qoornup eqqaani nunat aqqinik nalunaarsuinermi nunat aqqinik ilisimasalik Adam Lynge Qoornumi perortoq suleqatigineqarpoq. Sumiiffiit Adam Lynge peqatigalugu nalunaarsuiffiusut tassaapput: Qoornup eqqaa, Qoornup kitaa, Qoornup kangia kangerlui ilanngullugit, nunap timaa 1940-50-kkunni tuttuisakkallarmat tikinneqartarsimasut ilanngullugit.

Atuagaq “Nuup kommuneani qangarnitsanik eqqaassutit inuit-kulturip nunaqarfii – Fortidsminder i Nuuk kommune – inuit-kulturens bopladser. Kalaallit Nunaata Katersugaasivia & Nationalmuseet, Nuuk, 1983 nunat aqqinik nalunaarsuinermi ilaatigut aamma pissarsivigineqarpoq.

Taakku suleqatiginerisigut nunat aqqi nalunaarsoqqammikkat sumiiffimmikkut allanneqarnermikkullu allannguuteqartut ilanngullugit 750-it nalunaarsorneqarput.

Apriilip 21-anni 2008-mi nunat aqqi Karl Tobiassen annikitsumillu Svend Petersen peqatigalugit nalunaarsukkat aaqqitat ilanngullugit 84-it Nunat Aqqinik Aalajangiisartunit akuerineqarlutik aalajangiunneqarput. Nunat aqqi pineqartut bilagimi word-filimi imatut atilimmiipput: Karl T. + SP suleqatigalugit nunat aqqi nalunaarsukkat_autoriseret.doc.

Apriilip 24-anni 2008-mi nunat aqqi Kristian Heilmann suleqatigalugu nalunaarsukkat aaqqitat ilanngullugit 193–it Nunat Aqqinik Aalajangiisartunit akuerineqarlutik aalajangiunneqarput. Nunat aqqi pineqartut bilagimi word-filimi imatut atilimmiipput: Kristian Heilmann suleqatigalugu nunat aqqi nalunaarsukkat.doc.

Maajip 14-ianni 2008-mi nunat aqqi Efraim Hansen peqatigalugu nalunaarsukkat aaqqitat ilanngullugit 167–it Nunat Aqqinik Aalajangiisartunit akuerineqarlutik aalajangiunneqarput. Nunat aqqi pineqartut bilagimi word-filimi imatut atilimmiipput: Efraim Hansen Kapisillit kitaanni Uummannami inunngorsimasoq suleqatigalugu nunat aqqi nalunaarsukkat.doc.

Ullormi aamma tassani ataatsimiinnermi oqaluuserisassanut ilaanngikkaluartut ilanngullugit eqqartorneqartut tassaapput Qaanaap avannaaniittoq Nares Stræde, aamma Kalaallit Nunaata assingata 1:5 000 000-nik angissusilikkamiittut nunat aqqi aaqqitassat.

Lisathe Møller Kruse Qaanaami Aalisartut Piniartullu Siulittaasuannut Nares Stræde pillugu paasiniaagami paasitinneqarpoq Nares Stræde taavanimiut Ikeq-mik taasaraat. Taannalu tunngavigalugu Nunat Aqqinik Aalajangiisartut eqqartoreerlugu aalajangerpaat Qaanaap avannaatungaaniit ikeq taanna tamarmi Ikeq-mik ateqassasoq. Ikeq taanna pineqartoq siullermik sisamanik ukuusunik ateqartinneqaraluarpoq; Smith Sund, Nares Stræde, Kennedy Kanal aamma Robeson Kanal.

Nunap aqqa Nunat Aqqinik Aalajangiisartunit aalajangiullugu akuerineqartoq Kalaallit Nunaata assingani 1:5 000 000-tut angissusilikkamiittoq unaavoq: Qeqertaq Hans Ø-mik ateqaraluartoq Tartupaluk-mik ateqartinneqalerpoq.

Tassani Kalaallit Nunaata assinganiittut qallunaatut ateqartinneqartutut nalunaarsugaareeraluartut kalaallisut akuerisaasumik ateqareersut ilanngullugit Kort- og Matrikelstyrelsenimut aaqqitassanngortitat ukuupput: Kaffeklubbens Ø Inuit Qeqertaat-nngortillugu, Île de France Qeqertaq Prins Henrik-nngortillugu, Frederikshåb Isblink Sioqqap Sermia-nngortillugu, Søndre Strømfjord Kangerlussuaq -nngortillugu, Søndre Isortoq Maniitsup Isortua-nngortillugu, Buksefjorden Utoqqarmiut Kangerluarsunnguat-nngortillugu, Ellesmere Island Umimmaat Nunaat-nngortillugu. Nunavumi, Canadami, illoqarfiit tuluttut aqqi Akilinermiutuunngortinneqarput uku: Clyde River Kangiqtugaapik-nngortillugu Pond Inlet Mittimatalik-nngortillugu.

Maajip 30-anni 2008-mi nunat aqqi Adam Lynge suleqatigalugu atuakkamilu uanngaanneersut ilanngullugit “Nuup kommuneani qangarnitsanik eqqaassutit inuit-kulturip nunaqarfii – Fortidsminder i Nuuk kommune – inuit-kulturens bopladser. Kalaallit Nunaata Katersugaasivia & Nationalmuseet, Nuuk, 1983” nunat aqqi nalunaarsukkat aaqqitat ilanngullugit 304–it Nunat Aqqinik Aalajangiisartunit akuerineqarlutik aalajangiunneqarput. Nunat aqqi pineqartut bilagimi word-filimi imatut atilimmiipput: Adam Lynge + H. Chr. Gulløv (Samuel Kleinscmidt).doc.

Ulluni qulaani pineqartuni ataatsimiinnerni nunat aqqi Nunat Aqqinik Aalajangiisartunit aalajangerneqarlutik akuerineqartut katillutik 750–pput.

7. pillugu

Nunat Aqqinik Aalajangiisartut nunat aqqi siornatigut kukkusumik allanneqarsimasut aaqqinneqar nissaat eqqarsaatigalugit tunngaviusumik nunat aqqi eqqartorneqartut ataasiakkaarlugit nalilersorneqartassasut siunniuppaat. Tassunga tunngavigitinneqarpoq nunat aqqi kukkusuugaluit ilaat ullumikkut inuit akornanni atugaammata.

—————————–

Carl Chr. Olsen Lisathe M. Kruse

Siulittaasoq Allatsi