Ujarlerit

Nunat Aqqinik Aalajangiisartut 2010 – 4

Nunat Aqqinik Aalajangiisartut ataasinngornermi maajip 10-ni 2010-mi
Oqaasileriffimmi ataatsimiinnerat

Peqataasut.: Carl Christian Olsen, Abia Abelsen aamma Tukummeq Qaavigaq.
Peqataanngitsut: Stephen Heilmann toqqusaarlunnini pissutigalugu, Karl Elias Olsen piffissaqannginnini pissutigalugu.
Allatsi: Lisathe Møller Kruse.

Oqaluuserisat makkuupput:

  1. Tikilluaqqusineq
  2. Imaqarniliap akuerinera (apriilip 8-anni ataatsimiinnermit imaqarniliaq)
  3. Aatsitassanut Ikummatissanullu Pisortaqarfimmiit suliakkiissutit
  4. Nunatarujussuit qallunaatut atillit suli kalaallisuunngortinngisat suliarinissaat
  5. Sirkka Paikkalap saaffiginnissutai (Grønlandshavet, Prins Christian Sund, Danmarksstrædet, Kejser Franz Joseph Fjord aamma Danmark Fjord)
  6. Imartat aqqi
  7. Aaqqusaq (Upernaviup kujatinnguaniittoq)
  8. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

2. pillugu

Apriilip 8-anni 2010-mi ataatsimiinnermit imaqarniliaq naqqiissuteqarfigilaarneqareerluni Nunat Aqqinik Aalajangiisartunit akuerineqarpoq.

3. pillugu

Aatsitassanut Ikummatissanullu Pisortaqarfimmiit suliakkiissut Nunat Aqqinik Aalajangiisartunit eqqartorneqareerluni ima taaguuteqartussatut aalajangiunneqarpoq:

Benjamin Esberg Greve suliakkiissutaa:

Fil: 2010-52 Application map.pdf Qarliit Nunaat

4. pillugu

Nunatarujussuit qallunaatut atillit suli kalaallisuunngortinngisat Nunat Aqqinik Aalajangiisartunit sammineqarput. Nunap assinga “Kalaallit Nunaat imartallu avatangiisui” aallaavigalugu nunatarujussuit eqqartorneqarput. Nunat Aqqinik Aalajangiisartut marsip 17-anni 2010-mi ataatsimiinnerminni nunatarujussuit ilaat sammereermatigik, sinneruttut eqqartorneqareerlutik ima allannguuteqarnissaat aalajangiunneqarput:

  • Knud Rasmussen Land → Nuna Knud Rasmussen
  • Prudhoe Land → Nuna Prudhoe
  • Lauge Koch Kyst → Sineriak Lauge Koch
  • J. P. Koch Land → Nuna J. P. Koch
  • Dronning Ingrid Land → Nuna Dronning Ingrid
  • Dronning Margrethe II Land → Nunat Dronning Margrethe II

Iluatsillugu Kalaallit Nunaata avannaarsuaniittoq imartaq aamma pisortatigoortumik ima allannguuteqarnissaa aalajangiunneqarpoq:

  • Lincoln Hav → Imartaq Lincoln

5. pillugu

Sirkka Paikkalap nunat aqqi tallimat saaffiginnissutai Nunat Aqqinik Aalajangiisartunit eqqartorneqarput.

Prins Christian Sund kalaallisut ateqarnersoq apeqqutigisaata ilagivaat. Prins Christian Sund pisortatigoortumik ateqareerpoq Ikerasassuaq-mik ateqarami, allannguuteqanngilarlu.

Saaffiginnissutaata ilai uku allannguuteqaratik taamatut ateqartinneqaannarput:

  • Grønlandshavet
  • Danmark Stræde
  • Danmark Fjord

Sirkka Paikkalap saaffiginnissutaa Nunat Aqqinik Aalajangiisartunit allannguuteqartinneqartutuaq ataani takuneqarsinnaavoq:

  • Kejser Franz Joseph Fjord → Kangerluk Kejser Franz Joseph

6. pillugu

Imartat Kalaallit Nunaata avataaniittut susassaqartunut tusarniaassutigineqarnissaat siunniunneqarpoq. Taamatut iliortoqarnissaa siunniunneqarpoq imaaratarsinnaammat atuisuusut qangaaniilli imartat ateqartereeraat. Imartat ikkannerit makkua tusarniaassutigineqassapput:

  • Qorfiit (Savissiviup kujataaniittoq)
  • Kitsissorsuit Ikkannerat (Nuussuup avataaniittoq)
  • Upernaviup Ikkannera (Upernaviup avataaniittoq)
  • Qeqertarsuup Ikkannera (Qeqertarsuup kujataata kitikannianiittoq)
  • Qalerallit Ikkannersuat (Kangaatsiap avataaniittoq)
  • Lille Hellefiske Banke (Kangerlussuup avataaniittoq)
  • Maniitsup Ikkannera (Maniitsup avataaniittoq)
  • Toqqusap Ikkannera (Toqqusap avataaniittoq)
  • Fyllap Ikkannera (Nuup avataaniittoq)
  • Qeqertarsuatsiaat Ikkannerat (Qeqertarsuatsiaat avataaniittoq)
  • Danap Ikkannera (Qeqertarsuatsiaat kujatikannerata avataaniittoq)
  • Narsallip Ikkannera (Narsallip avataaniittoq)
  • Nanortallip Ikkannera (Nanortallip avataaniittoq)
  • Kap Walløe Banke → Ikkanneq Kap Walleø (Tunup kujataani Kangerlussuatsiap avannaatungaaniittup Kangersivasiup avataa)
  • Tordenskjold Banke → Napasorsuup Ikkannera (Napasorsuup Kangerluata avataaniittoq)
  • Akorninnaap Ikkannera (Uummannap Kangertivata avataaniittoq)
  • Kulusuup Ikkannera (Kulusuup kujataaniittoq)
  • Dohrn Banke (Sermiligaap kangingaatsiaaniittoq)

7. pillugu

Upernaviup kujataatungaaniittoq qeqertaq Nunat Aqqinik Aalajangiisartunit akuerisatut nalunaarsugaatigineqartoq Aarrusaq pillugu Upernaviup Katersugaasivianiit naqqiissut tigusimasavarput, Aarrusaq-minngooq ateqanngilaq Aaqqusaq-rooruna.

Tamatuma kingorna Nunat Aqqinik Aalajangiisartut allattaata LMK-up misissuinermini atuagaatitoqqani naammattoorpaa qeqertaq pineqartoq Aaqqusaq-mik ateqartoq, nassuiarneqarsimalunilu isumaa tassaasoq aaq-mut assingusoq1.

Aarrusaq kukkusutut nalunaarsugaatigineqartoq pillugu Nunat Aqqinik Aalajangiisartut aalajangerput pisortatigoortumik Aaqqusaq-mik ateqalissasoq. Allannguinerminni tunngavigivaat sumiiffimmi atuisuusut aterititaat pisortatigoortumik aamma atigitinneqartariaqarmat.

8. pillugu

Nunat Aqqinik Aalajangiisartunut ilaasortap Tukummeq Qaavigaq-p ataatsimeeriaatsit allat atorneqarsinnaagaluarneri pillugit ujartuivoq. Aallaqqanerup nalaani oqarasuaatikkut ataatsimeeqataasinnaaneq ujartorpaa, angalanerup nalaani sumik arlaannik pissuteqarluni angerlarsinnaannginnerup nalaani ataatsimeeqataasinnaaneq pisinnaagaluartoq nassuiaatigalugu.

Nunat Aqqinik Aalajangiisartut siulittaasuata Carl Christian Olsenip nassuiaatigivaa taamaaliortoqarsinnaanersoq Naalakkersuisoqarfik paasiniaaffigineqaqqaartariaqassasoq.

—————————–

Carl Chr. Olsen Lisathe M. Kruse

Siulittaasoq Allatsi

1 Meddelelser om Grønland – en og tredivte hæfte. Bianco Lunos Bogtrykkeri. København, 1904. p. 334.