Ujarlerit

Oqaasiliortut 2011 – 1 (gl)

OQAA – 100311(gl)

Oqaasiliortut Ataatsimiinnerat sisamanngornermi marsip 10-anni 2011 Ilimmarfimmi Oqaasileriffiup ataatsimiittarfiani.

Peqataasut: Carl Chr. Olsen, Stephen Heilmann, Katti Frederiksen, Lotte Holm, Eva Møller Thomassen, Johannes Jerimiassen aamma Karl Møller.

Allatsi: Nuka Møller

Oqaluuserisat:

  1. Tikilluaqqusineq
  2. Ilisimatitsissutit
    Carl Christian Olsen tikilluaqqusivoq ilisimatitsissutigalugulu Oqaasiliortunut ilaasortat nutaat Naalakkersuisut februaarip 24-anni ataatsimiikkamik qinigaaffiup naanissaata tungaanut atasussatut toqqarsimagaat. Ilisimatitsissutigaattaaq Oqaasileriffik suliffik ilisimatusarnermik nammineq aallutaqartoq naalakkersuinermut tunngasuni KIIN-imut akisussaasuusoq aningaasanut inatsisit aqqutigalugu ukiumoortumik Namminersorlutik Oqartussanit aningaasalerneqartartoq, inatsisillu malillugit Oqaasiliortut aamma oqaatsinut ataatsimiititat allaffissornikkut sullissarigai. Oqaasiliortut pisariaqartitsineq naapertorlugu aamma aalajangersimasunik suliaqartussanik suleqatigiissitaliorsinnaavoq.
  3. Oqaasiliortut pillugit aalajangersakkat
    Oqaasiliortut ataatsimiititaliallu pillugit inatsisit ilaasortanut agguaanneqarsimasut ilaat CCO-p ilisaritippai suliassallu pingaarnerit suunersut nassuiaatigalugit. Ersarissarpaa Oqaasiliortuni akuersineq (godkendelse) atorneqarmat, uffa Nunat Aqqinut Aalajangiisartuni (NAA) aalajangiineq (autorisation) atorneqartoq. Aalajangiisinnaatitaaneq tamanna sakkortungaatsiartuuvoq. Oqaasiliortut NAA-llu aalajangigaat allanut ingerlateqqillugit suliassiissutigineqarsinnaanngillat Inuit Aqqinik Akuersisartut (IAA) akuerisaat immikkut isummerfigisassaagaangata Oqaasiliortunut ingerlateqqinneqarsinnaapput.
  4. Oqaasiliortut suleqatigisartagaaat
    Oqaasiliortut suliaminnut tunngatillugu assigiinngitsunik suleqateqartarput, soorlu Nunani Avannarlerni oqaatsit pillugit siunnersuisoqatigiinnut (Nordens Sprogråd) ilaasortaatitaqarput, taamatuttaaq taassuma ataani ilisimatuutut suleqatigiissitami (Ekspertgruppen Nordisk Sprogråd ) CCO ilaasortaavoq Stephen Heilmann sinniisussaalluni. Ukioq manna tassani qinigaaffik naasussaavoq. Taamatuttaaq Nunani Avannarlerni Oqaasiliortut Norgemi, Sverigemi, Finlandimi, Islandimi Danmarkimilu suleqatigineqartarput aamma Nunani namminersornerusoqarfiusuni soorlu Savalimmiuni, Ålandimi Saamillu Nunaanni. Naggueqativut Amerikap avannaaniittut Ruslandimiittullu aamma suleqatigineqartarput. Taakku saniatigut aamma Nunatsinni suliffeqarfiit assigiinngitsut suleqatigineqartarput.
  5. Siulittaasussamik qinersineq
    Carl Christian Olsen, puju siulittaasutut qinerneqarpoq.
  6. Siulittaasup tullissaanik qinersineq
    Stephen Heilmann siulittaasup tulliatut qinerneqarpoq.
  7. Nunat Aqqinik Aalajangiisartunut ilaasortat ilaasortaatitassaannik qinersineq
    Ilaasortassatut Naalakkersuisunit toqqarneqareerput Tukummeq Qaavigaq, Abia Abelsen aamma Carl Christian Olsen. Oqaasiliortunut ilaasortat akornanni ilaasortassatut qinerneqarput Lotte Holm aamma Stephen Heilmann.
  8. Inuit Aqqinut Akuersisartunut Oqaasiliortut ilaasortaatitassaannik qinersineq
    Biskopi Sofie Petersen ilaasortaavoq. Oqaasiliortunit ilaasortat akornannit ilaasortassatut qinerneqarput Lotte Holm aamma Eva Møller Thomassen.
  9. Taasariaqartut allat
    1. INI A/S-imiit marsip arfineq aappaanni saaffiginnittoqarpoq suliffeqarfiup ataani ingerlatsisut INI Byggeteknik A/S kalaallisut taaguutissarsiortunik.

      Oqaasiliortut aalajangerput INI Byggeteknik A/S kalaallisut ima taaguuteqassasoq: INI A/S-imi Sanaartortitsisut.

    2. Tunumiusut Avanersuarmiutullu allattarneq pillugu apeqqutit aalajangersakkat manna tikillugu atuuttut avataatigut peqartoqassappat, tamakku tunngaviusumik isummerfigineqartassapput.
    3. Katti Frederiksenip erninerminut atatillugu sulinngiffeqarnerata nalaani sinniisussat siulliattut toqqarneqarsimasoq Johannes Jerimiassen taartaassaaq (sinniisussap tulleraa Karl Møller). Allatsitut suliaanut tunngatillugu Nuka Møller Oqaasileriffimmeersoq taartaassaaq. Kattip suliat sumut killinneri pillugit Nuka ilisimatikkumaarpaa.
    4. Oqaasiliortunut ilaasortanut allakkatigut nassiussisoqartillugu sinniisussat tamarmik aamma nassineqartassapput.
    5. Ilaasortanngorlaat sinniisullu sulisitsisuinut allakkatigut ilisimatitsissummik nassiussisoqassaaq Oqaasiliortunut ilaasortatut toqqarneqarneq borgerligt ombudiusoq tamannalu qanoq nassataqassanersoq.

 

Inussiarnersumik inuulluaqqusilluta

 

Carl Chr. Olsen Nuka Møller
Siulittaasoq Allatsi

Oqaasiliortut 2011 – 1 (gl)

OQAA – 100311(gl)

Oqaasiliortut Ataatsimiinnerat sisamanngornermi marsip 10-anni 2011 Ilimmarfimmi Oqaasileriffiup ataatsimiittarfiani.

Peqataasut: Carl Chr. Olsen, Stephen Heilmann, Katti Frederiksen, Lotte Holm, Eva Møller Thomassen, Johannes Jerimiassen aamma Karl Møller.

Allatsi: Nuka Møller

Oqaluuserisat:

  1. Tikilluaqqusineq
  2. Ilisimatitsissutit
    Carl Christian Olsen tikilluaqqusivoq ilisimatitsissutigalugulu Oqaasiliortunut ilaasortat nutaat Naalakkersuisut februaarip 24-anni ataatsimiikkamik qinigaaffiup naanissaata tungaanut atasussatut toqqarsimagaat. Ilisimatitsissutigaattaaq Oqaasileriffik suliffik ilisimatusarnermik nammineq aallutaqartoq naalakkersuinermut tunngasuni KIIN-imut akisussaasuusoq aningaasanut inatsisit aqqutigalugu ukiumoortumik Namminersorlutik Oqartussanit aningaasalerneqartartoq, inatsisillu malillugit Oqaasiliortut aamma oqaatsinut ataatsimiititat allaffissornikkut sullissarigai. Oqaasiliortut pisariaqartitsineq naapertorlugu aamma aalajangersimasunik suliaqartussanik suleqatigiissitaliorsinnaavoq.
  3. Oqaasiliortut pillugit aalajangersakkat
    Oqaasiliortut ataatsimiititaliallu pillugit inatsisit ilaasortanut agguaanneqarsimasut ilaat CCO-p ilisaritippai suliassallu pingaarnerit suunersut nassuiaatigalugit. Ersarissarpaa Oqaasiliortuni akuersineq (godkendelse) atorneqarmat, uffa Nunat Aqqinut Aalajangiisartuni (NAA) aalajangiineq (autorisation) atorneqartoq. Aalajangiisinnaatitaaneq tamanna sakkortungaatsiartuuvoq. Oqaasiliortut NAA-llu aalajangigaat allanut ingerlateqqillugit suliassiissutigineqarsinnaanngillat Inuit Aqqinik Akuersisartut (IAA) akuerisaat immikkut isummerfigisassaagaangata Oqaasiliortunut ingerlateqqinneqarsinnaapput.
  4. Oqaasiliortut suleqatigisartagaaat
    Oqaasiliortut suliaminnut tunngatillugu assigiinngitsunik suleqateqartarput, soorlu Nunani Avannarlerni oqaatsit pillugit siunnersuisoqatigiinnut (Nordens Sprogråd) ilaasortaatitaqarput, taamatuttaaq taassuma ataani ilisimatuutut suleqatigiissitami (Ekspertgruppen Nordisk Sprogråd ) CCO ilaasortaavoq Stephen Heilmann sinniisussaalluni. Ukioq manna tassani qinigaaffik naasussaavoq. Taamatuttaaq Nunani Avannarlerni Oqaasiliortut Norgemi, Sverigemi, Finlandimi, Islandimi Danmarkimilu suleqatigineqartarput aamma Nunani namminersornerusoqarfiusuni soorlu Savalimmiuni, Ålandimi Saamillu Nunaanni. Naggueqativut Amerikap avannaaniittut Ruslandimiittullu aamma suleqatigineqartarput. Taakku saniatigut aamma Nunatsinni suliffeqarfiit assigiinngitsut suleqatigineqartarput.
  5. Siulittaasussamik qinersineq
    Carl Christian Olsen, puju siulittaasutut qinerneqarpoq.
  6. Siulittaasup tullissaanik qinersineq
    Stephen Heilmann siulittaasup tulliatut qinerneqarpoq.
  7. Nunat Aqqinik Aalajangiisartunut ilaasortat ilaasortaatitassaannik qinersineq
    Ilaasortassatut Naalakkersuisunit toqqarneqareerput Tukummeq Qaavigaq, Abia Abelsen aamma Carl Christian Olsen. Oqaasiliortunut ilaasortat akornanni ilaasortassatut qinerneqarput Lotte Holm aamma Stephen Heilmann.
  8. Inuit Aqqinut Akuersisartunut Oqaasiliortut ilaasortaatitassaannik qinersineq
    Biskopi Sofie Petersen ilaasortaavoq. Oqaasiliortunit ilaasortat akornannit ilaasortassatut qinerneqarput Lotte Holm aamma Eva Møller Thomassen.
  9. Taasariaqartut allat
    1. INI A/S-imiit marsip arfineq aappaanni saaffiginnittoqarpoq suliffeqarfiup ataani ingerlatsisut INI Byggeteknik A/S kalaallisut taaguutissarsiortunik.

      Oqaasiliortut aalajangerput INI Byggeteknik A/S kalaallisut ima taaguuteqassasoq: INI A/S-imi Sanaartortitsisut.

    2. Tunumiusut Avanersuarmiutullu allattarneq pillugu apeqqutit aalajangersakkat manna tikillugu atuuttut avataatigut peqartoqassappat, tamakku tunngaviusumik isummerfigineqartassapput.
    3. Katti Frederiksenip erninerminut atatillugu sulinngiffeqarnerata nalaani sinniisussat siulliattut toqqarneqarsimasoq Johannes Jerimiassen taartaassaaq (sinniisussap tulleraa Karl Møller). Allatsitut suliaanut tunngatillugu Nuka Møller Oqaasileriffimmeersoq taartaassaaq. Kattip suliat sumut killinneri pillugit Nuka ilisimatikkumaarpaa.
    4. Oqaasiliortunut ilaasortanut allakkatigut nassiussisoqartillugu sinniisussat tamarmik aamma nassineqartassapput.
    5. Ilaasortanngorlaat sinniisullu sulisitsisuinut allakkatigut ilisimatitsissummik nassiussisoqassaaq Oqaasiliortunut ilaasortatut toqqarneqarneq borgerligt ombudiusoq tamannalu qanoq nassataqassanersoq.

 

Inussiarnersumik inuulluaqqusilluta

 

Carl Chr. Olsen Nuka Møller
Siulittaasoq Allatsi