Ujarlerit

Nunat Aqqinik Aalajangiisartut 2011 – 4

Nunat Aqqinik Aalajangiisartut aprilip 27-anni 2011-mi Oqaasileriffimmi ataatsimiinnerat

Peqataasut.: Carl Christian Olsen, Abia Abelsen, Tukummeq Qaavigaq aamma Lotte Holm.
Peqataanngitsut: Stephen Heilmann, napparsimanini pissutigalugu.
Allatsi: Lisathe Møller Kruse.

Oqaluuserineqartut makkuupput:

  1. Tikilluaqqusineq
  2. Imaqarniliat akuerinera (marsip 31-anni aprilillu 7-anni 2011-mi ataatsimiinnermit imaqarniliaq)
  3. Aatsitassanut Ikummatissanullu Pisortaqarfimmiit suliakkiissutit
    • i. Frants Torp Madsenip saaffiginnissutai
      1. 2011-51 (Illoqqortoormiut avannaaniippoq)
      2. 2011-53 (Illoqqortoormiut kangerlussuaniippoq, Ilimananngip Nunaani (Milne Land))
    • ii. Benjamin Esberg Greve
      1. stednavn.pdf (Saqqap kitaaniippoq)
  4. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

2. pillugu

Marsip 31-anni aprilillu 7-anni 2011-mi Nunat Aqqinik Aalajangiisartut ataatsimiinnerannit imaqarniliaq akuerineqarpoq.

3. pillugu

Aatsitassanut Ikummatissanullu Pisortaqarfimmiit saaffiginnissutit Nunat Aqqinik Aalajangiisartunit eqqartorneqareerlutik uku akuerisaasumik taaguutaasussatut aalajangerpaat:

Frants Torp Madsenip saaffiginnissutai

  1. 2011/51 (Kong Oscar Fjordip avannaa) Uumasorujuup Nuua
  2. 2011/53 (Ilimananngip Nunaani) Ilimananngip Kangia

Benjamin Esberg Greve-p saaffiginnissutai

  1. Stednavn.pdf (Saqqap kitaa) Pulateriaq

4. pillugu

Nunat Aqqinik Aalajangiisartut qaammatip aallartinnerani marlunngornerit tamaasa ataatsimiiffigisalissallugit aalajangerpaat, sapaatip akunnerisalu ulluini allani ataatsimiiffeqartassanatik aalajangerlugu. Nukingernartunik suliassaqartillugu marlunngornerit arlaat ataatsimiiffiusassasoq aalajangerneqarpaattaaq. Nunat Aqqinik Aalajangiisartut ilaasa suliffimminni piffissani aalajangersimasuni pisinnaasannginnertik pillugu taamatut siunnersuuteqarput, ilaasortaaqatinniillu ilalerneqarlutik.

Carl Chr. Olsen Lisathe M. Kruse

Siulittaasoq Allatsi