Ujarlerit

Oqaasiliortut 2002 – 5

OQAA – 250502(gl)

Oqaasiliortut maajip ulluisa 29-anni 2002, nal.10.00 Oqaasileriffimmi ataatsimiinnerannit imaqarniliaq

 

Peqataasut: Carl Chr. Olsen, Stephen Heilmann, Ella Skifte, Nuka Møller.

Nalunaareerluni peqataanngitsoq: Sofia Geisler.

Allatsigalugu: Pia N. Knudsen.

 

Oqaluuserisassat:

  1. Oqaluuserisassat akuerisassanngorlugit saqqummiunnerat
  2. Kingullermik ataatsimiinnermit imaqarniliap akuerisassanngorlugu saqqummiunnera
  3. Ilisimatitsissutit
  4. Kelly Berthelsenip tunuarneratigut inissititerinerit
    1. Oqaasiliortunut ilaasortaq
    2. Nunat Aqqinik Aalajangiisartunut ilaasortaq
    3. Inuit Aqqinik Akuersisartunut ilaasortaq
  5. Taasariaqartut allat

-1 pillugu-

Oqaluuserisassat akuerineqarput.

-2 pillugu-

Imaqarniliaq akuerineqarpoq

-3 pillugu-

CCO: KIIIP-p aningaasanik sipaarniarnera tamannalu peqqutigalugu budgetip iluinnaani aningaasanik atuinissaq naatsorsuutigigaa, qaangiinaveersaarnissarlu piumasarigaa CCO-p ilisimatitsissutigaa.

Sprogpolitisk referencegruppe juunip aqqarnanni Københavnimi ataatsimiinniartoq tassungalu peqataassalluni CCO ilisimatitsivoq.

-4 pillugu-

CCO: Kelly Berthelsen ilaasortaaffimminit tunuarnera peqqutigalugu sinniisussatut tulliuttoq Sofia Geisler Oqaasiliortunut ilanngutsinneqartoq CCO-p nalunaarutigaa. Aammattaaq oqaatigaa Sofia Geisler ilanngutsinneqarnissaq pillugu nalunaarfigineqareersimasoq akuersisimasorlu.

  1. Sofia Geisler Oqaasiliortunut ilaasortanngorpoq.
  2. Nuka Møller Nunat Aqqinik Aalajangiisartunut ilaasortanngorpoq.
  3. Stephen Heilmann Inuit Aqqinik Akuersisartunut ilaasortanngorpoq.

-5 pillugu-

CCO: Inuit Aqqinik Akuersisartut siunissami Oqaasileriffimmi ataatsimiittalernissaat Oqaasileriffimmiillu sullinneqartalernissaat aammaarluni CCO-p eqqaavaa.

Ataatsimiinnissaq tulleq pissaaq juunip arfineq aappaanni, nal. 10.00 Oqaasileriffimmi.

 

Carl Chr. Olsen                                                          Pia N. Knudsen

Siulittaasoq                                                                Allatsi