Ujarlerit

Oqaasiliortut 2003 – 2

OQAA – 101003(gl)

Oqaasiliortut oktoberip 10.-anni 2003, nal. 10.00 Oqaasileriffimmi ataatsimiinnerannit imaqarniliaq.

 

Peqataasut: Carl Chr. Olsen, Stephen Heilmann, Nuka Møller, Ellen Jensen

Allatsigalugu: Pia N. Knudsen.

 

Oqaluuserisassat:

  1. Ilisimatitsissutit
    1. Perorsaanermi taaguutit
    2. Ordbogen
    3. GEUS suleqatigalugu nunat aqqinik suliaqarneq
  2. Kingullermik ataatsimiinnermit imaqarniliap akuerisassanngorlugu saqqummiunnera
  3. Avannaamioqatigiinni ataatsimiinnerit
    1. Nordisk sprogmøde (Nuka Møller)
    2. Nordisk Sprogkonvention pillugu ataatsimiinneq
  4. Sprogteknologi pillugu ataatsimiinnissaq.
  5. Taasariaqartut allat

-1 pillugu-

1. CCO: Oqaasiliortunut tamanut, minnerunngitsumik Ellen Jensen-imut Danmarkimi ilinniareerluni nunatsinnut uteqqinneranut Oqaasiliortunullu ilaasortanngoqqinneranut CCO tikilluaqqusivoq.

CCO: ”Oqaatsinik allattuiffik” qanittukkut atuagaaranngorlugu Perorsaanermik Ilinniarfiup Oqaasileriffik suleqatigalugu saqqummersinneqarpoq. Atuagaaraq perorsaanermut tunngasunik ilinniagalinnut tulluuttunngorlugu suliaavoq, oqaaseq arlalinnik isumaqaraangat isumai tamarmik allanneqartarput ilinniartunillu atoruminartunngorlugu suliaalluni.

CCO atuagaaqqap siunissami ordlisti atorlugu suliareqqinnissaanut isumalluarpoq.

2. CCO: Orbogen-ip saqqummernerata kingorna kukkunerit, amingaatit naqinnerliukkallu iluarsaanneqarnissaat oqaloqatigiissutigineqarsimavoq.

Oqaloqatigiinnermi isumaqatigiissutigineqarsimavoq iluarsisariallit Inerisaavimmut ingerlatinneqartassasut Ordbogen-illu naqeqqinneqarsinnaanera eqqartorneqarsimasoq CCO oqarpoq.

3. CCO: GEUS tunup avannaarsuani nunat aqqisa allorniusami sumiinnerinik  nalunaarsugai Piap misissorlugit suliarai. Oktobarip 15.-anni 2003 misissuinerup naammassineqarnissaa naatsorsuutigineqartoq CCO-p oqaatigaattaaq.

-2 pillugu-

CCO: Kingullermik ataatsimiinnermit imaqarniliap akuerisassanngorlugu saqqummiunneqarnissaa tulliani ataatsimiinnissamut kinguartinneqarpoq.

-3 pillugu-

1. NM: Augustip 28.-nniit septemberip aallaqqaataat ilanngullugu Nordisk sprogmøde ingerlanneqarmat NM peqataavoq.

Ukiup tullianut aningaasaliinissanik eqqartuinermi Oqaasileriffik 170.000 koruuninik aningaasaliiffigineqarpoq, aningaasaliinermi tunngavigineqarput medicinsk ordlistiliaq aamma psykisk arbejdsmiljø-mut ordlistiliaq.

Nordisk sprogrådi allatut aaqqissorniarneqalersoq NM-p oqaatigaa.

CCO: Ulloq manna tikillugu Nordisk sprog Nordisk Ministerrådilu immikkooortutut inissisimapput. Ukiortaamiit ataatsimut inissinneqarnissaat anguniarneqarpoq, tassa Nordensprogrådimik taaguuteqalissaaq taasumalu ataaniilissapput Nordisk Ministerråd sprognævnillu, taakkulu illugiimmik sullinneqassasut CCO-p paasissutissiissutigaa.

2. SH: SH Sprogkonventionimut CCO taarserlugu peqataavoq. SH konventionimi peqataanerminut avataaniittutut misigisimavoq nunat avannarliit peqataatitaat tamarmik justitsmisisteriaqarfinnit aallartitaallutik peqataasimammata.

SH-p oqariartuutitut saqqummiussimavaa Kalaallit Nunaanni nunanut allanut tunngasut Danmarkip tigummimmagit Namminersornerullutik Oqartussat tamanna pillugu oqaloqatigineqartariaqartut.

CCO: Nunatta Danmarkimit aqunneqarani konventionimut ilaasalernissaanut ingerlaqqinnissamut suliaq ingerlanneqartoq CCO-p oqaatigaa.

Nunanut avannaamioqatigiinnut tunngasut Udenrigkontorimut ingerlateqqinneqartalissasut tassanngaanniillu suliareqqinneqartalissasut CCO-p oqaatigaattaaq.

SH: Kalaallit Danmarkimi najugallit kalaallisut sullinneqartalernissaat ataatsimeersuaqataasut ilaannit isumaqatigineqanngilaq Kalaallit Nunaat statip iluaniimmat.

CCO: Kalaallit Danmarkimi najugallit kalaallisut sullinneqarsinnaalernissaannut anguniarneqassappat atuagaaqqami ”Oqaaserli”-mi qupp. 24-miittoq ”Kalaallit Danmarkimiittut” tunngavigalugu suliaq ingerlanneqarsinnaasoq CCO-p oqaatigaa.

Novembarimi ataatsimiittoqaqqilerpat juritiskitut tunngavigineqarsinnaasoq CCO-p oqaatigaattaaq.

-4 pillugu-

CCO: Oktobarip 17.-anniit 19.-annut Sprogteknologi pillugu Københavnimi ataatsimiittoqalerpat Per Langgård Ellen Jensenilu peqataassapput.

-5 pillugu-

SH: Salomine Tobiassen-ip Tunumiut oqaasiisa aallaalluinnarnerat pillugu aallakaatitassiani aallaavigalugu Oqaasileriffimmut allagaqassasoq SH oqarpoq.

CCO: Kalaallit oqaasiisa suliarineqartarneri oqaatsinik ilisimatuunik ingerlanneqartartussaasut aammalu inuiaqatigiinnut paasissutissiissutigineqartartussaasut CCO-p eqqaavaa.

Inuit Aqqinik Akuersisartut: Inuit aqqinut suliat tamarmik Oqaasileriffimmut saaffiginnissutigineqartalissapput Oqaasileriffimmullu piginnittussaatitaaneq nuunneqassalluni.

Ataatsimiinnissaq tulleq pissaaq Oqaasileriffimmi

 

Carl Chr. Olsen                                                           Pia N. Knudsen

Siulittaasoq                                                                Allatsi