Ujarlerit

Oqaasiliortut 2006 – 1

OQAA – 060206(gl)

Oqaasiliortut ataatsimiinnerannit ataasinngornermi februaarip 6.-anni, 2006, nal.10.00 Oqaasileriffimmi

 

Peqataapput: CCO, EJE aamma NUMO.

Peqataanngillat: STH aamma LEH.

 

Oqaluuserisat:

  1. Ilisimatitsissutit
  2. Ilitsoqqussaralugu oqaatsit ulluat februaarip 21-at, 2006
  3. Nersornaammik pilersitsinissaq
  4. Taasariaqartut allat

– 1 pillugu –

                Oqaasiliortunut ilaasortat qinigaaffiat ataatsimiititaliat allat Nunat Aqqinik Aalajangiisartut aamma Inuit Aqqinik Akuersisartut ilaasortat qinigaaffiannut nikingajunnaarsinniarlugu Oqaasiliortunut ilaasortat nutaamik qinigaaffeqarlutik aallartinnissaat pilersaarutaasoq ilisimatitsissutigineqarpoq. Qinigaaffimmik nutaamik aalajangiineq pisimavoq KIIIPimi attaveqaatigisap isumasioreerneragut.

Oqaasiliortunut siulittaasup Oqaasiliortunut ilaasortat tamakkerlugit ilaasortaanerminnik ingerlatitseqqikkusunnerannik tusarniaaffigalugit. LEH kisiartaalluni tunuarniuteqarsimavoq peqquteqavilluni. Oqaasiliortunut ilaasortat sinneri ingerlaqqikkusunnerminnik ilisimatitsisimapput.

– 2 pillugu –

                Ilitsoqqussaralugu Oqaatsit Ulluat nalliussineqassaaq ulloq februaarip 21-anni, 2006. Ilitsoqqussaralugu Oqaatsit Ulluata siunertaraa oqaatsit kulturillu iluanni assigiinngiiaassuseq siuarsassallugu akaareqatigiinneq oqaloqatigiinnerlu aallaavigalugit. UNESCO-p (FN-ip ilinniartitaanermut, ilisimatusarnermut kultureqarnermullu kattuffiata) ulloq taanna 1999-imi nunarsuaq tamakkerlugu ukiut tamaasa nalliuttorsiutigineqartussanngorlugu atuutsilerpaa.

IOUnut tunngatillugu Oqaasileriffiup aaqqissugaanik Katuap Byorkestersaliani ulluni marlussunni malunnartinniarneqarnissaa pilersaarutaasoq ilisimatitsissutigineqarpoq. Aaqqissuussineq Oqaasileriffimmi atorfilimmit NUMOmit aqunneqarlunilu pilersaarusiorneqarpoq. NUMOmit inuit ulluni malunnartitsiniaaffinni peqataasussat ataqatigiissaarneqassapput.

Paasissutissat Ilitsoqqussaralugu Oqaatsit Ulluannut tunngatillugu pilersaarusiat immikkoortup aappaata naanerani takuneqarsinnaasut saniatigut paasissutissat tunniunneqartut imaapput:

NUMOmit ilisimatitsissutigineqarpoq Randi Broberg IOUnik piviusulersaarusiussamaartoq.

ICYC aamma KIK suleqatigiinnermikkut aasaanerani 2006-imi ICCp ataatsimeersuarnissaanut atatillugu oqaatsit atugaanerinut tunngasumik misissukkaminnik saqqummiussisussaasut ilisimatitsissutigineqarpoq. Taassumalu saniatigut ICYC Hippificationimik taasaminnik aamma saqqummiussisussaasut ilisimatitsissutigineqarluni.

Ilitsoqqussaralugu Oqaatsit Ulluat

Sapaat februaarip 19-iat 2006 – Katuap Byorkestersaliani

13.00 – 13.10             Ammaaneq

  • Doris Jakobsen, Kultureqarnermut Naalakkersuisoq

13.10 – 13.20             Tikilluaqqusineq

  • Ellen Jensen, Oqaasiliortut

13.20 – 13.45             Oqaasiliortut Oqaasileriffiullu suliaat

  • Nuka Møller, Oqaasileriffik

13.45 – 14.00             Naggueqatigiit inuusuttaasa akornanni oqaatsit                                           kajumigineqarnerulernissaannut pilersaarusiat

  • Upaluk Poppel & Janus Chemnitz Kleist, ICYC

14.00 – 14.15             Taaguusersuineq

  • Lisathe M. Kruse, Oqaasileriffik

14.15 – 14.30             UNIKKALLARNEQ

14.30 – 15.00             Nutserisut oqalutsillu nalitsinni sunniutaat

  • Oqaatsinik Pikkorissarfimmi ilinniartut

15.00 – 15.30             Kutannermiit Nuummiorpalunnermut

  • Birgitte Jakobsen, Ilisimatusarfik

15.30 – 15.40             Nunatsinni nunanilu avannarlerni oqaatsitigut politikki

  • Carl Christian Olsen, Oqaasileriffik

15.30 – 15.40             Qarasaasiatigut teknologi kalaallillu oqaasii maannarpiaq piffissarlu aggersoq

  • Per Langgård, Oqaasileriffik – Sprogsekrertariatet

16.15 – 16.45             Oqaasiliortut nersorinnissutaannik tunniussineq

  • Carl Christian Olsen, Puju, Oqaasiliortut
  • Doris Jakobsen, Kultureqarnermut Naalakkersuisoq

Ilitsoqqussaralugu Oqaatsit Ulluat

Marlunngorneq februaarip 21-at – Katuap Byorkestersalia

19.00 – 19.05             APPA’PAPII • Georg & Nikku Olsen, Edvard Mørch, Juuna Fleischer 

19.05 – 19.20             Tikilluaqqusineq

  • Doris Jakobsen, Kultureqarnermut Naalakkersuisoq
  • Stephen Heilmann, Oqaasiliortut

19.20 –  19.30            UNESCO’p Generaldirektøriata Koïchiro Matsuura’p nalunaarutaa

  • Stephen Heilmann, Oqaasiliortut

19.30 – 19.40             ”Ólöf eskimói” Inuaraq islandimioq pillugu oqaluttuaq

  • Inga Dóra Gudmundsdóttir

19.40 – 19.50             Russisut saqqummiineq

  • Alona Tcherkasina

19.50 – 20.05             Ataatsimik oqaaseqarneq

  • Pia Lynge, Ilisimatusarfik

20.05 – 20.15             Svenskisut saqqummiineq

  • Aviâja Lynge

20.15 – 20.30             UNIKKALLARNEQ

20.30 – 20.35             APPA’PAPII

20.35 – 20.45            “NORSK?” Norskisooriaaserpassuit

  • Sven B. Syrin, Silamiut

20.45 – 21.00            Savalimmiutut qanga ullumilu

  • Esmar Bergstrøm

21.00 – 21.10             Microsoft Community Glossary Project

  • Per Langgård, Oqaasileriffik –

21.10 – 21.20             Inughuartut taallat

  • Magssanguaq Qujaukitsoq

21.20 – 21.30             Yorubasut saqqummiineq

  • Adé Ojeniyi, Nigeria

21.30 – 21.40             Inuusuttut oqaatsit pillugit isummertarnerat

  • Upaluk Poppel, Salomine F. Nielsen, Stina Berthelsen, Janus C. Kleist

21.40 – 21.50             Inuktitut saqqummiineq

  • Victoria Simigaq, Nunavik

21.50 – 22.00             Kalaallisut chatertarneq

  • Lona Lynge, Ilisimatusarfik

22.00 – 22.10             Sojourner Truth Qernertormiutut erinaq taallarlu

  • Ruth Montgomery Andersen

22.10 – 22.15             APPA’PAPII naggasiissapput

– 3 pillugu –

                Nersornaammik pilersitsinissaq pillugu Oqaasiliortunut ilaasortat siullermeerlutik tunniussinissaminnut tunniussisarnissap tunuliaqutaanik aalajangersaapput. Oqaasiliortunut ilaasortat isumaqatigiillutik aalajangiipput nersorinninniarluni tunniussisarnissaq pisassasoq inunnut oqaatsinik suliaqarnermikkut nersortarialinnut tunniussinikkut. Tunniussisarneq pisariaqarsorineqaleraangat Oqaasiliortut tunniussisassasut isumaqatigiissutaavoq.

Nersorinninniarluni tunniussinermi ilanngullugit tunniunneqartassasut uku siunnersuutigineqarput: siullermik aningaasat koruunit 5000,-it kiisalu qiperugaq tuullik mannimminik piaqqeraluni ammut sikingasoq.

– 4 pillugu –

                Taasariaqartutut allatut siullertut NUMOmit ilisimatitsissutigineqarpoq Mariane Petersen saaffiginnissuteqarsimasoq ujaqqat sakkullu pillugit suliaqarnerminut atatillugu taaguutinik aalajangersakkanik amigaateqarnermini taaguutissanik nassaarniarnermini ikiorneqaqqulluni. Tassunga ilisimatitsissummut tunngatillugu CCOmit ilisimatitsissutigineqarpoq maanna suliamut assingusumik allamik inummik suliaqartoqartoq taannalu ateqartoq Karl Elias Olsen. KEO Aatsitassanut Ikummatissanullu  Pisortaqarfimmut sullissilluni nutserisimavoq ujaqqanut assigisaannullu tunngasunik. Suliami pineqartut taaguutit ajornartorsiutigineqartut Oqaasiliortunut nutaassanut suliassat siulliit ilagiumaaraat ilanngullugu Oqaasiliortunut siulittaasumit innersuussutigineqarpoq.

Taasariaqartutut tullertut saqqummiunneqarpoq KNR-Radiumi immikkoortortaqarfimmit Radioaviisimit saaffiginnissutigineqarsimasoq tusagassiortumit atorsinnaanngitsutut nalilerneqarsimasumik. Tassani pineqarluni muuamaakkut-mik (muslim-inik) taaguisarnermi suna taaguutitut eqqornerusutut isigisariaqarnersumik apeqqummik. Siullermik Oqaasileriffimmut saaffiginnissuteqarnermini akissut muuamaakkut-mik atuineq akissutissarsiffigisimallugu ima: muuamaakkut-mik atuineq qaqajarlernermik tunngaveqartoq. Qaqajarlerpoq-p isumaata imaa ima nassuiarneqarpoq: imminik annerutippoq, assuarinnippoq kiisalu mamarliivoq.

 

Carl Chr. Olsen                                                           Johanne B. Tobiassen

Oqaasiliortunut siulittaasoq                                        Allatsi