Oqaasiliortut 2012 – 10

OQAA – 091012(gl)

Oqaasiliortut ataatsimiinnerat marlunngorneq, oktobarip 9-anni  2012, nal. 10.00
Oqaasileriffimmi.

 

Peqataasut: Carl Chr. Olsen, Eva Møller Thomassen, Stephen Heilmann, Lotte Holm & Katti Frederiksen.

Allatsi: Katti Frederiksen

Oqaluuserisat:

  1. Tikilluaqqusineq aamma ilisimatitsissutit

    Siulittaasoq tikilluaqqusivoq ilisimatitsillunilu Vigdisikkut Islandimiit tikinnissarigaluat ulluligaanngitsumik kinguartinneqarsimasoq. Taassuma suleqataa Audur Center for Verdenssprogimi atorfilik Nuummukarmat Oqaasileriffimmut pulaarpoq, oqaatigalugulu aappaagu Centerip illussaani nutaami kalaallit oqaasii immikkut inissaqartinniarneqartut; tassa nunat sanilerisat oqaasii pingaartutut saqqumilaartinniarneqarnissaat Vigdisip kissaatigisimammagu.

    Oqaatsinut politik ukiaanerani Inatsisartut ataatsimiinneranni sammineqartussaagaluartoq piffissaq eqqorlugu apuunneqarsimanngimmat oqallisissianut ilaatinneqanngilaq. Arlaatigut aaqqiinissamik suliaqartoqarpoq, qanorli pineqassanersoq sumullu killinnersoq erseqqissumik suli paasisaqarfiginngikkipput siulittaasup ilisimatitsissutigaa.

    Naalakkersuisup Mimi Karlsenip nunarput Nunavullu kulturikkut suleqatigiinnissaanik isumaqatigiissutaa atsiorsimavaa.

  2. Kingullermik ataatsimiinnermit imaqarniliap akuerineqarnera

    Imaqarniliami naqinnerliukkat aaqqinneqarput taamaatillugulu akuerineqarluni.

  3. Tusagassiornermi taaguutit

    Tusagassiornermi taaguutit Oqaasiliortunit akuerineqartut quppernermi kingullermi takuneqarsinnaapput. Taakkua 140-it sinnilaarlugit amerlassuseqarput.

  4. Tele-mi taaguutit ilaat
    Tullissaanimut kinguartikkallarneqarpoq.
  1. Saaffiginnissutit:

    a) fonetik = oqaatsit nipaannik ilisimatusaatit
    lydskrift = nipisiuilluni allattaaseq
    IPA = naqinnerit nipisiuissutit

    b) ADHD taamatut oqaasersiatut atoreersoq allanngortinnagu atuinnarneqarsinnaavoq.
    Autisme kalaallisut avammut matoqqanermik aamma taaneqartartoq aamma oqaasersiatut atuinnarneqarsinnaavoq.

    c) Frelsens Hær sumit upperisamit pinera paasiniariarlugu taassuma aqqa ilannguteriarlugu ilaneqassaaq ikiuiniaqatigiiffimmik. Maannali oqaasersiatut atuinnaqqaarallassaaq kalaallisut taaguutivissaata Oqaasiliortunit aalajangiunneqarluni akuerineqarnissaata tungaanut.

    d) Fødselstermin = ernivissatut killiliussaq

    e) TV-vært pillugu saaffiginnissutip misissornerani 2008-milu Oqaasileriffimmit siunnersuutaasoq maanna akuerisatut atuuttussanngortinneqarpoq, tassaassalluni [aallakaatitsinermi] aqutsisoq. Nammineq nassuiaaserneqarsinnaavoq TV-kkut aallakaatitsinermi aqutsisuunersoq radiukkulluunniit aallakaatitsinermi aqutsisuunersoq, ass. Tamassami aallakaatitsinermi aqutsisoq il.il.

    f) Kalaallisut oqaasilerinermi taaguutit saaffiginnissutaasut imaalillugit akuerineqarput:
    p-mik allanngoraatit aamma up-imik allanngoraatit, pingaartilluguli aamma piginnittorsiutip allamoorutillu assigiinngissusaasa taaguutaasalu nassuiarluarneqarnissaat.
    velær = qilaami aqitsormiu
    palatal = qilaami manngertormiu

    g) Kognitiv = ilisarsisarneq, taakkununnga ilaapput qimerluuineq, paasinninneq, ilinniarneq, eqqarsarsinnaaneq nassuernerlu.

    h) Qimmit inunngortarnerannut apeqqut akineqassaaq qimmit inunngornatik piaqqiusarmata, taamaattumik fødselsår-mik oqarnermi qimmit pineqarpata kalaallisut imaassaaq: piaqqiuffiat.

    i) Oqaaseq ’tammakarpoq’ qangali oqaasiunersoq apeqqutigineqarmat tamanna aappimik akineqassaaq, pingaartumik uumasunut aalisakkanut assigisaanullu tunngasumik eqqartuinermi atukulaneqartarpoq, isumaqarlunilu aalisakkat akuttutsittut imaluunniit tammavinngikkaluarlutik ikilisimasut.

    j) App applicationimut naalisaataasoq kalaallisuunngortinneqassappat ’aaneqarsinnaasut’-nik taaneqarsinnaapput, tassani soorlu pineqarput mobilimut ikkunneqarsinnaasut assigisaallu.

    k) Taaguut Oqaasiliortut akuerereernikuusaat Tarnikkut ajornartoornermi upalungaarsimasut pillugu tassani sulialimmit saaffiginnittoqarpoq taaguummik allamik atuerusunnerugaluarnertik unnerlugu, taakkualu namminneerlutik siunnersuutaat Pinartoqartillugu upalungaarsimasut aamma naleqqummat Oqaasiliortut tamarmiusut akuersissutigaat.

 

Inussiarnersumik inuulluaqqusilluta
Carl Chr. Olsen                                             Katti Frederiksen
Siulittaasoq                                                  Allatsi

 

DANSKisut taaguut KALAALLISUT taaguutaa Nassuiaat SUMIT tigusaanera
afsender nassitsisoq oqariartuummik aallartitsisoq TAAGUUSERSUUTIT
afspejlende journalistik pisunik tusagassiuineq pisimasorsiorluni tusagassiorneq OQAASILIORTUT
agurketid imassaasuaneq nutaarsiassaaleqineq OQAASILIORTUT
aktualitet maanna sammisat tusagassiutini tamani inunnilu oqallisaasoq OQAASILIORTUT
almindelig stil oqaatsit nalinginnaasut oqaatsit ulluinnarni atortakkat immikkut isumaqartitaanngitsut TAAGUUSERSUUTIT
analyse misissueqqissaarneq saqqummersitamik sukumiisumik misissuineq tunngavilersukkamillu akissutissarsiorneq TAAGUUSERSUUTIT
anmeldelse saqqummersumik naliliineq   TAAGUUSERSUUTIT
anonym kinaassutsiminik isertuisoq   ORDBOGEN
ansvarshavende redaktør akisussaalluni aaqqissuisoq   OQAASILIORTUT
arbejdsspørgsmål apeqqusiaq/-t apeqqutit suliassamut tunngasut, misissuinerni, paasiniaanermi akissutissarsiornermilu atugassatut nammineq apeqqusiussat TAAGUUSERSUUTIT
argumenterende tekst allataq tunngavilersuerpalaartoq   TAAGUUSERSUUTIT
argument tunngavilersuut oqaatigisanik, paasisimasanik isummanillu tunngavilersuilluni patsisilersuineq TAAGUUSERSUUTIT
artikel allaatigisaq aviisini, atuagassiani assigisaannilu ilanngutassiatut allataq TAAGUUSERSUUTIT
association allamik eqqaalersitsisartoq pisumik allamik eqqaasitseqqittoq TAAGUUSERSUUTIT
baggrundsartikel tunuliaqutaasunik allaaserisaq   OQAASILIORTUT
bagside aviisip tunua   OQAASILIORTUT
berettende tekst allataq oqaluttuarinnippalaartoq allataq qanorpiaq pisoqarneranik allaaserinnittoq TAAGUUSERSUUTIT
billedreportage assit oqaluttuartut   OQAASILIORTUT
billedtekst assip nassuiaataa assinut oqaasertaliussat, assimi takuneqarsinnaasunut nassuiaataasut TAAGUUSERSUUTIT
biografi inuup oqaluttuassartaa inuup allaatigisap inuunerata oqaluttuarisaanera, allamit allanneqartoq TAAGUUSERSUUTIT
biografiske interview inummut tunngasunik apersuineq   OQAASILIORTUT
blad atuagassiaq   TAAGUUSERSUUTIT
brainstorming brainstorming/isumassarsiorneq sammisamut tunngasunik sunilluunniit allattuipallannermut imlt. Taakkartuipallannermut periuseq TAAGUUSERSUUTIT
budskab oqariartuut nalunaarutiginiakkap isumaa/oqaatigiumasaq TAAGUUSERSUUTIT
causeri oqitsorsiorluni eqqartuineq   OQAASILIORTUT
citat issuaaneq, issuagaq oqaaserisimasamik allatamilluunniit ilaarsineq TAAGUUSERSUUTIT
dagbog ullorsiutit (aaqqissuisoqarfimmi eqqaamasassanik allattaaviit)   OQAASILIORTUT
debat oqallinneq sammisaq pillugu isummersoqatigiinneq TAAGUUSERSUUTIT
debatindlæg oqallissaarut/oqallisissiaq atuagassiani ilanngussaq TAAGUUSERSUUTIT
debatprogram oqalliffik tusagassiuutitigut aallakaatitassiaq oqallinnermik imalik TAAGUUSERSUUTIT
delemne sammisap ilaa qulerutarisami immikkoortoq aalajangersimasumiks sammisaq TAAGUUSERSUUTIT
dialog oqaloqatigiinneq inuit akornanni attaveqatigiinneq TAAGUUSERSUUTIT
diskussion oqallinneq eqqartuineq; isiginnittaatsit assigiinngitsut saqqummiuttarlugit oqaluuserisaqarneq TAAGUUSERSUUTIT
disposition tunaartassiaq allaaserisassamut pilersaarut aaqqissuulluagaq qulequtsersugaq TAAGUUSERSUUTIT
dokument takussutissiaq allakkiaq; qarasaasiakkut pappialamulluunniit allataq TAAGUUSERSUUTIT
dokumentarudsendelse pisimasulersaarut radiukkut tv-kkulluunniit aallakaatitassiaq piviusumik tunngavilik TAAGUUSERSUUTIT
dokumentation uppernarsaat isummap tunngavilersorneqaranut takussutissaq TAAGUUSERSUUTIT
dybtborende journalistik qaqilerilluni tusagassiorneq   OQAASILIORTUT
ekspert-interview ilisimasalimmik apersuineq paasissutissarsiorluni apersuineq OQAASILIORTUT
emne qulequtarisaq/qulequtaq   TAAGUUSERSUUTIT
emnecentreret interview qulequtarsiorluni apersuineq   OQAASILIORTUT
erfarings-interview misilittagarsiuilluni apersuineq   OQAASILIORTUT
erhvervsstof inuussutissarsiutinut tunngasut aningaasaqarneq, suliffeqarfiit, niuerneq il.il. OQAASILIORTUT
evaluering naliliineq killiffimmik imlt. Naammassisamik piumasaqaatit anguniakkallu anguneqarnersut pillugit isummerneq TAAGUUSERSUUTIT
fakta piviusoq   ORDBOGEN
faktion piviusup oqaluttuanngortinnera piviusoq oqaluttuarpalaartunngortillugu allataq OQAASILIORTUT
feature oqalungusiarpalaartumik allaaserisaq (pingaartumik inuit avatangiisillu pillugit)   OQAASILIORTUT
fiktion takorluukkiaq   TAAGUUSERSUUTIT
fokus qiterititaq sammisap ilaanik aallussineq TAAGUUSERSUUTIT
formulering oqaasertalersuineq eqqortunik oqaaseqatigiiliorneq TAAGUUSERSUUTIT
forside aviisip saqqaa   OQAASILIORTUT
fortolkning isumasiuineq/qanoq paasineranik nassuiaaneq oqariartuutip imaanik nammineq paasinninneq TAAGUUSERSUUTIT
fortælleteknik oqaluttuariaaseq atuakkiortup allatamigut atuartussaminik aqutsinera TAAGUUSERSUUTIT
freelance imitsittartoq imitsilluni suliasartoq ORDBOGEN
fremhævet tekst allatap ilaa erseqqissagaq allatami nalunaarsugaq; pineqartut naqinnerit allamik qalipaaserlugit TAAGUUSERSUUTIT
genre saqqummersitap suussusaa/genre allatap saqqummeeriaatsilluunniit allap suussusaanut ilusaanullu ilisarnaat TAAGUUSERSUUTIT
gossip oqaatissuaaneq inuup sianiginngisaanik eqqartuineq OQAASILIORTUT
hurtigskrivning allakkasuarneq samminiakkamut tunngasunik sunilluunniit sukkasuumik allattauineq TAAGUUSERSUUTIT
høj stil oqaatsit persuarsiorpalaartut akimarpalaartut TAAGUUSERSUUTIT
identifikation ilisarineq allatami, isiginnaagassiami allaniluunniit imminut takusinnaaneq OQAASILIORTUT
indhold imaat allatap imarisai TAAGUUSERSUUTIT
indlandsstof nunatsinnut tunngasut nunami namminermut tunngasut OQAASILIORTUT
indledning aallaqqaasiut allatap imaanut aallartisarneq naatsoq TAAGUUSERSUUTIT
infomedia allaaserisaasivik aviisini, atuagassiani nalunaarasuartaaseriffinnillu allaaserisanik tamakkiisunik databasikkut ujarlerfik TAAGUUSERSUUTIT
informationssøgning paasissutissanik ujarlerneq   TAAGUUSERSUUTIT
interview apersuineq   TAAGUUSERSUUTIT
journalistik tusagassiutilerineq   OQAASILIORTUT
journalistiske genrer tusagassioriaatsit   OQAASILIORTUT
kampagnejournalistik siunertalimmik tusagassioriaaseq   OQAASILIORTUT
kilde najoqqutaq, paasisaqarfik   TAAGUUSERSUUTIT
kildehenvisning paasisaqarfinnik nalunaarsuutit   OQAASILIORTUT
kildekritik paasisaqarfinnik nalilersuineq   TAAGUUSERSUUTIT
klumme eqqarsaatissiissut atuakkami imlt.aviisimi qupperneq imlt. Spalte aalajangersimasoq saqqummernerit tamaasa nutaamik imalerlugu alanngunneqartartoq TAAGUUSERSUUTIT
kommentage ?oqaaseqaatilersuineq?    
kommentar oqaaseqaat   TAAGUUSERSUUTIT
kommentator nassuiaasoq, oqaaseqartitaq   ORDBOGEN
kommenterende tekst allataq oqaaseqarfiginnittoq atuarsimasamut akissuteqarluni isummersiginninneq TAAGUUSERSUUTIT
kommunikation attaveqatigiinneq nalunaarummik tunniussaqarneq aamma nammineq tigusaqarneq TAAGUUSERSUUTIT
kommunikationssituation attavigiinneq   TAAGUUSERSUUTIT
konflikt akerleriinneq illuatungeriinneq OQAASILIORTUT
konsekvens qanoq iliuutsip kingunera, malittaa, kinguneq   ORDBOGEN
kronik isumaliutersuut atuagassiani aviisiniluunniit ilanngutassiaq tannerumaaq, pisut arlaat sammisaralugu TAAGUUSERSUUTIT
kulturstof kulturimut tunngasut   OQAASILIORTUT
lav stil oqaaserujuit oqaatsit kusanaatsut toqqaannartorujussuit; soorlu oqaasipiluutit TAAGUUSERSUUTIT
layout naqitap ilioqqarnera   TAAGUUSERSUUTIT
ledende spørgsmål apeqqutit oqartitsiniutit akissutissamik aalajangersimasumik ujartuilluni apersuineq OQAASILIORTUT
leder allaaserisaq pingaarneq   TAAGUUSERSUUTIT
livsstilsstof inooriaatsinut tunngasut angalanerit, inooriaaseq, timersorneq, atuakkiorneq il.il. OQAASILIORTUT
lokalredaktør immikkoortortaqarsimmi aaqqissuisoq   OQAASILIORTUT
lukkede spørgsmål apeqqutit akiinnarissat apeqqutit akissutissaat ‘killiligaasut’ OQAASILIORTUT
læser atuartartoq   OQAASILIORTUT
læserbrev atuartartut allagaat aviisimi ilanngussaq inuinnarnit allataq TAAGUUSERSUUTIT
massekommunikation tusagassiutit tusagassiutit suulluunniit tusagassiuinerat, radio, TV, aviisit allallu OQAASILIORTUT
medie tusagassiorfiit radiorqarfik, TV-qarfik, aviisiliortoqarfiit ass. OQAASILIORTUT
mindeord eqqaaniut, eqqaaniaalluni oqaatsit   ORDBOGEN
målgruppe saaffigisaq/-t oqariartuummik tigusisussaq TAAGUUSERSUUTIT
nekrolog toqusumik eqqaaniut   OQAASILIORTUT
neutrale ord oqaaseq allanik kalluaanngitsoq oqaaseq nalinginnaasoq allanik misigissusilinnik ilaqanngitsoq TAAGUUSERSUUTIT
note nalunaarsugaq allatami nassuiaatitut oqaaseqaat TAAGUUSERSUUTIT
nyhed/nyhedshistorie nutaarsiassaq pisoq nutaaq tusagassiutitigut saqqummiunneqartoq TAAGUUSERSUUTIT
nyhedsdækning nutaarsiassalerineq   ORDBOGEN
nyhedsformidling nutaarsiassanik tusagassiorneq   ORDBOGEN
nyhedskriterier nutaarsiassiinermi tunngavissiat   OQAASILIORTUT
nyhedstrekanten nutaarsiassalerinermi pingaarnersiueriaaseq   OQAASILIORTUT
nyhedsudsendelse nutaarsiassanik aallakaatitsineq   ORDBOGEN
nøgleord oqaaseq pingaarneq allaaserisami oqaatsit paasissutissat sammisamik takutitsisut TAAGUUSERSUUTIT
opinionsstof isummiussanut tunngasut   OQAASILIORTUT
oplevelsesjournalistik/new journalism misigisanut tunngasut tusagassiortoq nammineq aamma akuutilluni tusagassiuisoq OQAASILIORTUT
opsøgende journalistik paasiniaaqqissaarluni tusagassiorneq paasissutissanik ujaasilluni qaqilerilluni tusagassiuineq OQAASILIORTUT
parts-interview akuusimasumik apersuineq   OQAASILIORTUT
personcentreret interview inuttarsiorluni apersuineq   OQAASILIORTUT
perspektiv sammiviliiffik assiliinermi oqaluttuarnermiluunniit inissisimaffik TAAGUUSERSUUTIT
petitstof tamalaat   OQAASILIORTUT
pjece quppersagaaraq   TAAGUUSERSUUTIT
portræt inuup assinga, inuup allaatigineqarnera   ORDBOGEN
presseetik tusagassiuinermi ileqqussat   OQAASILIORTUT
pressemeddelelse tusagassiorfinnut nalunaarut   OQAASILIORTUT
pressemøde tusagassiortunik katersortitsineq   OQAASILIORTUT
pseudo-begivenhed sorsuakkiarinninneq   OQAASILIORTUT
pseudonyhed nutaarsiassaasuusaartoq Nutaarsiassaasimasut allatut qaqileqqillugit OQAASILIORTUT
reality show piviusulianik takutitsineq   OQAASILIORTUT
referat imaqarniliaq ataqatigiissumik oqalunnerup allakkalluunniit pingaarnersaanit naalisaaneq TAAGUUSERSUUTIT
reportage tusagassiaq tusagassiutini ilanngutassiaq OQAASILIORTUT
rubrik qulequtaq   TAAGUUSERSUUTIT
satire quiassuarneq   TAAGUUSERSUUTIT
sensation uissuuminartulerineq   OQAASILIORTUT
skimming atuapallanneq/imarsiuineq   TAAGUUSERSUUTIT
skrivemodeller allakkioriaatsit   OQAASILIORTUT
stemningsinterview tiguartisimaarnartumik apersuineq misigisat tunngavigalugit, ass. timersorneq, angusaqarneq il.il. OQAASILIORTUT
synsvinkel sammiviliineq   TAAGUUSERSUUTIT
tema sammisaq   TAAGUUSERSUUTIT
tilstræbt objektivt stof kinaassusersiorani saqqummiussaqarneq   OQAASILIORTUT
uddrag tigulaagaq   TAAGUUSERSUUTIT
uddybning itisiliineq   TAAGUUSERSUUTIT
udlandsnyhed nunanit allanit nutaarsiassat   OQAASILIORTUT
udlandsstof nunanut allanut tunngasut   ORDBOGEN
udpluk tigullattaakkat suliap tamarmiusup ilaanit tigusat naatsuarakkuutaat TAAGUUSERSUUTIT
udredning erseqqissaaneq suliamik nassuiaatiginninneq TAAGUUSERSUUTIT
udtryksform saqqummeeriaaseq   TAAGUUSERSUUTIT
underrubrik qulequtaaraq   TAAGUUSERSUUTIT
undersøgende journalistik misissueqqissaarluni tusagassiorneq   OQAASILIORTUT
vinkel tak.: synsvinkel aamma perspektiv   OQAASILIORTUT
virkemiddel sunniiniut oqariartuummik ersarissaaniutitut atorneqartartoq TAAGUUSERSUUTIT
vurdering nalilersuineq   TAAGUUSERSUUTIT
væsentlighed pingaaruteqassuseq inuppassuarnut sunniuteqarsinnaasoq OQAASILIORTUT
åbent brev allakkat ammasut   TAAGUUSERSUUTIT
åbne spørgsmål apeqqutit ammasut apeqqutit akissutissaat ‘killiligaanngitsut’ OQAASILIORTUT
årsag peqqut, pissut   OQAASILIORTUT