Ujarlerit

Oqaasiliortut 3 – 2015

OQAA – 030315(gl)

Oqaasiliortut ataatsimiinnerat marlunngorneq, martsip 3-anni 2015, nal. 10.00 Oqaasileriffimmi

 

Peqataasut: Carl Chr. Olsen, Stephen Heilmann, Eva Møller Thomassen

Peqquteqarluni peqataasinnaanani nalunaartoq: Karl Møller

Erninermut atatillugu sulinngiffeqartoq: Katti Frederiksen

Allatsi: Judithe Denbæk

 

Oqaluuserisassat:

  1. Siulittaasoq tikilluaqqusivoq, Oqaasiliortunut ilaasortassat nutaat suli toqqarneqarsimanngitsut ilisimatitsissutigaa. Issittormiut oqaasii pillugit ataatsimiissimanini ilisimatitsissutigaa, Ottawami (From Assessment to Vitality. Arctic Indigenous Languages Assessment Symposium), Iqalunnilu (Inuugatta Language Conference), kingornalu Chicagomi kalaallisuumiit tuluttuumut ordbogissaq pillugu suleqatigisat ataatsimiigiaqatigisimallugit. Alaskami allattaasitaassaq eqqartorneqarsimavoq, Canadamilu Inuit tamarmik atugassaannik allattaaseqalernissaq suliniutigineqartoq juunimilu tamanna pillugu aalajangiisoqarnissaa tunaartaralugu ataatsimiittoqaqqissasoq ilisimatitsissutigalugu.
  2. Ataatsimiinnermi kingullermit imaqarniliaq taamaatsillugu akuerineqarpoq.
  3. Saaffiginnissutit Oqaasiliortunukartut
    a) Tupanik nioqqutissat nalunaaqutserneqartarneri pillugit Namminersorlutik Oqartussat nalunaarutissaannut nr. xx xx. 2015-imeersumut siunnersuut pillugu tusarniaanermut akissuteqaasiortoqarpoq, nalunaarutip imarisarpiaanut attuumassuteqanngikkaluartumik, oqaasertaanulli oqaaseqatigiinnullu naqqiutissatut siunnersuutinik imalimmik.
    Inatsisinut tunngatillugu paatsuunganartoqannginnissaa siunertarinerullugu oqaatsinik atuinernik naqqissuineq pivoq, naqqiissutit ilaat makkuupput:
    – “Isumannaarineq” isumaqarneruvoq “taamaattoqassanngilaq”, taamaammat naqqinneqarpoq imak “qularnaarineq”
    – Kiisalu taakkartuinermi kingullertut taasamut tunnganerummat taarserneqassasoq uuminnga: “aamma”
    – Tupanik nioqqutissat taarserneqarpoq: tupanik nioqqusiat
    – Tobaksvarepakker nutserneqarsimavoq: poortukkat tupanit nioqqutissianik imaqartut, “poortukkat” taarserneqarpoq: “poortat”
    – Emballage nutserneqarsimalluni poorisaq, taarserneqarpoq: “poortaq taanna”
    Naqqiinerit allat bilagimi takuneqarsinnaapput.

 

Carl Chr.Olsen                                           Judithe Denbæk

Oqaasiliortunut Siulittaasoq                       Oqaasiliortunut allatsi