Arne Hermannimik ateqarpunga, Københavniminngaanneerpunga. 60-inik ukioqarpunga.
Kalaallit Nunaannut pivunga 1977-imi (76-imi feriereerlunga).
Kalaallit oqaasii tusaaqqaarakkit eqqarsarpunga: Oqaatsit taakku “eqqumiitsut” ilikkarusuppakka.
Sooq kalaallit oqaasii ilinnialerpigit?
Nunani allani najugaqassagaani soorunami oqaatsit ilinniaqaartariaqarput.
Aamma
oqaluttuassartaqalaarpoq.
Inuuninni aalajangernerit
pingaarnerpaat pivoq vandrehjemmimiillunga feeriarlunga Narsami,
1976-imi. Kunuuti Egede guitarerluni erinarsortoq tusarnaarpara
sunnguamilluunniit paasisaqarnanga oqaatsit ’eqqumiitsut’
paasinanngitsut ilikkassallugit aalajangiukkakku. Ukiuunerani
ilikkarniarlugit, taavalu uteruma inuit taakkua nuannersut naapitakka
oqaloqatigisinnaanngorusullugit.
Kalaallit oqaasii ilinniarlugit takilaartunik oqaaseqatigiiliornerit ajornarnerpaapput.
Kalaallit oqaasii ilikkarlugit inuit oqaloqatigisinnaanngorlugit pitsaavoq – kulturimullu matuersaataapput. Aammalu illartarnerput nuanneqigami.
Kalaallit oqaasiinik ilinniarnermi pingaarnerpaajuvoq sapiiserluni ittoornani oqalunniarneq.
Ilinniarninnut ikiuisimasut inutsialaat naammagittarsimasut, ilinniartitsisut, meeqqat inersimasullu, qujanarsuaq tamassi!