Ujarlerit

Sarah E. Woodall


Paraguay-imi inunngorpunga aamma Amerikami alliartorpunga. 32-inik ukioqarpunga.

Ukiut arfineq-marlungajannik matuma siorna Kalaallit Nunaannut pivunga.

2012-imi upernaakkut Nuummut tikikkama.

Kalaallit oqaasii tusaaqqaarlugit tupinnaqaaq. Aallaqqaataani soorunami oqaatsit paasisinnaannginnakkit kisianni alianaakkamik – soorlu erinarsuut.
Ilumut tassa taamaalluinnaqqissaarpoq.
Qasseriarluni tarnikkut erinarsuutip oqaasii malunnarneqarsinnaapput aamma uannut misigisaq taamaakkami. Soorlu qanorluunniit kalaallisut uummatinneereerpoq.
Aatsaat ilinniarnermi paasigakku qanoq artornartoq kisianni soqutaannginnami. Pinngitsoornani ilinniarpunga.

Maanngartinnanga kalaallisut ilinniarusukkakku. Ilumoortumik taamani naluara allanik periarfissaqartoq. Tassami arlallit tuluttut oqalussinnaapput, pisortaasimasoq oqaluttuarmat. Kisianni eqqarsarama, uanga nammineq Kalaallit Nunaannut najugaqarlunga aalajangerpunga taavalu soorunami kalaallit oqaasii ilinniartariaqarpakka. Isumaqarpunga aappaaguani asuliunngitsumik aallartikkama. Oqaatigineqassaarlu naassanngitsumik ilinniarumaarpunga. Neriuppunga arlaanni siunissami oqalullaqqissuunga.

Kalaallit oqaasii ilinniarlugit aporfiunerpaapput uiguuterpassuaqarmat, assut eqqaamasinnaanneq piumasaqaataavoq. Ingammik oqaluutit susallit artornartarput (assersuummik atuar-: ‘uanga atuagaq atuarpara’). Naggasiussat susallit tamaasa soorlu uangamiit-ilinnut (-vakkit) imaluunniit ilissiniit-uagunnut (-vatsigut) assigiinngillat aammalu oqaluinnarniunnik apersuiniunnilluunniit allanngortarput. Minnerpaamik 200-inik naggasiussaqarsimassaaq!

Kalaallit oqaasii ilinniarlugit iluaqutaasut suuppat?

Ilumut ikiuutit arlaat Facebook pitsaanerpaavoq. Kamalaatikka kalaallisut qallunaatullu imaluunniit tuluttullu allattarput taava ajornanngitsumik nutserisinnaavunga. Taamaattumik oqaasilerineq aamma oqaatsit nutaat ilinniarsinnaavunga. Qujanartumik attaveqarfikka taperserpaannga. Naammagittarput aamma paasivaat uanga suli arriitsumik oqaluppunga.

Kalaallit oqaasii ilikkassagaanni suna pingaarnerpaajua?

Eqqaamajuk piumassuseq tunissutisiaavoq. Sunaluunniit oqaasinik ilinniarneq artornarpoq aamma ilaatigut aqqut ajornarluinnarpasippoq. Ajornavianngilaq. Ullut tamaviisa pisiniarnemi, atuarnermi, nipilersuutinik tusarnaarnermi oqaloqatigiinnermilu nutaanik ilinniartoqarsinnaavoq. Sunaaffa nunarsuarmi inuit ikittunnguit kalaallisut oqaluttarput kisiannili uagut taamaaliorpugut. Tulluusimaartariaqarpugut