Ujarlerit

Oqaasiliortut 2020 – 9 (gl)

OQAA – 03.12.20 (gl)

Oqaasiliortut 3/12-2020 ataatsimiinnerannit imaqarniliaq

 

Peqataasut:

Oqaasiliortut: Mariia Simonsen (siulittaasoq), Knud Møller, Hans Kristian Olsen & Camilla Kleemann-Andersen
Oqaasileriffimmit: Lisathe Møller & Beatrine Heilmann

Oqaluuserisassat:

  1. Oqaluuserisassat akuerineqarnerat.
  2. Kingullermik ataatsimiinnermit imaqarniliap akuerineqarnera.Siulittaasumit Oqaasileriffimmillu ilisimatitsissutit.
    1. Oqaasileriffimmit ilisimatitsissutit
  3. Suliat allat pillugit ilisimatitsineq
    1. Inuit aqqi pillugit saaffiginnissutit
  4. Suliat allat:
    1. Taaguusersuutilerinermi Oqaasiliortut najoqqutassaat 
    2. Taaguusersuutinik pingaarnersiuineq
  5. Kalaallisut taaguusigassat:
    1. Isikkamik-arsarnermi taaguusersuutit akuerineqarnerat
  6. Ataatsimiinnissap tulliata ullulerneqarnera.
  7. Tamalaat.

 

 

Imaqarniliaq

  1. Oqaluuserisassat akuerineqarnerat

Oqaluuserisassat allannguuteqartilaarlugit akuerineqarput.

Immikkoortoq 5. a imaakkaluartoq: Oqaasiliortut periusissiami (strategimi) taaguusersuutinik pingaarnersiuinissaat.

Immikkoortunut marlunngortillugu  imaalineqarpoq:

    1. Taaguusersuutilerinermi Oqaasiliortut najoqqutassaat
    2. Taaguusersuutinik pingaarnersiuineq
  1. Kingullermik ataatsimiinnermit imaqarniliap akuerineqarnera.

19/11-2020 ataatsimiinnermit imaqarniliaq akuerineqarpoq.

  1. Siulittaasumit Oqaasileriffimmillu ilisimatitsissutit.

Oqaasileriffimmit KNR-imut kiffartuussisup KNR-imik suleqateqarnera pillugu Oqaasiliortut annertunerusumik paasisaqarusupput. Tamanna pillugu Oqaasiliortut aalajangerput Oqaasiliortut 2021-mi januaarip aallartinnerani ataatsimiinnissaanni oqaatsinik kiffartuussisoq aggersarneqassasoq sulianilu pillugit nassuiaateqarluni.

  1. Suliat allat pillugit ilisimatitsineq
         1. Inuit aqqi pillugit saaffiginnissutit tusaatissatut tiguneqarput.

Ataatsimiinnerup kingulliup kingorna (19/11-2020) aqqit Oqaasiliortunit akuersissutigineqartut:

  • Niviarsiaqqat aqqattut Iiliina Niviarsiaqqat aqqata Helenep kalaallisuunngorsarneqarneranit aallaaveqarpoq. Iiliina Oqaasiliortuni ilaasortat sisamat akuersissutigaat.
  • Nukappiaqqat aqqattut Lora Qallunaat aqqannit Lorentsimeersuuvoq, taamatullu allallugu kalaallisuunngorsarneqarnera akuerineqarpoq.
  • Nukappiaqqat aqqattut Anua Niviarsiaqqap nukappiaqqamik angajullermik qatannguteqarneranit/aneqarneranit aallaaveqarpoq, ilaqutariit iluanni taaguutaalluni ani, piginnittorsiuserlugu ania. Tunumili ania anuamik taaneqartarmat Anua atissatut qinnutigineqarpoq. Oqaasiliortuni ilaasortat tamarmiullutik Anua akuersissutigaat.
  1. Suliat allat:
    1. Taaguusersuutilerinermi Oqaasiliortut najoqqutassaat

Oqaasiliortut taaguusersuutilerinerminni najoqqutassaat Oqaasiliortut 3/12-2020-mi ataatsimiinnissaanni oqaluuserisassanut ilaliussatut ilanngullugu Oqaasiliortunut nassiunneqartoq paatsoorneqarsinnaajunnaarlugu suliareqqinneqassaaq. Suliareqqinneqareerpat Oqaasiliortut ataatsimiinnerminni sammeqqissavaat.

2. Taaguusersuutinik pingaarnersiuineq

Periusissiornermut (strategi) atatillugu taaguusersuutinik suliarineqalerumaartussanik pingaarnersiuilluni tulleriiaarinissamut  Oqaasiliortut aalajangiiffigisassaannik Oqaasileriffik siunnersuusiussaaq.

  1. Kalaallisut taaguusigassat:
  1. Isikkamik-arsarnermi taaguusersuutit akuerineqarnerat

Isikkamik-arsarnermi taaguutit makku akuerineqarput:

fodbold arsaanneq, isikkamik-arsarneq
EM/europamesterskab EM-erneq, Europami pissartanngorniunneq
fodbold-EM arsaannermi EM-erneq, isikkamik-arsarnermi EM-erneq
VM/verdensmesterskab  nunarsuarmi pissartanngorniunneq, VM-erneq
fodbold-VM  arsaannermi VM-erneq, isikkamik-arsarnermi VM-erneq
fodboldbane arsaattarfik
fodboldbølle/hooligan  perulluliortoq
fodbolddommer  arsaannermi dommeri
fodbolddragt atisat arsaassutit

 

  1. Ataatsimiinnissap tulliata ullulerneqarnera.

Sisamanngorneq 10/12-2020, nal. 13-14 ataatsimiiffiussaaq.

  1. Tamalaat.

Ataatsimiinnermi peqataasut:

Mariia Simonsen, siulittaasoq

Camilla Kleemann-Andersen, ilaasortaq

Hans Kristian Olsen, ilaasortaq

Knud Møller, ilaasortaq

 

Imaqarniliaq atuarsimallugu uppernarsarpaa:

Karen Ramsøe, siulittaasup tullia