Ujarlerit

AC-fuldmægtigi

Oqaasileriffimmi Oqaasiliortunut allatsissarsiorpugut AC-fuldmægtigitut atorfeqartussamik. Atorfik 1. november 2018-imit inuttalerneqassaaq immikkulluunniit isumaqatigiissuteqarnikkut.

Atorfik pillugu
Atorfik ilinniagartuutut atorfiuvoq suliassallu makkuullutik:

  • Oqaasiliortut suliassaannik aallussineq, sullissineq allattaanerlu
  • Oqaasilerineq taaguusersuuserinermilllu suliaqarneq
  • Kalaallit oqaasiinik nalunaarsuineq ilisimatusaatigalunilu suliaqarneq
  • Suliassanik kalaallit oqaasiinut aammalu ilaatigut Avannaamioqatigiinnut attuumassuteqarsinnaasunik assigiinngitsuni peqataasarneq
  • Oqaasileriffimmut avataanit apeqqutinik akissusioqataasarnissaq

Piginnaasassat

  • Kalaallisut oqaatsit pillugit ilisimasaqarnissaq taakkunanngalu suliaqarnermik misilittagaqarsimanissaq
  • Oqaatsit pillugit ilisimatusarnernut tunngasumik kandidatitut ilinniagaqarsimanissaq (minnerpaamilluunniit bacheloritut naammassisimanissaq)
  • Ilisimatusarnermi periutsinik ilisimasaqarnissaq
  • Oqaasilerisinnaaneq taaguusersuuserinermillu suliaqarnermik ilisimaqarnissaq
  • Namminersorsinnaanissaq
  • Nutaaliorsinnaanissaq
  • Oqaatsit uku atorsinnaassallugit: kalaallit oqaasii ilitsoqqussaralugit, qallunaatut tuluttullu

Neqeroorutigaarput

  • suliffeqarfik pissanganartoq suliassallu eqqarsarnartut pissanganartulli
  • suliffeqarfik suliassarpassualik nuannersoq suleqatitsialaallu
  • suliffik suliat tungaasigut ineriartorfissaqarluartoq

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Oqaasileriffik pillugu
Oqaasileriffik Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoqarfiup ataaniippoq ilisimatusarnikkut ingerlatsiviulluni nammineq ingerlasoq. Oqaasileriffimmi suliassat inatsisit kalaallit oqaasiinut tunngasut tunngavigalugit ingerlapput. Oqaasileriffik pillugu annertunerusumik atuarit uani: www.oqaasileriffik.gl.

Oqaasiliortut pillugit
Oqaasiliortut aaqqissuussaanikkut inissisimanerat, suliassaat sulinerisa ingerlanerat il.il. uani atuarneqarsinnaapput: Oqaasiliortut pillugit Inatsisartut inatsisaat nr. 5, 1. juni 2017-imeersoq.

Paasissutissat annertunerusut
Atorfik pillugu annertunerusumik paasisaqarusuttut Oqaasileriffimmi pisortamut saaffiginnissinnaapput, uunga: Katti Frederiksen (kfre@oqaasileriffik.gl, +299 36 23 22).

Qinnuteqarnissamut killigititaq
Qinnuteqaat, ilinniarsimanermut sulisimanermullu uppernarsaatit ilanngullugit, kingusinnerpaamik nassiunneqarsimassapput ullormi: oktobarip 25-anni 2018-imi.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut “qinnuteqaat nassiuguk” toorlugu nassiutikkit.
E-mail-ikkut qinnuteqaatinik tigusineq ajorpugut.