Grønlands Sprogsekretariat

Oqaasiliortut 2021 – 5 (gl)

OQAA – 060521 (gl)

Oqaasiliortut 06/05-2021 ataatsimiinnerannit imaqarniliaq

 

Peqataasut:

Oqaasiliortut: Mariia Simonsen (siulittaasoq), Karen Ramsøe (siulittaasup tullia), Knud Møller, Hans Kristian Olsen & Abia Abelsen 
Oqaasileriffimmit: Lisathe Møller (allatsi) & Beatrine Heilmann (pisortaagallartoq)

 

Oqaluuserisassat:

  1. Oqaluuserisassat akuerineqarnerat.
  2. Kingullermik ataatsimiinnermit imaqarniliap akuerineqarnera.
  3. Siulittaasumit Oqaasileriffimmillu ilisimatitsissutit.
    1. Siulittaasumit ilisimatitsissutit
    2. Oqaasileriffimmit ilisimatitsissutit
  4. Suliat allat pillugit ilisimatitsineq
    1. Inuit aqqi pillugit saaffiginnissutit
  5. Suliat allat:
    1. Oqaasiliortut periusissiaat (strategi)
    2. Ukiumoortumik nalunaarusiaq
  6. Kalaallisut taaguusigassat:
    1. Isikkamik-arsarnermi taaguusersuutit akuerineqarnissaat
  7. Ataatsimiinnissap tulliata ullulerneqarnera.
  8. Tamalaat

 

 Imaqarniliaq

  1. Oqaluuserisassat akuerineqarnerat

Oqaluuserisassat akuerineqarput.

  1. Kingullermik ataatsimiinnermit imaqarniliap akuerineqarnera.

14/4-2021 ataatsimiinnermit imaqarniliaq akuerineqarpoq.

 

  1. Siulittaasumit Oqaasileriffimmillu ilisimatitsissutit.
    1. Siulittaasumit ilisimatitsissutit
    Oqaasiliortut siulittaasuata Inatsisartunut ilaasortanngornini nalunaarutigaa. Ilanngullugu oqaatigaa Oqaasiliortunut ilaasortaaginnassalluni Inatsisartuni ilaasortatut arlaannaannulluunniit  attuumassuteqarpallaartutut (inhabil) inissinneqarsinnaannginnami.
    2. Oqaasileriffimmit ilisimatitsissutit tusaatissatut tiguneqarput.
  1. Suliat allat pillugit ilisimatitsineq
    1. Inuit aqqi pillugit saaffiginnissutit tusaatissatut tiguneqarput.
    Oqaasiliortut ataatsimiinnerup kingulliup kingorna inuit aqqinik akuersissuteqanngillat.
  1. Suliat allat:
    1. Oqaasiliortut periusissiaat (strategi)
    Oqaasileriffiup Oqaasiliortullu akunnerminni isumaqatigiissutissaat Oqaasiliortunut ilaasortat Oqaasileriffiullu pisortarigallagaannit atsiorneqassasut Oqaasiliortut aalajangerput. Ataatsimiinnissami tullermi isumaqatigiissut atsiorneqassaaq.Oqaasiliortut periusissiaata qallunaatuunngortinneqarnissaa Oqaasiliortut kissaatigaat.

    2. Ukiumoortumik nalunaarusiaq
    Ukiumoortumik nalunaarusiaq tulliani ataatsimiinnissami aaqqitassat aaqqinneqareerpata akuerineqassaaq.Ukiumoortumik nalunaarusiap qallunaatuunngortinneqarnissaa Oqaasiliortut kissaatigaat.

  1. Kalaallisut taaguusigassat:
    1. Isikkamik-arsarnermi/arsaannermi taaguusersuutit akuerineqarnerat

Isikkamik-arsarnermi/arsaannermi taaguutit makku akuerineqarput:

grønlandsmester  Kalaallit Nunaanni pissartaq
guldmedalje kuultinnattaaq
gult kort  mianersoqqussut
halvleg  unamminerup affaa
halvlegspause muminneq
hands  assammik attuineq       
heade  niaqormippaa
hjørnefelt  teqeqqumeerisarfik
hjørnespark   teqeqqumeerineq
hold iligiit  
holdkammerat  iligisaq
holde-forseelse  (tulliani sammineqaqqissaaq. Aalajangiivigineqanngilaq)

 

  1. Ataatsimiinnissap tulliata ullulerneqarnera.

Pingasunngorneq 26/5-2021, nal. 13-16.

 

  1. Tamalaat.

 

 

 

Ataatsimiinnermi peqataasut:

 

Mariia Simonsen, siulittaasoq

Karen Ramsøe, siulittaasup tullia

Hans Kristian Olsen, ilaasortaq

Abia Abelsen, ilaasortaq

Knud Møller, ilaasortaq