Oqaasiliortut 2021 – 13 (gl)

OQAA – 151221

 

OQAASILIORTUT ATAATSIMIINNERAT

pingasunngorneq 15/12-2021, nal. 13-16, Oqaasileriffimmi

PEQATAASUT

Oqaasiliortut: Karen Ramsøe (siulittaasup tullia), Knud Møller aamma Abia Abelsen

Peqataanngitsut: Mariia Simonsen (siulittaasoq) aamma Else Kleist

Oqaasileriffimmit: Minik Jeremiassen (allatsi) aamma Beatrine Heilmann (pisortaq)

Ilinniartitaanermut Aqutsisoqarfimmit: Evi Kreutzmann, Nauja Karlsen aamma Ane Fleischer

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (26/11-2021) imaqarniliap akuerineqarnera
3. Kalaallisut taaguusigassat
   1. Matematikkimi taaguusersuutit
4. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
5. Suliat allat pillugit ilisimatitsineq
   1. Inuit aqqi pillugit saaffiginnissutit
6. Ataatsimiinnissap tulliata ullulerneqarnera
7. Tamalaat

IMAQARNILIAQ

1. Oqaluuserisassat akuerineqarnerat

Oqaluuserisassat akuerineqarput.

2. Kingullermik ataatsimiinnermit (26/11-2021) imaqarniliap akuerineqarnera

Kingullermik ataatsimiinnermit imaqarniliaq akuerineqarpoq. Ataatsimiinnermi peqataanngitsut atsioreersimalerpara imaqarniliaq Oqaasileriffiup nittartagaanilersinneqarumaarpoq.

3. Kalaallisut taaguusigassat
   1. Matematikkimi taaguusersuutit

Taaguusersuuserineq nangillugu suliaqarnermi akuerineqareersut naqqinneqartariaqartut siulliunneqarput.

Qallunaatut	Kalaallisut (nutaaq)	Atorunnaartoq
cirkelperiferi	ammalortup sinaa; cirkelperiferii	ammalortup sinaa; cirkelperiferi (18.08.2021)
geometri	geometrii	geometri (18.08.2021)
isometri	uuttuutit allanngortinnagit assiliineq; isometrii	uuttuutit allanngortinnagit assiliineq; isometri (05.11.2021)
overfladeareal	qaap annertussusia	qaavata annertussusia (26.11.2021)
parallel	illinertut sammiveqatilik; parallelli	illinertut sammiveqatigiit (26.11.21)
parallelforskydning	illinertut sammiveqatigiinnik illikartitsineq; parallellitut illikartitsineq	parallelimik illikartitsineq (26.11.2021)
periferivinkel	ammalortup titarnerani qiverneq; periferiimi qiverneq	periferiip qivernera; ammalortup titarnerani qiverneq (26.11.2021)
prikpapir	pappiaraq toornilik	pappiaraq toornilik; prikpapir (26.11.2021)
reducere	eqikkarpaa; naalisarpaa	annikillilerpaa; eqikkarpaa (26.11.2021)

Ataatsimiinnermi akuerineqartut nutaat tassaapput:

Qallunaatut	Isumaqataa	Kalaallisut	Oqaaseqarfiginnissut
regneart	regningsart	kisitseriaaseq
regnearternes hierarki	regningsarternes hierarki	kisitseriaatsit tulleriissaarnerat
regneforskrift		kisitsinermi malitaq
regnehierarki		kisitassat tulleriissaarnerat
regnehistorie		oqaluttuaq kisitassartalik
regnemaskine		kisitsissut
regneopgave	regnestykke	kisitassaq
regneregel	regel	kisitsinermi malittarisassaq	Isumaqataa akuerineqareersoq: regel, kisitsinermi malittarisassaq (26.11.2021)
regnestykke	regneopgave	kisitassaq
regnetegn		kisitsinermi ilisarnaat
regneudtryk		kisitassatut takussutissiineq
regningsart	regneart	kisitseriaaseq
regningsarternes hierarki	regnearternes hierarki	kisitseriaatsit tulleriissaarnerat	Isumasiuutitaaniittoq ima allassimalissaaq: Fastlægger i hvilken rækkefølge regningsarterne i et udtryk skal udføres Taaguusersuuserineq naammassineqarpat isumasiuutit kalaallisut nutserneqarumaarput.
regulær polygon		angeqatigiinnik teqeqqorpaqarlunilu sinarsulik
regulær trekant		angeqatigiinnik pingasunik teqeqqoqarlunilu sinarsulik
regulær femkant		angeqatigiinnik tallimanik teqeqqoqarlunilu sinarsulik

2. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
      1. Oqaasiliortut Oqaasileriffillu Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliamik naapeqateqarnerata kingorna Oqaasileriffimmit Naalakkersuisoqarfimmi inatsisilerituunut apeqqutigineqarpoq Oqaasiliortunut inatsit allanngortinneqanngikkaluarluni Oqaasileriffimmut taaguusersuutinik atortuulersitsisinnaanermik pisinnaatitsinermik tunniussinissaq periarfissaanersoq, tamanna pisinnaappat taaguusersuutit assigiissaakkat pilertornerusumik inuiaqatigiinnut nittarsaanneqartalersinnaassagaluarmata.
      2. Oqaasileriffimmi atorfillit Oqaasileriffimmi isumasioqatigiinnerat 01.12.21 pivoq. Isumasioqatigiinnermi assigiinngitsut eqqartorneqarput, ilaatigut suliffeqarfiup iluani pissutsit periusissallu, kiisalu avammut nittarsaassinermi pitsaassusissatut pingaartitat piffissamilu qaninnermi suliassanik pingaarnersiuinissaq – tamatumani ilaalluni nittartakkap atuisunut atoruminarsarneqarnissaanut tunngasut, taaguusersuutit eqqarsaatigalugit databasimik ataatsimik atuilernissamut tunngasut, kiisalu Katersanik aaqqissuinissamut tunngasut. Aammattaaq ukiumi nutaami atorfinitsitsinissamut tunngasut ilanngullugit eqqartorneqarput. Atorfinittussat nutaat pingaarnermik oqaaserpassualerinermut taaguusersuuserinermullu tunngasunik suliaqassapput. Facebookimi oqaatsit pillugit paasissutissanik nittarsaassisarneq eqqartorneqarpoq pilersaarusiugaanerusumillu ingerlasalissasoq isumaqatigiissutigineqarluni, ikkunneqartartussallu piffissami inuiaqatigiinni eqqartorneqartunut attuumanerussapput, kiisalu inuiaqatigiinnit tusagassiorfinnillu nalornissutigineqartartunut tunnganerussallutik. Nutaarsiassat imarisassaat pillugit qaammatip aallartinnerani naapeqatigiinneq pisassaaq. Oqaasileriffimmit ataatsimut pingaartitassatut isumaqatigiissutit avammut kiinnertaaseqarnermut tunngasut inissinneqarput: Oqaasileriffik paasissutissanik tunngavilersukkanik, tutsuiginartunik pitsaasunillu nittarsaassisassaaq. Tamannarpiarlu pillugu Katersani aaqqissuussinissaq qitiutinneqassasoq eqqartorneqarluni.

5. Suliat allat pillugit ilisimatitsineq
   1. Inuit aqqi pillugit saaffiginnissutit

Oqaasiliortut kingullermik ataatsimiinnerannit (26/11-2021) ullumimut ateq akuerineqartoq ataasiinnaavoq: Qilaappali, niviarsiaqqat aqqattut.

6. Ataatsimiinnissap tulliata ullulerneqarnera

Oqaasiliortunut ilaasortanngortussat piffissami qaninnermi ivertinneqarnissaat naatsorsuutigineqaraluartoq nalunartut pillugit sisamanngorneq 20.01.21, nal. 13-16 ataatsimeeqqinnissamut piffissaliunneqarpoq.

7. Tamalaat

Ataatsimiinnermi peqataasut:

Karen Ramsøe (siulittaasup tullia)

Knud Møller (ilaasortaq)

Abia Abelsen (ilaasortaq)

Imaqarniliaq atuarsimallugu uppernarsarpaat:

Mariia Simonsen (siulittaasoq)

Else Kleist (ilaasortaq)

Ono Fleischer (ilaasortaq)

Dorthe Kielsen (ilaasortaq)