Suminngaaneerneq: København
Ukiut: 63
Kalaallit Nunaannut peqqaarpunga 1972-imi, angajoqqaakka Nuummut nuummata.
70-ikkut ingerlaneranni ilinniarninnut atatillugu Danmarkimeeqqippunga, kingornalu aamma ingerlaqqiffiusumik ilinniagaqarlunga.
Kalaallit oqaasii tusaaqqaarakkit soorlu oqaatsit tamarmik ima naaneqartartut: mut, nut imaluunniit put. Qallunaallu oqaaserpassui aamma akunneratigut atorneqartarlutik, ilaatigut eqqumiitsunik nipilimmik.
Kalaallit oqaasii ilinnialerpakka ilaatigut panima paarsisua iluamik oqaluulluarsinnaajumallugu. Pissusissamisoortutut aamma isigivara oqaloqatigiinnermi paasisaqalluassagaanni aammalu kikkut oqaloqatiginerlugit apeqqutaatillugu oqaatsit assigiinngitsut atorsinnaaneri.
Kalaallit oqaasii ilinniarlugit artornarnerpaavoq ilaatigut kukkusumik oqaluttarnera akuerissallugu, aamma oqaatsit allanngorartumik assigiinngisititaartumik atornissaasa uannut killeqarnerat, tassa allanik oqaloqateqarnermi imminut naatsorsuutigisakka eqquutsippiarsinnaasannginnakkit.
Kalaallit oqaasiisa ilinniarnerini aamma kalaallinik oqaloqateqartarninni tatiginninneq ataqqinninnerlu pilersinneqartarput.
Kalaallit oqaasiinik ilinniarnermi pingaarnerpaajuvoq killiffik akuerissallugu, kukkusarnerit ’amigartumillu’ oqalunneq akuerissallugu.