Aasianni 1970-imi inunngorpunga, angajoqqaakka qallunaajupput.
48-nik ukioqarpunga.
Aasianni inunngorama ukiut 7 Nunatsinniippunga Kangaatsiami meeraallunga – taava Danmarkimut uterpunga. Aatsaat 1989-imi uteqqillunga kalaallit oqaasii puiornikuullugit.
Kalaallit oqaasii tusaaqqikkakkit aliannaaqaanga – oqaatsit paasisinnaanngikkaluarlugit tusarnarisorujuuakka, nipit tamaasa soorlu tusarnikuullugit paasisinnaanngikkaluarlugit.
Ilinniaqippakka kalaallit oqaasii inuttut pisariaqartikkakkit, misigigama soorlu pigerusullugit akoorusullunga kalaallinut, aamma Nunatsinnut uterusulerlunga inuunerma sinnerani, Nunarput angerlarsimaffittut malugisinnaallugu.
Kalalalit oqaasii ilinniarlugit arriinnarpoq, Kangaatsiamut nuuttariaqarpunga ukiiartorlunga, ittoornalaarpoq ukiut siulliit oqqarlulluni. Ukiorpassuit samminikuuakka – arrittumik ineriartorpoq suli.
Nakorsanngorusullunga taamani nakorsiartut toqqaannartumik oqaloqatigisinnaassallugit siunertaraara, tamanna iluaqutigeqaara.
Kalaallisut ilikkarnerup aamma kingunerivaa kalaallit qanillisinnaanerullugit, kalaallit illaqatigisinnaallugit.
Kalaallisut ilinniarnermi pingaarnerpaajusoraara kalaallit najorlugit, ittoornani, imminnut illaatigisinnaalluni – tunniutiinnarnani.