- Mariia Simonsen (siulittaasoq), Karen Ramsøe (siulittaasup tullia), Dorthe Kielsen, Ono Fleischer, aamma Abia Abelsen
- Minik Jeremiassen aamma Beatrine Heilmann (allatsi)
- Ane Fleischer (matematikkimik ilisimasalik)
- Oqaluuserisassat akuerineqarnerat
- Kingullermik ataatsimiinnermit (20/01-2022) imaqarniliap akuerineqarnera
- Suliat aalajangiiffigisassat suliarineqarnerat
- Matematikkimi taaguusersuutit
- Qallunaatut taaguutip talsmand-ip kalaallisoortaata isummerfigineqarnissaa
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit
- Kalaallit aqqinik siulequtaasunik akuereqquneqartunik suliaqarneq
- Ilaasortanit siunnersuutinik suliaqarneq
- Suliat allat pillugit ilisimatitsineq
- Inuit aqqi pillugit saaffiginnissutit
- Ataatsimiinnissap tulliata ullulerneqarnera
- Tamalaat
- Oqaluuserisassat akuerineqarnerat
Oqaluuserisassat allanngornagit akuerineqarput.
- Kingullermik ataatsimiinnermit (20/01-2022) imaqarniliap akuerineqarnera
Kingullermik ataatsimiinnermit imaqarniliaq allannguuteqarani akuerineqarpoq.
- Suliat aalajangiiffigisassat suliarineqarnerat
- Matematikkimi taaguusersuutit
- Qalluunaatut taaguummut facit-imut 18/08-2021-mi kalaallisut taagutitut akuerisaq inerneq atorunnaarsinneqarpoq imalu taarserneqarluni: kisitap inernera.
- Qallunaatut taaguummut rentefod-imut januaarimi 2000-imi Oqaasiliortut kalaallisut taaguutissatut akuerisaat erniat angissusiat atorunnaarsinneqarpoq saqqummersitami “Taaguusersuutit – pinerluttulerinermut, eqqartuussisarnermut, aningaaserivinnut timillu pisataanut tunngasuni” (Oqaasiliortut, 2000) ilaasoq, imalu taarserneqarluni: erniat annertussusiat.
Qallunaatut | Isumaqataa | Kalaallisut |
facit | kisitap inernera | |
rektangel | kipparissoq; rektangeli | |
rektangeltal | kipparissup kisitsisitaa; rektangelip kisitsisitaa | |
rektangulær | kipparissutut ilusilik; rektangelitut ilusilik | |
relation | atassuteqarneq | |
rente | erniat | |
rentefod | erniat annertussusiat | |
rentesregning | ernianik naatsorsuineq | |
rest | sinneq | |
resultat | inerneq | |
ret linje | titarneq narlusooq | |
ret vinkel | qiverneq teqeqqorissoq | |
retvinklet | ortogonal | teqeqqorissoq |
retvinklet trekant | pingasunik teqeqqulik teqeqqorissortalik | |
richterskala | Richterip uuttuutaa | |
risiko | navianartoq | |
rod | sorlak | |
rodeksponent | sorlaap arlaleqqiutaa | |
rodtegn | sorlaap ilisarnaataa | |
roduddragning | sorlassiorneq | |
rombe | rombe | |
romertal | Ruumamiut kisitsisaat | |
rumdiagonal | initussusilimmi diagonali; initussusilimmi kipunneq | |
rumfang | initussuseq | |
rumfangsbegreb | initussutsimik paasinninneq | |
rumgeometri | initussusilimmi geometrii | |
rumlig figur | iluseq initussusilik | |
rummål | initussutsit uuttuutaat | |
rutediagram | rutediagrammi | |
række | sanileriiaat | |
rækkefølge | tulleriinneq | |
røringspunkt | naapiffik | |
salgspris | nioqqutissap akia | |
samlede overflade | qaaq tamarmi | |
samlede udgifter | aningaasartuutit katinnerat | |
sammenhørende talpar | kisitsiseqatigiikkuutaat | |
sammenligne | naleqqiuppaa | |
sammensat flytning | kattutaakkanik nuussineq | |
sammensat tal | kisitsit katitigaq | |
sand | eqqortoq | |
sandsynlighed | ilimanassuseq | |
sandsynlighedsregning | ilimanassusilerineq | |
sandt udsagn | taamaanneragaq eqqortoq | |
segment | segmenti; ilamineq | |
sekant | sekanti | |
sekskant | arfinilinnik teqeqqulik | |
sekund | sekundi; issariarneq |
- Qallunaatut taaguutip talsmand-ip kalaallisoortaata isummerfigineqarnera
Meeqqanut, Inuusuttunut Ilaqutariinnullu Naalakkersuisoqarfimmit qallunaatut taaguutip talsmand-ip kalaallisut taaguutaa pillugu Oqaasiliortut isummernissaannik noqqaassut isummersorfigineqarlunilu aalajangiiffigineqarpoq.
Oqaasiliortut aalajangerpaat pisortatigoortumik atorneqartoq inatsisinilu allassimasoq, Oqaasiliortunilli akuerisaanngitsoq illersuisoq MIO-p, Ajaappiap Tiliullu kissaataat malillugit ima taaguuteqalerluni allanngortinneqassasoq: oqaaseqartartoq.
Oqaasiliortut taama aalajangiinermik saniatigut ilanngullugu aalajangerpaat pineqartoq ima atorneqassasoq:
-
- børnetalsmand pineqartillugu: meeqqat pillugit oqaaseqartartoq
- handicaptalsmand pineqartillugu: inuit innarluutillit pillugit oqaaseqartartoq
- ældretalsmand pineqartillugu: utoqqaat pillugit oqaaseqartartoq
Tamanna isumaqarpoq Oqaasiliortut 05/03-2012-mi taaguutit akuerisaat marluk atorunnaarsinneqartut, uku:
-
- børnetalsmand = meeqqat sinniisuat
- sekretariat for børnetalsmanden = meeqqat sinniisoqarfiat
Ilanngullugu erseqqissaatigineqarpoq taaguutit taaguummut oqaaseqartartumut qanittut allat ordbogini allassimareersut makkuusut:
-
- ordfører = oqaaseqartittagaq (Ordbogen, 2003). Tamanna isumaqarpoq qallunaatut taaguut politisk ordfører ima kalaallisut taaneqassasoq: politikkikkut oqaaseqartittagaq.
- kommentator = oqaaseqartitaq (Ordbogen, 2003). Tamanna isumaqarpoq qallunaatut taaguut politisk kommentator ima kalaallisut taaneqartassasoq: politikkikkut oqaaseqartitaq.
Oqaasiliortunit akuerisat | |
Qallunaatut taaguut | Kalaallisut taaguut |
talsmand | oqaaseqartartoq |
børnetalsmand | meeqqat pillugit oqaaseqartartoq |
handicaptalmand | inuit innarluutillit pillugit oqaaseqartartoq |
ældretalsmand | utoqqaat pillugit oqaaseqartartoq |
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit
Oqaasileriffimmit ilisimatitsissutit tusaatissatut tiguneqarput.
- Kalaallisut aternik siulequtaasunik akuereqquneqartunik suliaqarneq
Kalaallisut aternik siulequtaasunik akuereqquneqartunik soqanngilaq.
- Ilaasortanit siunnersuutinik suliaqarneq
Oqaasiliortut 20/01-2022-mi ataatsimiinnerminni sammisaat inuusuttunik oqaatsinut ambassadøreqalersitsisinnaanermut tunngasoq eqqartullatsiarneqarpoq. Oqaasiliortut siulittaasuat ilaasortanik soqutiginnittunik peqateqarluni Oqaasileriffimmut eqqartueqateqariartorluni ornigutissaaq.
- Suliat allat pillugit ilisimatitsineq
- Inuit aqqi pillugit saaffiginnissut
Inuit aqqi pillugit saaffiginnissutinik soqanngilaq.
- Ataatsimiinnissap tulliata ullulerneqarnera
Ulloq pingasunngorneq 02/03-2022, nal. 13.00 – 16.00, tulliani ataatsimiiffiussaaq Oqaasileriffimmi pisussaq.
- Tamalaat
- Ataatsimiinnissap tulliani oqaatsit makku aalajangiiffigisassanngortinneqassapput: underretningspligt, anmeldelsespligt, meddelelsespligt aamma indberetningspligt.
- Oqaasiliortut Oqaasileriffik peqatigalugu naammassisassat pillugit isumaqatigiissutigissassaat upernaamut Oqaasiliortuni sammineqassaaq.
- Pisortat suliffeqarfiutaanni nutserisut tamarmik, iminneqartartut ilanngullugit, Namminersorlutik Oqartussat Nutserisoqarfiata atortorissaarutaanik atuilissapput, qularnanngitsumillu taaguutit atorneqartut assigiinnerulissallutik. Tamaattumik atortorissaarummi pineqartumiittut suli akuerineqanngitsut Oqaasiliortuni sammissallugit iluatinnarluinnarput. Suliassaq tamanna Oqaasiliortut Oqaasileriffik peqatigalugu naammassisassat pillugit isumaqatigiissusiornissaannut ilanngunneqarsinnaavoq.
Ataatsimiinnermi peqataasut:
Mariia Simonsen (siulittaasoq)
Karen Ramsøe (siulittaasup tullia)
Dorthe Kielsen (ilaasortaq)
Abia Abelsen (ilaasortaq)
Ono Fleischer (ilaasortaq)