Oqaasiliortut 2022 – 1 (gl)

OQAA – 200122

 

OQAASILIORTUT ATAATSIMIINNERAT

sisamanngornermi 20/01-2021, nal. 13-16, digitalimik ingerlanneqartoq

PEQATAASUT

Oqaasiliortut:

Abia Abelsen, Dorthe Kielsen, Karen Ramsøe, Mariia Simonsen aamma Ono Fleischer

Oqaasileriffimmit:

Beatrine Heilmann (allatsi)

OQALUUSERISASSAT

1. Oqaluuserisassat akuerineqarnerat
2. Oqaasiliortut inissitsiternerat
   1. Siulittaasumik siulittaasullu tullianik qinersineq
3. Kingullermik ataatsimiinnermit (15/12-2021) imaqarniliap akuerineqarnera
4. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
5. Kalaallit aqqinik siulequtaasunik akuereqquneqartunik suliaqarneq
   1. Nukappiaqqanut atissatut qinnuteqaat: Atiit
6. Ilaasortanit siunnersuutinik suliaqarneq
   1. Inuusuttunik oqaatsinut ambassadøreqalersitsinissamik siunnersuut pillugu
7. Suliat allat pillugit ilisimatitsineq
   1. Inuit aqqi pillugit saaffiginnissutit
8. Ataatsimiinnissap tulliata ullulerneqarnera
9. Tamalaat

IMAQARNILIAQ

1. Oqaluuserisassat akuerineqarnerat

Oqaluuserisassat allanngornagit akuerineqarput.

2. Oqaasiliortut inissitsiternerat
   1. Siulittaasumik siulittaasullu tullianik qinersineq

Ilaasortat tamarmik isumaqatigiillutik siulittaasumik siulittaasullu tullianik qinersipput. Oqaasiliortuni siulittaasunngorpoq Mariia Simonsen siulittaasullu tulliatut Karen Ramsøe qinerneqarluni.

3. Kingullermik ataatsimiinnermit (15/12-2021) imaqarniliap akuerineqarnera

Kingullermik ataatsimiinnermit imaqarniliamit kalaallisut taaguusiussat marluk allassimaneri naqqinneqariarlutik imaqarniliap sinnera akuersissutigineqarpoq. Kalaallisut taaguusiussanut naqqiutigineqartut ukuupput:

• • parallelli ima naqqillugu: paralleli
  • parallellitut illikartitsineq ima naqqillugu: parallelitut illikartitsineq

4. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit

Oqaasileriffimmit ilisimatitsissutit tusaatissatut tiguneqarput.

5. Kalaallisut aternik siulequtaasunik akuereqquneqartunik suliaqarneq
   1. Nukappiaqqap aqqatut qinnutigineqarpoq: Atiit

Atiit Oqaasiliortunit ilaasortanit tamanit nukappiaqqap aqqatut akuersissutigineqarpoq. Akuersinermut atatillugu aqqup allamooruserlugu atorneqarnissaa ima aalajangerneqarpoq: Atiip. Tamanna qinnuteqartumut ilanngullugu ilisimatitsissutigineqassaaq.

6. Ilaasortanit siunnersuutinik suliaqarneq
   1. Inuusuttunik oqaatsinut ambassadøreqalersitsinissamik siunnersuut pillugu

Oqaasiliortunut ilaasortamit Mariia Simonsenimit siunnersuut inuusuttunik oqaatsinut ambassadøreqalersitsinissamik siunnersuut ilaasortanit tamanit isumaqatigineqarpoq. Isumaqatigiissutigineqarpoq Oqaasiliortut ataatsimut issiaqatigiissinnaalerpata qanoq pilersaarusiorneqarsinnaanera aaqqissuunneqarsinnaaneralu pillugu annertunerusumik eqqartorneqassasoq, tamannalu sioqqullugu sammisaq pillugu Oqaasileriffimmi sulisut siunnersuusiussasut.

7. Suliat allat pillugit ilisimatitsineq
   1. Inuit aqqi pillugit saaffiginnissut

Inuit aqqi pillugit saaffiginnissutit tusaatissatut tiguneqarput.

8. Ataatsimiinnissap tulliata ullulerneqarnera

Ulloq pingasunngorneq 02/02-2022 nal. 13.00 – 15.30 tulliani ataatsimiiffiussaaq digitalimik ingerlanneqartumik.

9. Tamalaat
   1. Meeqqanut, Inuusuttunut Ilaqutariinnullu Naalakkersuisoqarfimmit 18/01-2022-mi Oqaasiliortunit isummerfigeqqullugu saaffiginnissutigineqarpoq qallunaatut taaguutip talsmandip kalaallisut taaguutaanut tunngasoq. Tamanna Oqaasiliortut 02/02-2022-mi ataatsimiinnissaanni aalajangiiffigisassanngorlugu oqaluuserisassanut ilanngunneqassaaq.
   2. Oqaasileriffimmit kaammattuutigineqarpoq Oqaasiliortunut ilaasortanngortut aalajangersakkatik, ass. ataatsimiinnermit imaqarniliat aamma taaguutit akuerisat, tunuliaqutigisaminnut, soorlu suleqatiminnut, peqatigiffimminnut, innersuunneqarfimminnut assigisaannullu, ilisimatitsissutigalugit siammartaqqullugit.

Ataatsimiinnermi peqataasut:

Mariia Simonsen (siulittaasoq)

Karen Ramsøe (siulittaasup tullia)

Dorthe Kielsen (ilaasortaq)

Abia Abelsen (ilaasortaq)

Ono Fleischer (ilaasortaq)