Kuuna isumaqartoq ’arnaq’

Kalaallit arnat atiat Kuuna isumaqartoq ’arnaq’

Kingusinnerusukkut europamiut arfanniat oqaloqatigisarnerini oqaaseq nalinginnarmik atugaasimavoq. Oqaaseq 1654-imi qallunaap oqaluttuarisaanermik ilisimatuup Peder Hansen Rese­nip tyskisut kalaallisullu oqaatsinik katersaanni allanneqaqqaarpoq. Ateq kujataani nalinginnaasu­mik atorneqaqqaarsinnarluni kitaanut avannaanullu siaruariartorsimavoq.

Kirkebogitoqqani atimit taassuminnga nagguillit arlaqartut siumugassaasarput, soorlu Paamiuni 1773-ip miss. ‘Kona’ aamma ‘Konángoak’, Qeqertarsuarmi 1782-imi ‘Konalik (Kuunalik – ‘arnaassusilik’) aamma Narsarmiuni 1824-mi ‘Kunelik’. Salomon von Hauen-ip Bergenimi 1654-imi qalipagaani kalaallit sisamat ilaat arnaq ‘Gunnelle’-mik ateqartinneqartoq tassaasimagunarpoq ‘Kuunalik’ qallunaap siutaanik tusaallugu taamatut allataq.

Aammattaaq Nuup eqqaani 1743-mi arnap atia ‘Konnane’ (Kunnana) tassannga naggueqarsimassangatinneqarpoq.

Nalunngiliuk...?