Atit ujakkamut naleqquttut
Atit naleqquttut nassaarisat 1:A
| Ateq | ☼ | Qallunaatut | Allattaasitoqaq | |||
|---|---|---|---|---|---|---|
| Ateq | ☼ | Qallunaatut | Allattaasitoqaq | |||
| A | ||||||
| ▸ | Arruttaq | Avanersuarmiusut | Arrútaĸ | |||
| Avanersuarmi atiunerusoq. Isumaa: 'Arrusaq' imalt. 'aarrusaq' naggueqatigissagaa ilimanarpoq, inummut atiunini sumiorpaluusermilluunniit pissuteqarsimanerluni Arrutanngorluni Arruttanngorluniluunniit. Arrusaq tassaavoq uumasunnguaq illeqqat ilaat (clione limicina) immap iluani uumasoq akimut ersitsoq saneqqamigut taleqqutut isikkulinnik atortulik inngilimut eqqaanarsinnaasoq. 5 cm. tikillugu angitigilersinnaavoq. Ordbogini 'aataasa'mik taagorneqarput. Maanna meeqqat erinarsuutaat nuannarineqarluartoq oqaluttuatoqqamut allamut atagaluartoq pissutiginerugunarlugu 'aataalianngua'mik taagorneqalerpoq. Arrusaq/aataasaq qanga angakkut ilaasa toornarisarsimavaat, ilaannigooq assattut angitigisoq ilaannilu inuttut. Imaassinnaavoq Fabriciusip ordbogiani 1804-meersumi uumasoq 'ataarpiaq' tassunga attuumassuteqarsinnaasoq (q. 57). Oqaluut 'arrorpoq' naggueqatigaa. Arrorpoq ima isumaqarpoq: “masannermit aappoq, qitulivoq, ingussorpoq”, uumasunnguullu ilutsini taamaattoq pinerugunarlugu taanna ateqaatigaa. Amerlassusii: Arruttaq 5. Arrutaq 8. Arrutaĸ <4. | ||||||