Inuit Aqqinik Akuersisartut 2011 – 4 (gl)

IAA – 051211 (gl)

Inuit Aqqinik Akuersisartut 05/12-2011, nal. 10.00 Oqaasileriffimmi ataatsimiinnerannit imaqarniliat

 

Peqataasut:              Sofie Petersen aamma Eva Møller Thomassen, Lotte Holm.

Allatsi:                     Nuka Møller

 

1. Tikilluaqqusineq

Tikilluaqqusinermi nuannaarutigineqarpoq ilaasortat tamarmiullutik ataatsimiinnermut najuussinnaanerat. Aqqit akuereqqullugit qinnutigineqartut isummerfigineqarnissaasa saniatigut ataatsimiinnermi tunngaviusumik aalajangiiffigineqartussaapput suleriaaseq qanoq ittuunersoq Inuit Aqqinut Akuersisartut atussaneraat tamannalu immikk. 6-imi eqqartorneqassaaq.

2. Siulittaasumik tullissaanillu qinersineq

Siulittaasumik tullianillu qinersisoqarpoq. Siulittaasutut qinerneqarpoq Sofie Petersen. Tulliatullu Eva Møller Thomassen.

3. Kingullermik ataatsimiinnerni imaqarniliat akuerineqarneri

Imaqarniliat akuerineqarput.

4. Atit akuereqqullugit qinnutigisat:
5. 1. Ajano (14/9) ♀ Akuerineqarpoq.
   2. Sali (15/9) ♂ Akuerineqanngilaq. Innersuutigineqarpoq Salik atorneqarsinnaasoq.
   3. Avu (Avoortungiaq), (16/9) ♀ Akuerineqarpoq.
   4. Varannguaq (Aavarannguaq) (29/9) ♀ Akuerineqarpoq.
   5. Alliaq (14/11) ♀ Akuerineqarpoq.
   6. Liili (17/11) ♀ Akuerineqarpoq.
   7. Nanuk (20/11) ♂ Akuerineqanngilaq. Innersuutigineqarpoq Nanu imlt. Nanoq atorneqarsinnaasoq.
   8. Aqqappa (22/11) ♂ Akuerineqarpoq.
   9. Kistaaraq/Kiistaaraq ♀ Allattaatsip tunngavii naapertorlugit allanneqassasoq erseqqissaatigineqarpoq. Sivitsuusernagu Kistaraq akuerineqanngilaq.
   10. Titsiaat (29/11) ♂ Akuerineqarpoq.

5. Inuit aqqisa nalunaarsorsimaffiata 2007-imili saqqummersup tapissaa

Nalunaarsukkat tusaatissatut tiguneqarput. Ilisimatitsissutigineqarpoq upernassarli akuerineqartarsimasut nittartakkap nutaamik iluseqalernerata kingorna ikkunneqarsinnaasimanngitsut, taamaattoq juulli sioqqullugu tamanna isumagineqalersaartoq.

6. Inuit Aqqinik Akuersisartut nutaamik iluseqalernissaannut Oqaasiliortut isummerfigeqqusaat

Oqaasiliortut siulittaasuata septembarip 29-anni ataatsimiikkamik Oqaasiliortunut ilaasortanut isumaliutigeqquaa qanoq issanersoq IAA-p ilaasortaat pingasuusut marlunnik ilaqqinneqassagaluarpata aalajangiiniartarnerup eqaannerusumik ingerlasarnissaa anguniarlugu.

Apeqqut tamanna IAA-mi ilaasortat eqqartorpaat. Ilaasortat amerlinissaanut isuma pillugu pisariqarsorineqanngilaq amerleqqinnissaq. Massakkutut ingerlaaseq ajornaquteqanngilaq. Taamaattoq aalajangiisarneq allatut aaqqissuunneqarsinnaasoq siunnersuutigineqarpoq. Maannakkutuut najuulluni ataatsimiinnikkut aatsaat aalajangiisarneq ingerlanneqartarpoq, taamaattoq pinartoqartillugu e-mail aqqutigalugu amerlanerussuteqartarneq aallaavigalugu aalajangiisoqarsinnaasarpoq.

Isumaliutigineqarpoq e-mail aqqutigalugu aalajangiisarneq ileqqunnguussinnaannginnersoq. Ataatsimiinnersiutisisarneq eqqarsaatigalugu imatut aaqqissuussisoqarsinnaannginnersoq siunnersuutigineqarpoq: ukiumut ataatsimiittarnerit amerlanngillat, sisamat tallimariarlutik ataatsimiittoqartarpoq ataatsimiittarnernilu agguaqatigiisillugu aqqit akuereqqusat sisamat-tallimat missaaniittarput. Assersuutigalugu aqqit tallimat e-mail aqqutigalugu akuerineqareeraangata ilaasortanut ataatsimiinnermusiamik ataatsimik pissarsisinnaapput. Tunngaviusumik isummerfissaqartoqartillugu Oqaasileriffimmut najuullutik ilaasortat ataatsimiigiarsinnaanerarput. Pisarnertullu aqqit isummerfissat pillugit ajornartoortoqartillugu Oqaasiliortunut suliassamik ingerlateqqiisarneq misilittagaareermat taamatut ingerlasoqarsinnaavoq.

LHO nalunaarpoq taamatut aaqqissuussisoqarsinnaappat nammineq ilaasortatut ataannannissi aalajangiusimasinnaallugu tunuarniuteqarnerminut pissutigisani najuukkiartorluni ataatsimiigiartarnissamut piffissaalatsisarnini taamaalilluni qaangissagamiuk.

7. Ilisimatitsissutit – Aqqit pillugit suliat ataatsimiinnerup avataatigut ingerlasut.

Minneq (29/6), Natuk/Naduk,  Navaruna (27/6 ->OK 15/8), Mayca (3/7->DK:OK:19/8), Avanersuarmiutut Masautsiaq iml.  Masaitsiaq sooq Masaatsiaq? (4/7), Ajapa (12/7-OK: 26/7), Tupaarna (12/7-OK: 1/8) Kisitsit 2 aternut akunniliullugu (14/7), Seria (26/7->DK:OK 4/8), Pele (27/7), Aqqatu (2/8:OK 30/8), Nukakkuluk (23/8), Kaani (30/8), Inuuti (1/9:OK), Nata (5/9:OK 14/9), Masami (14/9->DK), Aajaraq (14/9:OK), Ajano (14/9), Pollux (15/9->DK), Apilone (27/9->DK) Kuuka (13/10),  Qujaaq (17/10),  Katsiaat/Kristian (28/10),  Nanu (01/11 OK), Titta (10/11), Quana (17/11 OK), Viaana (21/11),  Kistaaraq (25/11), Arnat aqqisa allatt. (26/11).

Tusaatissatut tiguneqarput.

Isumaa: Aputsiaq (30/6), Avaaraq (17/7), Ikiuna (17/7), Nukaq (17/7), Kavauvak (17/7), Qarsoq (19/7), Mika (24/7), Allarneq (2/8), Malu (1/9), Ivalo (1/9), Uilu (14/9), Smilla & Amajuna (14/9), Amaasa, Saamaneq & Saama (16/9), Ujuut (18/9-20/9), Aviana (21/9), Asarpannguaq (01/11), Navarana + Aviaaja (14/11), Minik (15/11), Ivalu (16/11), Osuqo (22/11), Inuusuttoq (23/11).

Tusaatissatut tiguneqarput.

8. Taasariaqartut allat

1. 1. Atit (kinguliat) allanngortinneqartarnerat pillugu Emilie Steenholdtip allagaa
      Allattaasitoqqap naqinneri atorlugit allatigullu atsersuisarnermi kukkuneqartoqartarnera annikillisarniarlugu malittarisassat qanoq ittunerinik quppersagaaqqamik assigisaanilluunniit sanasoqarsinnaanera ilalernartinneqarpoq  Kingulianillu isumaginnittoqarfinnut saaffiginnissutissaqqissutut isumqarfigineqarluni.
   2. Katsiaat qallunaatut aqqup Kristianip kalaallisut taaguutaasa ilaannut tapiut
      Nalunaarsorneqarpoq nittartakkamut ikkunneqassaaq atuagaararlu tullissaani nutarterlugu saqqummiunneqaqqilerpat ilanngutissaaq.

6. Nordisk navnekongres Askov Højskole 6.-9. juni 2012NORNA komitemullu ilaasortassat.

Ilisimatitsissutigineqarpoq Michael Lerche Nielsen, Institut for Navneforskningimiit allagaqarsimasoq ilisimatitsilluni allagaqarsimasoq NAA aamma IAA peqataassappata piukkunnartuusoq, ingammik inuit aqqi pillugit inatsisit eqqartorneqartussaammata Nunatsinnilu oqartussaassuseq tamakkiisumik tiguneqartussatut pilersaarutaammat uuttuutit suut artugaalissanersut il.il. eqqartorneqartussaammata. Nunarput NORNA komitemi namminersorluni ilaasortaqartinneqarnissaa sulissutigiumallugu unnerput, taamaattoq qanoq isumaqarfigineripput paaserusunneqarluni. Tamanna pillugu novembarip qulingani ataatsimiinnissamut ilassutissaqarnersugut aperivoq. Tamanna pillugu Oqaasiliortut siulittaasuat novembarip aallaqqaataani ima allagaqarpoq:

“Aappaagu juunimi ataatsimiititsinissamut peqataatitsinissaq siunertarisariaqarpoq. Maanna no-  vembarimi ataatsimiinnissamut tunngatillugu oqartariaqarpoq IAA-p ataatsimiinnermini sammisimagaa takusinnaanngilara, kisianni maanna peqataatitsingikkaluarluniluunniit IAA Oqaasiliortullu isumaqatigiissutigippassuk aalajangersimasumik ilaasortaqalernitsinissaq tunngavimmigut akornutissaqarani iluaqutissartaqassaqaaq.

Isumaqarpunga  paasisariaqartoq taakkua inatsisaanni nunanut immikkut ilaasortaaneq qanoq paasisassaanersoq. Naalagaaffittuunngitsoq kisianni Namminersortutut inissisimaneq isumaqarpunga erseqqittariaqartoq.

Isumaqarpunga akissagivut maanna peqataatitsinngikkaluarluta erseqqissumik nassuiaateqareerpata qanoq ataavartumik inissinnissaq aalajangersarsinnaagipput IAA-mi Oqaasiliortunilu.”

IAA-mi ilaasortat innersuussutigaat ataatsimeersuarnissami NAA-mi IAA-milu allatsit peqataatinneqassasut.

Tulliani ataatsimiinnissaq: Aalajangerneqarpoq e-mailikkut attaveqaqatigiinnkkut tulliani ataatsimiinnissaq qaqugu pissanersoq aalajangerneqrumaartoq.

 

Inussiarnersumik inuulluaritsi

Nuka Møller, allatsi