Oqaasiliortut ataatsimiinnerat marlunngorneq, januaarip 26-ianni 2016, nal. 14.00 Ilimmarfimmi.
Ataatsimiittarfimmi peqataasut: Mariia Simonsen, Judithe Denbæk, Bolatta Vahl aammalu
Oqaasileriffimmi pisortaq Katti Frederiksen
Oqarasuaatikkut peqataasoq: Jens Danielsen
Peqataasinnaanngitsoq: Juaaka Lyberth
Allatsi: Minik Jeremiassen
Imaqarniliaq
- Tikilluaqqusineq:
Ataatsimiinneq aallartimmat Juaakap peqataasinnaannginnera uggorineqarpoq, taamaakkaluartorli ataatsimiinnermi siulittaasussamik siulittaasullu tullersortissaanik qinersisoqassasoq aalajangiusimaneqarpoq.
Oqaasileriffiup pisortaata ilisimatitsissutigaa ataatsimiittarnerni peqataasassanani. - Suleriaasissatut malittarisassaq pillugu:
Suleriaasissamut malittarisassatut siunnersuummut Oqaasiliortut aaqqiissutissanik siunnersuuteqarput. §1-imi Namminersornerullutik Oqartussat nalunaarutaat nr.23, 15. maj 1990-imeersoq, Oqaaasiliortut suliassaannik ataasiakkaanik imaqartoq, inatsisitigut tunngavissanut ilanngunneqassasoq.Suleriaasissamut malittarisassatut siunnersuummi §3-mi ataatsimiinnissaq ullunik marlunnik sioqqullugu suliassanik nassiussisoqartassasoq allaqqavoq, kisianni piffissaqarluarluni sukumiinerusumillu toqqammavilersukkamik suliaqartarnissaq kissaatigineqarmat ullunik tallimanik sioqqutsilluni nassiussisoqartassasoq aalajangiunneqarpoq.Ataatsimiinnermi imaqarniliaq ullut qulit qaangiutsinnagit Oqaasiliortunut akuerisassanngorlugu nassiunneqartassasoq suleriusissamut malittarisassatut siunnersuummi allaqqasoq ullunut tallimanut sivikillineqarpoq.
Suleriaasissamut malittarisassatut siunnersuummi §3-mi ataatsimiittarnerit ataatsimiinnermusiallu ersarinnerusumik allassimassaaq. Aningaasarsisarnissaq pillugu aalajangersakkamik paasiniaasoqaqqaassaaq, taamaalilluni qulakkeerneqassammat inatsisinut naapertuuttumik ataatsimiinnermusiaqartarnissaq.
Ataatsimiinnermi tullermi suleriaasissamut malittarisassatut siunnersuut eqqartorneqassaaq.
- Oqaasiliortut siulittaasussaannik siulittaasullu tullersortissaanik qinersineq:
Bolatta Vahl Oqaasiliortuni siulittaasussatut qinerneqarpoq, tullersorterissavaalu Mariia Simonsen. - Oqaatsit ataasiakkaat listillu pillugit suleriusissaq:
Oqaatsit allanngugassaanngikkaluartulluunniit Oqaasiliortunit eqqartorneqartassapput.Oqaatsinik ataasiakkaanik aalajangiinissami Oqaasileriffik siunnersuummik Oqaasiliortunut siunnersuuteqartassaaq. Listit Oqaasiliortukkoortussat immikkut ilisimasalinnit aammalu Oqaasileriffimmiit suliarineqarlutik piareersareerneqartartussaammat Oqaasiliortut oqaluuserisassavaat akuerissallugillu, kisianni allannguutissaqarpat ataatsimiinnermi aalajangiisoqartassaaq.Suleriaasissaq imaassaaq: Oqaasileriffimmit oqaatsit sukumiisumik suliarineqartassapput, taakkulu takussutissartalerlugit Oqaasiliortunut ingerlateqqinneqartassallutik. Oqaasiliortullu pisussaaffigissavaat Oqaasileriffimmiit siunnersuutigineqartut akuerissanerlugit imaluunniit isumaqataanngikkunik ataatsimiinnermi eqqartussallugit.
- Oqaasiliortunut saaffiginnissutit:
a) eqqumiitsuliortoq, eqqumiitsuliorneq:
Inatsisartut Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliaata saaffiginnissutigaa oqaaseq ‘eqqumiitsuliorneq’ oqaatsimik ‘pinngorartitsinermik’ taarseraanni pitsaanerunnginnersoq. Oqaasiliortut aalajangiuppaat oqaaseq ‘eqqumiitsuliortoq’ akuerisaallunilu nalinginnaasumik atugaammat allanngortinneqassanngitsoq .b) anorit sammivii:
Oqaaseq ‘aqqarsarneq’ KNR TV-mi silassami atorneqarsimasoq allagineqarsimavoq. KNR-imut inassutigineqassaaq anorit taaguutaat akuerisat tamatigut atorneqartaqqullugit, silassartartullu taaguutinik allangortiterisannginnissaat isumageqqullugu .c) anorit natsimassusii: (skala misissorneqareerpat ataatsimiissutigeqqinneqassaaq)
Den internationale vindskala Anorit natsimassusiisa taaguutaat naalagaaffiit akuerisaanniittoq aammalu Beaufort skala assigiinnersut misissorluariarluguInternationale Vindskalami nutartikkat kalaallisut nutarterneqassapput.Ataatsimiinnissamulli tullermut eqqartugassanngortinneqarpoq.d) empati aamma sympati
Katersani empati ajunngitsumik nutserneqarsimavoq ordboginilu sympati aamma ajunngitsumik nutserneqarsimalluni.
empati = misigeqataaneq (Perorsaanermi taaguutsit, 2003)
sympati = iluarinninneq (Oqaasersiuut, 2012)
medfølelse = misigeqatiginninneq (Oqaasersiuut, 2012)e) national stadion:
Saaffiginnittumit inassutigineqarpoq nationalstadion kalaallisut taaguuserneqassasoq ‘nunatta arsaattarfissua’. Ataatsimiinnissamut tullermut Oqaasileriffik siunnersuuteqassaaq. - Taasariaqartut allat:
Ataatsimeeqqinnissamut ulluliineq:
Ataatsimiinnissaq tulleq pissaaq sap. ak. 7-imi.b) Ilaasortanit taasariaqartut allat:
Oqaasiliortut kissaatigaat bilagini najoqqutarisat suminngaanneerneri ilaasassasut (kildeangivelse).
Oqaasiliortut siulittaasuat Allatsi
Bolatta M. Vahl Minik Jeremiassen