Oqaasiliortut 2020 -1 (gl)

OQAA – 260220 (gl)

Oqaasiliortut ataatsimiinnerat pingasunngornermi 26.02.2020 nal. 9.30-12.00.

 

Peqataasut:

Oqaasiliortut: Mariia Simonsen, Karen Ramsøe & Hans Kristian Olsen
Oqaasileriffimmit: Lisathe Møller, Katti Frederiksen & Ane-Mette Broberg Damgaard

Peqataanngitsut:

Knud Møller aamma Juaaka Lyberth peqquteqartumik pisinnaannginnamik ataatsimeeqataanngillat.

 

1. Oqaluuserisassat ima isikkoqartillugit akuerineqarput

1. Oqaluuserisassat akuerineqarnerat
2. Kingullermik ataatsimiinnermit imaqarniliap akuerineqarnera
3. Siulittaasumit Oqaasileriffimmillu ilisimatitsissutit
4. Siulittaasup tullissaanik qinersineq, suleriaaseq § 2
5. Aalajangiivigisassat:
6. Atsiiniarnermi najoqqutassat nutarternissaannik siunnersuut
7. Aqqit akuerisat suiaassusersorneqarnerisa iluarsaanneqarnissaat
8. Aternik qinnuteqaatini allaffissornikkut periusissamik allannguinissamik siunnersuut
9. Kalaallisut taaguusigassat:
   1. falsk brev
   2. oqaasiliaq ‘avilortariaq‘ akuerineqassava?
   3. isikkamik arsannermi taaguusersuutit 563-it akuerineqarnerat
   4. curlingforældre
10. Suliat allat pillugit ilisimatitsineq
    1. Aqqit ataatsimiinnermit kingullermit saaffiginnissutigineqartut
11. Ataatsimiinnissap tulliata ullulerneqarnera
12. Tamalaat

 

Imaqarniliaq

2. Kingullermik ataatsimiinnermit imaqarniliap akuerineqarnera

Decembarip 17-ianni 2019-imi ataatsimiinnermit imaqarniliaq taaguutinik misissoqqaagassaqarnera peqqutigalugu akuerineqanngikkallarpoq

3. Siulittaasumit Oqaasileriffimmillu ilisimatitsissutit

Oqaasileriffimmit ilisimatitsissutit tusaatissatut tiguneqarput.

4. Siulittaasup tullissaanik qinersineq, suleriaaseq § 2

Kinguartinneqarpoq.

5. Aalajangiivigisassat:

a. Atsiiniarnermi najoqqutassat ilaat ima allassimagaluartoq: ‘Siuliaqutit tallimanit amerlanerussanngillat’ allanngortinneqarpoq ima:
‘Siuliaqutit tallimanit amerlanerunissaat inassutigineqanngilaq’. Allanngortitsinermut pissutaavoq aqqit pillugit inatsimmi siuliaqutit
qassiunissaannik allassimasoqanngimmat, taamaattumillu tallimanit amerlanerussanngitsut malittarisassani peqqussutigineqarsinnaanani.
Taamaattoq inassutigineqarsinnaavoq tallimanit amerlanerussanngitsut.

b. Aqqit akuerisat suiaassusersorneqarnerisa iluarsaanneqarnissaat.

i. Aterni akuerisatut nalunaarsukkani aqqit kikkunnit aterineqarsinnaanerisa nalunaarsornissaannik (suiaassusersorneqarnissaannik) Oqaasiliortut Oqaasileriffimmut pisinnaatitsipput. Tamatumani pineqarpoq ateq nukappiaqqamit, niviarsiaqqamit imaluunniit tamanit aterineqarsinnaanersoq. Suliaq naammassippat Oqaasiliortunut saqqummiunneqassaaq.

c. Aternik qinnuteqaatit allaffissornikkut suliarineqartarnerisa allannguutissaanik siunnersuut.

i.  Oqaasileriffik Oqaasiliortunit pisinnaatinneqarpoq aqqit qinnutigineqartut, aternik akuersisarnermut malittarisassanik assortugassaanngitsumik unioqqutitsisut, soorlu allattaatsimut uniuuttumik allassimasut, ingerlaannaq itigartissinnaalissagai. Aqqit ataatsimiinnermit kingullermit saaffiginnissutigineqartut allattorsimaffiannut ilanngullugit Oqaasiliortunut ilisimatitsissutigineqartassapput.

 6. Kalaallisut taaguusigassat:

a. falsk brev
Kalaallisut taaguuserneqarpoq: allagaq peqquserluut.

b. oqaasiliaq ‘avilortariaq‘ akuerineqassava?
Oqaasiliortut aalajangerpaat spilledåse qanoq kalaallisut taaguuserneqassanersoq Facebookikkut siunnersuuteqartitsinikkut ingerlanneqaqqaassasoq

c. Isikkamik arsaannermi taaguusersuutit 563-it akuerineqarnerat
Kinguartinneqarpoq suli iluarsisassaqarmat.

d. curlingforældre, qass. curlingforældre

i. kalaallisut taaguuserneqarpoq: nammalluni perorsaasoq (qass. nammallutik perorsaasut).

ii. curlingbarn kalaallisut taaguuserneqarpoq: nammallugu perorsagaq (qass. nammallugit perorsakkat).

7. Suliat allat pillugit ilisimatitsineq

Aqqit ataatsimiinnermit kingullermit saaffiginnissutigineqartut.

i. Ava nukappiaqqat aqqattut akuerisaareersoq saaffiginnissutigineqarpoq 16/12-19.

ii. Duuda niviarsiaqqat aqqattut qinnutigineqartoq itigartitsissutigineqarpoq 17/12-19.
Allamiut aqqannit pilerfeqarpat Kirkeministeriamut qinnutigineqarsinnaanera innersuussutigineqarpoq. Tuuta niviarsiaqqat aqqattut akuerisaniittoq aamma taarsiullugu atsiunneqarsinnaasoq ilisimartitsissutigineqarpoq.

iii. Rosing niviarsiaqqat aqqattut qinnutigineqarsimasoq Kirkeministeriamit Oqaasileriffimmut tusarniaassutigineqarpoq. Siuliaqutaanani naggataammat Kirkeministeriap itigartitsissutigaa.

iv. Mouni niviarsiaqqat aqqattut qinnutigineqartoq Kirkeministeriamut innersuunneqarpoq.

v. Sorannguaq niviarsiaqqanit nukappiaqqanillu aterineqarsinnaasutut Oqaasiliortunit tamarmiusunit akuersissutigineqarpoq 3/2-20.

vi. Aajoora niviarsiaqqanit nukappiaqqanillu aterineqarsinnaasutut Oqaasiliortunit tamarmiusunit akuersissutgineqarpoq 4/2-20.

vii. Anorinnguaq niviarsiaqqanit nukappiaqqanillu aterineqarsinnaasutut Oqaasililiortunit tamarmiusunit akuersissutigineqarpoq 14/2-20.

viii. Ernitsiaq nukappiaqqat aqqattut qinnutigineqartoq Oqaasiliortut tamarmiullutik akuersissutigaat 21/2-20.

8. Ataatsimiinnissap tulliata ullulerneqarnera.

Oqaasiliortut isumasiorneqassapput ullut uku arlaat ataatsimiiffiusinnaanersut:

• Sisamanngorneq 26/3-20, nal. 9.30-14.00,
• Pingasunngorneq 1/4–20Oqaasiliortut ataatsimiinnerat pingasunngornermi 26.02.2020 nal. 9.30-12.00.

9. Tamalaat.

 

Ataatsimiinnermi peqataasut:

Mariia Simonsen, siulittaasoq

Karen Ramsøe, ilaasortaq

Hans Kristian Olsen, ilaasortaq

 

Ataatsimeeqataanngitsut imaqarniliaq atuarsimallugu uppernarsarpaat:

Juaaka Lyberth, ilaasortaq

Knud Møller, ilaasortaq