Oqaasiliortut 2020 – 7 (gl)

OQAA – 051120 (gl)

Oqaasiliortut 5/11-2020 ataatsimiinnerannit imaqarniliaq

 

Peqataasut:

Oqaasiliortut: Mariia Simonsen (siulittaasoq), Karen Ramsøe (siulittaasup tullia), Knud Møller, Hans Kristian Olsen & Camilla Kleemann-Andersen
Oqaasileriffimmit: Lisathe Møller

Oqaluuserisassat:

1. Oqaluuserisassat akuerineqarnerat.
2. Kingullermik ataatsimiinnermit imaqarniliap akuerineqarnera.
3. Siulittaasumit Oqaasileriffimmillu ilisimatitsissutit.
   1. Oqaasileriffimmit ilisimatitsissutit
4. Suliat allat pillugit ilisimatitsineq
   1. Inuit aqqi pillugit saaffiginnissutit
5. Suliat allat:
   1. Oqaasiliortut sulineranni periusissiassaq (strategi)
   2. Taaguusersuutinik suliaqarnermi suleriaatsit periaatsillu
   3. Deloittep nalunaarusiaata tusarniaassutigineqartup oqaaseqarfiginissaa
6. Kalaallisut taaguusigassat:
   1. Allamiut uumasuisa kalaallisut taaguutaasa akuerineqarnissaat?
   2. Isikkamik arsarnermi taaguusersuutit akuerineqarnissaat
7. Ataatsimiinnissap tulliata ullulerneqarnera.
8. Tamalaat

Imaqarniliaq

1. Oqaluuserisassat akuerineqarnerat

Oqaluuserisassat taamaatsillugit akuerineqarput.

2. Kingullermik ataatsimiinnermit imaqarniliap akuerineqarnera.

8/10-2020 ataatsimiinnermit imaqarniliaq akuerineqarpoq.

3. Siulittaasumit Oqaasileriffimmillu ilisimatitsissutit.

Oqaasiliortuni siulittaasup ilisimatitsissutaa tunngavigalugu KNR-imik suleqateqarneq Oqaasiliortut tulliani ataatsimiilerpata qaqeqqinneqassasoq aalajangerneqarpoq.

4. Suliat allat pillugit ilisimatitsineq
   1. Inuit aqqi pillugit saaffiginnissutit tusaatissatut tiguneqarput.

Ataatsimiinnerup kingulliup kingorna ateq ataaseq Oqaasiliortunit akuersissutigineqartoq tassaavoq nukappiaqqat aqqat Alloraq. Oqaasiliortuni ilaasortat tallimat tamarmiullutik akuerivaat.

5. Suliat allat:
   1. Oqaasiliortut sulineranni periusissiassaq (strategi)

Oqaasiliortut periusissiornerata nanginneqarnissaanik Oqaasileriffik pilersaarusiussaaq.

1. 1. Taaguusersuutinik suliaqarnermi suleriaatsit periaatsillu
      Taaguusersuutinik suliaqarnermi suleriaaseq Lisathep suliaa naalisarlugu najoqqutassatut suliarineqassaaq.
   2. Deloittep nalunaarusiaata tusarniaassutigineqartup oqaaseqarfiginissaa
      Oqaasiliortut siulittaasuat Deloittep nalunaarusiaata tusarniaassutigineqarneranut akissutissamik siunnersuuteqassaaq.

6. Kalaallisut taaguusigassat:

1. 1. Allamiut uumasuisa kalaallisut taaguutaasa akuerineqarnissaat
      Nunani allani uumasut ordbogini allani qanoq taaguuteqartinneqarnersut nalunaarsorneqareerpata suliaq nanginneqassaaq.
   2. Isikkamik arsarnermi taaguusersuutit akuerineqarnissaat
      Isikkamik arsarnermi taaguutit makku akuerineqarput:

fairplay pokal	ileqqorissaarnerpaap pokalia
fairplay-spiller	Ileqqorissaarnerpaaq
farligt spil	sakkortuuliorneq
FIFA	FIFA
fighter	akiuulluartoq
finale	ajugaaniutivinneq

7. Ataatsimiinnissap tulliata ullulerneqarnera.

Sisamanngorneq 19/11-2020 nal. 10-14 ataatsimiiffiussaaq.

8. Tamalaat.

Isumaqatigiissutigineqarpoq Ilimmarfiup allineqarnissaanik suliniummut Oqaasileriffiup ilanngunnissaa anguniarlugu siulittaasoq aamma HKO Ilisimatusarfimmut saaffiginnissasut.

 

Ataatsimiinnermi peqataasut:

Mariia Simonsen, siulittaasoq

Karen Ramsøe, siulittaasup tullia

Hans Kristian Olsen, ilaasortaq

Knud Møller, ilaasortaq

Camilla Kleemann-Andersen, ilaasortaq