Oqaasiliortut 19/11-2020 ataatsimiinnerannit imaqarniliaq
Peqataasut:
Oqaasiliortut: Mariia Simonsen (siulittaasoq), Karen Ramsøe (siulittaasup tullia), Knud Møller, Hans Kristian Olsen & Camilla Kleemann-Andersen
Oqaasileriffimmit: Lisathe Møller & Beatrine Heilmann
Oqaluuserisassat:
- Oqaluuserisassat akuerineqarnerat.
- Kingullermik ataatsimiinnermit imaqarniliap akuerineqarnera.
- Siulittaasumit Oqaasileriffimmillu ilisimatitsissutit.
a. Oqaasileriffimmit ilisimatitsissutit - Suliat allat pillugit ilisimatitsineq
a. Inuit aqqi pillugit saaffiginnissutit - Suliat allat:
a. Oqaasiliortut akuerisaat oqaaseqatigiilerinikkut kukkunillit aaqqinneqarnissaannut Oqaasileriffiup pisinnaatinneqarnissaminik kissaateqarnera - Kalaallisut taaguusigassat:
a. Isikkamik arsaannermi taaguutit akuereriikkat naqqinneqaqqusat
b. Isikkamik arsaannermi taaguusersuutit akuerineqarnissaat - Ataatsimiinnissap tulliata ullulerneqarnera.
- Tamalaat.
Imaqarniliaq
- Oqaluuserisassat akuerineqarnerat
Oqaluuserisassat taamaatsillugit akuerineqarput.
- Kingullermik ataatsimiinnermit imaqarniliap akuerineqarnera.
5/11-2020 ataatsimiinnermit imaqarniliaq akuerineqarpoq.
- Siulittaasumit Oqaasileriffimmillu ilisimatitsissutit.
Oqaasiliortut sulinerannut tunngatillugu periusissiami (strategimi) maannakkut suliarineqaleruttortumi taaguusersuutinik suliaqarnermi suliarineqareersimasut, suliat ingerlanneqartut taaguusersuutinillu suliaqarnermi suliassaalerumaartussatut nalunaarsugaatigineqartut Oqaasiliortunut takusassianngorlugit suliarineqassapput. Taamaaliornikkut Oqaasiliortut taaguusersuutinik suliaqarnerminni pingaarnersiuinissartik takusassiarineqartut aallaavigalugit nalilersoriaannanngussavaat.
- Suliat allat pillugit ilisimatitsineq
a. Inuit aqqi pillugit saaffiginnissutit tusaatissatut tiguneqarput.
Ataatsimiinnerup kingulliup kingorna ateq ataaseq Oqaasiliortunit akuersissutigineqartoq tassaavoq nukappiaqqat aqqat Aarnu. Oqaasiliortuni ilaasortat tallimat tamarmiullutik akuerivaat.
- Suliat allat:
a. Oqaasiliortut akuerisaat oqaaseqatigiilerinikkut kukkunillit aaqqinneqarnissaannut Oqaasileriffiup pisinnaatinneqarnissaminik kissaateqarnera
Oqaasileriffiup taaguutinik Oqaasiliortut akuereriigaannik oqaaseqatigiilerinikkulli kukkunilinnik iluarsartuussinissamik Oqaasileriffiup kissaataa Oqaasiliortunit akuerineqarpoq. Oqaasileriffiup aaqqitai Oqaasiliortunut ilisimatitsissutitut takusassiarineqartassapput.
- Kalaallisut taaguusigassat:
a. Isikkamik arsaannermi taaguutit akuereriikkat naqqinneqaqqusat
Isikkamik arsaannermut tunngatillugu akuerineqareersut Oqaasileriffimmit naqqittariaqartutut innersuussutigineqartut
-
- bolderobring ima akuerineqartoq: arsaarineq allanngortinneqarpoq ima: arsaarsineq
- dribling ima akuerineqartoq: arsamik ingerlatsineq allanngortinneqarpoq ima: qaangiineq.
b. Isikkamik arsaannermi taaguusersuutit akuerineqarnissaat
Isikkamik arsaannermi taaguutit makku akuerineqarput:
| finale/finalekamp | ajugaaniutivinneq |
| finalenederlag | ajugaaniutivinnermi ajorsarneq |
| finalerunde | ajugaaniutivinnermi unammisaqattaarnerit |
| finalesejr | ajugaaniutivinnermi ajugaaneq |
| finte | salloqittaariarneq |
| fistning | assammik peersineq |
| flad bold | arsaq atsiartukkoortoq |
| fløjte, vb. | siggarpoq |
| fløjte, pron. | siggartaat |
| fløjt | siggarneq |
- Ataatsimiinnissap tulliata ullulerneqarnera.
Sisamanngorneq 3/12-2020 nal. 13-16 ataatsimiiffiussaaq.
- Tamalaat.
Ataatsimiinnermi peqataasut:
Mariia Simonsen, siulittaasoq
Karen Ramsøe, siulittaasup tullia
Hans Kristian Olsen, ilaasortaq
Knud Møller, ilaasortaq
Camilla Kleemann-Andersen, ilaasortaq