Oqaasiliortut 2022 – 6 (gl)

OQAA – 270422

OQAASILIORTUT ATAATSIMIINNERAT

– pingasunngorneq 27/04-2022, nal. 13-16, Oqaasileriffimmi

PEQATAASUT Oqaasiliortunit

• Mariia Simonsen (siulittaasoq), Karen Ramsøe (siulittaasup tullia), Dorthe Kielsen, Ono Fleischer aamma Abia Abelsen

Oqaasileriffimmit

• Beatrine Heilmann (allatsi)

Ilinniartitaanermut Aqutsisoqarfimmit matematikkimik ilisimasallit

• Karla Petrussen, Nauja Karlsen aamma Evi Kreutzmann

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (06/04-2022) imaqarniliap akuerineqarnera
3. Suliat aalajangiiffigisassat suliarineqarnerat
   1. Matematikkimi taaguusersuutit
4. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
5. Kalaallit aqqinik siulequtaasunik akuereqquneqartunik suliaqarneq
6. Ilaasortanit siunnersuutinik suliaqarneq
   1. Naqinnerit kalaallisut allattaatsimiinngitsut allannermi ataasiakkaanit ilanngunneqartarnerisa qanoq iliuuseqarfigisinnaanerat pillugu oqallinneq
      2. Kalaallisut oqaatsitta killiffiat pillugu oqallinneq
      3. Radiukkut tv-kkullu aallakaatitsisarneq pillugu Inatsitsartut inatsisaata allanngortinneqarnissaa pillugu tusarniaaneq
7. Suliat allat pillugit ilisimatitsineq
   1. Inuit aqqi pillugit saaffiginnissutit
8. Ataatsimiinnissap tulliata ullulerneqarnera
9. Tamalaat

  IMAQARNILIAQ                      

1. Oqaluuserisassat akuerineqarnerat

Oqaluuserisassat allanngornagit akuerineqarput.

2. Kingullermik ataatsimiinnermit (06/04-2022) imaqarniliap akuerineqarnera

Kingullermik ataatsimiinnermit imaqarniliaq akuerineqarpoq.

3. Suliat aalajangiiffigisassat suliarineqarnerat
   1. Matematikkimi taaguusersuutit

Matematikkimi taaguusersuutit 27/04-2022-mi ataatsimiinnermi akuerineqartut

Qallunaatut	Qallunaatut isumaqataa	Kalaallisut
2. akse	y-akse; ordinatakse; andenakse;	ordinatakse; kanaartat aappaat;
andenakse	y-akse; ordinatakse; 2. akse	ordinatakse; kanaartat aappaat
andenkoordinat	ordinat	naleqqat aappaat; ordinat
klassisk geometri	Euklidisk geometri	tunngaviusumik geometrii
undersøge		misissorpaa
undersøgelse		misissuineq
ustandardiset måleenhed		uuttuut missingersuut
uægte brøk		avitaviunngitsoq
valuta	kurs	aningaasap nalinga; kursi
valuta		nunap aningaasai
valutakurs		nunap aningaasaasa nalingat;
vandret		toqqissoq
vandret flade		toqqinnersaq
variabel		allanngorarsinnaasoq
variationsbredde		nalit nikerarfiat
vertikal	lodret	napparissoq
vinkel		qiverneq
vinkelben		qivernerup niuusai
vinkelhalveringslinje		titarneq qivernerup qeqqaniittoq
vinkelmåler		qivernersiut
vinkelret	ortogonal; retvinklet	teqeqqorissoq
vinkelspids		qiverfik
vinkelsum		qivernerit katinnerat
volumen		imartussuseq;
vægt		oqimaalutaavik
vægt		oqimaassuseq
vægtfylde		tangertussuseq
vækst		amerliartorneq; annertusiartorneq
væksttabel		amerliartornermut tabeli; annertusiartornermut tabeli
værdi		nalik
værdimængde		eqimattat nalingat
x- værdi		x-ip nalinga
x-akse	abscisseakse; 1. akse; førsteakse	kanaartaq siulleq; abscisseakse
y-akse	ordinatakse; 2. akse; andenakse	ordinatakse; kanaartat aappaat
y-værdi		y-p nalinga
ægte brøk		avitavik
ægte delmængde		eqimattaqatigiiffik
øjental		immeraatip isai; terningip isai
øvre kvartil		kvartili qulleq
åben kurve		naleqqiiffimmi titartugaq ammasoq
åbent interval		intervali ammasoq
åbent udsagn		taamaanneragaq ammasoq

4. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit tusaatissatut tiguneqarput.

5. Kalaallit aqqinik siulequtaasunik akuereqquneqartunik suliaqarneq

Nukappiaqqanut atertut akuerineqartoq: Tuutu (05/04-2022 akuerineqarpoq).

6. Ilaasortanit siunnersuutinik suliaqarneq
   1. Naqinnerit kalaallisut allattaatsimiinngitsut allannermi ataasiakkaanit ilanngunneqartarnerisa qanoq iliuuseqarfigisinnaanerat pillugu oqallinneq

Naqinnerit kalaallisut allattaatsimi ilaanngitsut, soorlu naqinneq d aamma h, kalaallisut sumiorpaluutit ilaanni allassimasuni siumugassaasalerput, taman-nalu pillugu Oqaasiliortut piffissaq sivisunerusoq atorlugu eqqartorneqartussan-ngorlugu ataatsimiinnerup tulliani oqaluuserisassatut aalajangerpaat. Tamatuma oqaluuserineqarnissaani pingaarnertut oqaluuserineqartussaq tassaassaaq naqinnerit kalaallisut allattaatsimi ilaanngitsut atorneqaleriartornerat Oqaasiliortunit unitsinniarneqassanersoq imaluunniit akuerineqassanersoq.

b. Kalaallisut oqaatsitta killiffiat pillugu oqallinneq

Kalaallisut oqaatsitta killiffiat pillugu Oqaasiliortut sukumiinerusumik eqqartueqatigiissallutik aalajangerput. Ataatsimiinnissap tulliani piffissami sivisunerusumi tamanna eqqartorneqartussanngorlugu oqaaluuserisassanngor-tinneqarpoq.

c. Radiukkut tv-kkullu aallakaatitsisarneq pillugu Inatsitsartut inatsisaata allanngortinneqarnissaa pillugu tusarniaaneq

Tusarniaanermut akissusiornermi ilanngutassatut eqqartukkat: Atuisunut siunnersuisoqatigiit (inatsimmi § 33.) atorunnaarsinneqartussatut siunnersuutigineqartut tassaagaluarput naalaartartut isiginnaartartullu sunniuteqarnissaannut periarfissaq, iluatsippallaarsimanngitsorli. Inatsisissatut siunnersuummi atuisunut siunnersuisoqatigiinnut taarsiullugu ilanngunneqarpoq KNR-ip aallakaatitassiortarneq pillugu innuttaasunik soqutigisalinnillu attuumassutilinnik oqaloqateqartarnermik qulakkeerinninnissaanik pisussaaffeqalernissaa (inatsimmi § 26.), oqaloqateqartarnerulli qanorpiaq ingerlanneqartarnissaa ilanngunneqarani, KNR-ip nammineq ilusiligassaatut siunnersuutigineqarluni. Kissaatiginarpoq inatsimmi pisussaaffinngortussatut allassimalersussaq erseqqinnerussasoq ilaneqassasorlu atuisunut siunnersuisoqatigiinnut taarsersiullugu allamik periarfissamik naalaartartut isiginnaartartullu sunniuteqarnerusinnaaffiannik. Naalaartartut isiginnaartartullu sunniuteqarfigisinnaasaat allat tassaasinnaapput KNR-ip siulersuisuinut naalaartartunit ilaasortaatitaqalerneq, imaluunniit naalaartut saaffigisinnaasaannik – KNR-imut attuumassuteqanngitsumik, KNR-imulli naalaartartut sinnerlugit saaffiginnissuteqarlunilu siunnersuuteqartartussamik pilersitsinikkut. Taassuma naalaartartut siunnersuutaat, isorisaat naqqitassaallu tunngavigalugit, kiisalu radiumi tv-milu nutaarsiassaqartitsinermi najoqqutassanik uniuisoqarsimappat ileqqorissaarnermulluunniit najoqqutassat sanioqqullugit iliortoqarsimappat naalaartartut sinnerlugit KNR-imut allagaqassaaq iluarsisariaqartut siunnersuutillu pillugit.

7. Suliat allat pillugit ilisimatitsineq
   1. Inuit aqqi pillugit saaffiginnissutit tusaatissatut tiguneqarput.

8. Ataatsimiinnissap tulliata ullulerneqarnera

Ulloq pingasunngorneq 04/05-2022, nal. 13.00 – 16.00, tulliani ataatsimiiffiussaaq Oqaasileriffimmi ingerlanneqartussaq.

9. Tamalaat

Tamalaanut ilanngussassanik soqanngilaq. Ataatsimiinnermi peqataasut:

Mariia Simonsen (siulittaasoq)

Karen Ramsøe (siulittaasup tullia)

Dorthe Kielsen (ilaasortaq)

Abia Abelsen (ilaasortaq)

Ono Fleischer (ilaasortaq)