Oqaasiliortut 2022 – 8 (gl)

OQAA – 240622

Oqaasiliortut ataatsimiinnerat

– tallimanngorneq 24/06-2022, nal. 13-16, Oqaasileriffimmi

Peqataasut Oqaasiliortunit

• Karen Ramsøe (siulittaasup tullia), Dorthe Kielsen, Ono Fleischer aamma Abia Abelsen. Mariia Simonsen (siulittaasoq) peqquteqarluni peqataanngilaq.

Oqaasileriffimmit

• Beatrine Heilmann (allatsi)
• Minik Jeremiassen (arsaannermi taaguusersuutinik suliaqartoq)

Oqaluuserisassat

1. Oqaluuserisassat akuerineqarnerat
2. Kingullermik ataatsimiinnermit (08/06-2022) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
   2. Siulittaasumit ilisimatitsissutit
4. Suliat aalajangiiffigisassat suliarineqarnerat
   1. Taaguusersuuserineq

Arsaannermi taaguusersuutinik aalajangersaaneq

5. Kalaallit aqqinik siulequtaasunik akuereqquneqartunik suliaqarneq
6. Ilaasortanit siunnersuutinik suliaqarneq
   1. Kalaallisut aqqinik akuersisarnermi najoqqutassanik aalajangersaaneq Tunumiusut aterni naqinnerup d-p aamma avanersuarmiusut aterni naqinnerup h-p periarfissatut attatiinnarneqarnissaannik atorunnaarsinneqarnissaannilluunniit Oqaasiliortut aalajangernissaat
   2. Oqaasiliortut Oqaasileriffik peqatigalugu periusissatut iliuusissatullu pilersaarutaannik nalilersueqqinnermi allannguutissanik aalajangersaaneq

Periusissiami iliuusissatullu pilersaarummi allannguutissatut kissaatit pillugit nalilersuineq allannguutissanillu aalajangersaaneq

7. Suliat allat pillugit ilisimatitsineq
   1. Inuit aqqi pillugit saaffiginnissutit
8. Ataatsimiinnissap tulliata ullulerneqarnera
9. Tamalaat

Imaqarniliaq

1. Oqaluuserisassat akuerineqarnerat

Oqaluuserisassat allanngornagit akuerineqarput.

2. Kingullermik ataatsimiinnermit (08/06-2022) imaqarniliap akuerineqarnera

Kingullermik ataatsimiinnermit imaqarniliaq akuerineqarpoq.

3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit

Oqaasileriffimmit ilisimatitsissutit tusaatissatut tiguneqarput.

4. Suliat aalajangiiffigisassat suliarineqarnerat
   1. Taaguusersuuserineq

Arsaannermi taaguusersuutinik aalajangersaaneq Oqaasiliortut ataatsimiinnerminni aalajangerput isikkamik-arsarneq atorunnaarsillugu taamaallaat arsaanneq akuerisanut ilanngutissasoq qallunaatut taaguutip fodbold-ip kalaallisoortaatut. Tamanna pillugu siornatigut aalajangersakkat isikkamik-arsarnermik ilaqartut atorunnaarsinneqarput arsaannermillu ilallit kisimik akuerisatut aalajangersarneqarlutik. Arsaannermi taaguutit atorunnaarsinneqartut

Qallunaatut	Kalaallisut taaguutit akuerisat 24.06.2022-mi atorunnaarsinneqartut
fodboldfan	isikkamik-arsaattuleritooq (akuerisaq: 07.01.2021)
fodboldfolk	isikkamik-arsarnermik soqutigisallit (akuerisaq: 07.01.2021)
fodboldforbund	isikkamik-arsartartut kattuffiat (akuerisaq: 07.01.2021)
fodboldglad	isikkamik-arsarnermik nuannarisaqarneq; arsaannermik nuannarisaqarneq (akuerisat: 07.01.2021)
byhold	illoqarfiup holdia (akuerisaq: 11.06.2020)
fodboldhold	isikkamik-arsartartoqatigiit (akuerisaq: 07.01.2021)
forsvarende hold	iligiit illersortut (akuerisaq: 14.04.2021)
boldklub	arsaattartut peqatigiiffiat (akuerisaq: 25.05.2021)
fodboldklub	arsaattartut peqatigiiffiat; isikkamik-arsartartut peqatigiiffiat (akuerisat: 07.01.2021)
fodboldkommentator	isikkamik-arsartuni oqaluttuusoq (akuerisaq: 07.01.2021)
fodboldlandshold	isikkamik-arsarnermi nunanut allanut unammisartut (akuerisaq: 10.02.2021)
boldførende spiller	arsamik ingerlatsisoq (akuerisaq: 11.06.2020)

  Arsaannermi (fodbold) taaguutit akuerineqartut

Qallunaatut	Qallunaatut taaguutip isumaqataa	Kalaallisut taaguut akuerisaq	Oqaaseqaat
wingback		wingbacki
fodboldbølle		timersortartorpalaanngitsoq
restforsvar		kinguarsimaannartoq	24.06.2022: kalaallisut taaguusernerani akuerineqartoq arsartumut ataatsimut tunngavoq, arsartut arlallit ilamik saassussineranni kinguarsimaannassatillugit qasseersiutinngortinneqassaaq (kinguarsimaannartut)
restangreb		siuarsimaannartoq	24.06.2022: kalaallisut taaguusernerani akuerineqartoq arsartumut ataatsimut tunngavoq, arsartut arlallit saassussiffigineqartillutik siarsimaannassatillugit qasseersiutinngortinneqassaaq (siuarsimaannartut)
fodboldglad		arsaannermik nuannarisaqartoq
byhold		iligiit illoqarfeqatigiit
forsvarende hold		isertitsisitsinaveersaartut
boldholder	boldførende spiller	arsamik paarsisoq
dribler		arsamik ingerlatsillaqqissoq
fodboldklub		arsaattartut klubbiat
målkonge		isertitsigajooq
målmand		målmandi
boldførende spiller	boldholder	arsamik paarsisoq

  Timersornermi (sport) taaguutit akuerineqartut

Qallunaatut	Qallunaatut taaguutip isumaqataa	Kalaallisut taaguut akuerisaq
sportsforening		timersoqatigiiffik
sportshold	hold	iligiit
sportsidiot		timersornermut silaqanngitsoq
boldklub		arsartartut klubbiat
landshold		nunanut allanut unammisartut
kampleder		unamminermik aqutsisoq

Assammik-arsarnermi (håndbold) / arsalerinermi (boldspil) taaguut akuerineqartoq

Qallunaatut	Qallunaatut taaguutip isumaqataa	Kalaallisut taaguut akuerisaq
boldførende spiller	boldholder	arsamik tigumiartoq

5. Kalaallit aqqinik siulequtaasunik akuereqquneqartunik suliaqarneq

Aqqit akuerineqartut:

• Nukappiaqqat aqqi: Dikkattaat (08.06.2022), Massu (13.06.2022)
• Niviarsiaqqap aqqa: Akattaa (15.06.2022)

6. Ilaasortanit siunnersuutinik suliaqarneq
   1. Kalaallisut aqqinik akuersisarnermi najoqqutassanik aalajangersaaneq

Tunumiusut aterni naqinnerup d-p aamma avanersuarmiusut aterni naqinnerup h-p periarfissatut attatiinnarneqarnissaannik atorunnaarsinneqarnissaannilluunniit Oqaasiliortut aalajangernissaat tulliani ataatsimiinnissamut kinguartinneqarpoq.

b. Oqaasiliortut Oqaasileriffik peqatigalugu periusissatut iliuusissatullu pilersaarutaannik nalilersueqqinnermi allannguutissanik aalajangersaaneq

Periusissiami iliuusissatullu pilersaarummi allannguutissatut kissaatit pillugit nalilersuineq allannguutissanillu aalajangersaaneq tulliani ataatsimiinnissamut kinguartinneqarpoq.

7. Suliat allat pillugit ilisimatitsineq
   1. Inuit aqqi pillugit saaffiginnissutit

Inuit aqqi pillugit saaffiginnissutinik ilisimatitsissutit tusaatissatut tiguneqarput.

8. Ataatsimiinnissap tulliata ullulerneqarnera

Pingasunngorneq 17/08-2022 nal. 13-16 tulliani ataatsimiiffiussaaq Oqaasileriffimmi pisussaq.

9. Tamalaat

Soqanngilaq. Ataatsimiinnermi peqataasut:

Dorthe Kielsen (ilaasortaq)

Abia Abelsen (ilaasortaq)

Ono Fleischer (ilaasortaq)

Karen Ramsøe (siulittaasup tullia)

Imaqarniliaq atuarsimallugu uppernarsarpaa:

Mariia Simonsen (siulittaasoq)