Oqaasiliortut 2022-10 (gl)

OQAA – 060922

OQAASILIORTUT ATAATSIMIINNERAT

– marlunngorneq 06/09-2022, nal. 13-16, Oqaasileriffimmi

PEQATAASUT

Oqaasiliortunit

• Mariia Simonsen (siulittaasoq), Karen Ramsøe (siulittaasup tullia), Dorthe Kielsen, Ono Fleischer aamma Abia Abelsen.

Oqaasileriffimmit

• Minik Jeremiassen (allatsi)
• Najannguaq Nielsen (taaguusersuutinik suliaqaqataasoq)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (17/08-2022) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
   2. Siulittaasumit ilisimatitsissutit
4. Suliat aalajangiiffigisassat suliarineqarnerat
   
   1. Taaguusersuuserineq

Oqaasilerinermi taaguusersuutinik aalajangersaaneq

1. 2. Taarsiullugu oqaasilianik aalajangersaaneq

Oqaatsinik eqqussanik kalaallisut taarsiullugit oqaasilianik aalajangersaaneq

5. Kalaallit aqqinik siulequtaasunik akuereqquneqartunik suliaqarneq
6. Ilaasortanit siunnersuutinik suliaqarneq
   
   1. Oqaasiliortut Oqaasileriffik peqatigalugu periusissatut iliuusissatullu pilersaarutaannik nalilersueqqinnermi allannguutissanik aalajangersaaneq

Periusissiami iliuusissatullu pilersaarummi allannguutissatut kissaatit pillugit nalilersuineq allannguutissanillu aalajangersaaneq

7. Suliat allat pillugit ilisimatitsineq
   
   1. Inuit aqqi pillugit saaffiginnissutit
8. Ataatsimiinnissap tulliata ullulerneqarnera
9. Tamalaat

IMAQARNILIAQ

1. Oqaluuserisassat akuerineqarnerat

Imm. 4 imm. 7-ip kingornanut inissinneqarpoq, taamaalillutillu oqaluuserisassat akuerineqarlutik. Oqaasiliortut aalajangerput imm. 4 tassani inissisimajualissasoq taaguusersuuserineq kingulliullugu angusaqarnarnerusarmat.

2. Kingullermik ataatsimiinnermit (17/08-2022) imaqarniliap akuerineqarnera

Kingullermik ataatsimiinnermit imaqarniliaq akuerineqarpoq.

3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit – allakkatigut ilisimatitsissutit tusaatissatut tiguneqarput. Radiukkut minutsimut oqaatsinik paasisitsiniaasaleqqinnissaq Oqaasiliortut iluarilluinnarpaat.
   2. Siulittaasumit ilisimatitsissutit – Kinamiut nutaarsiassaqartitsiviannut apersorneqarnissaraluaq taamaatinneqarpoq tusagassiortut ulapippallaarmata.
      

4. Kalaallit aqqinik siulequtaasunik akuereqquneqartunik suliaqarneq

Soqanngilaq.

5. Ilaasortanit siunnersuutinik suliaqarneq
   
   1. Oqaasiliortut Oqaasileriffik peqatigalugu periusissatut iliuusissatullu pilersaarutaannik nalilersueqqinnermi allannguutissanik aalajangersaaneq

Oqaasiliortut Oqaasileriffik peqatigalugu periusissatut iliuusissatullu pilersaarutaanni 2021-mit 2024-moortumi imm. 4 eqqartorneqarpoq. Tassani Oqaasileriffiup naammassiniagassai pillugit Oqaasileriffiup Oqaasiliortullu isumaqatigiissutaat allassimapput.

Piumasarineqarpoq angusanik nalilersuisoqartassasoq, Oqaasiliortullu innersuussutigaat 2023 nalilersuisarnermi aallarniutigineqassasoq. Nalilersuisarnerup pingaaruteqassusia erserpoq 2021-mi 2022-milu anguniagassatut allassimasut ilaasa anguneqarsimannginnerisigut. Taamaattumik Oqaasiliortut piumasaraat Oqaasileriffiup periusissiami anguneqarsimasut nalilersussagai taaguusersuutinillu Oqaasiliortunit 2023-mi 2024-milu akuerineqartussanik siunnersuusiussasoq.

Qupp. 27-mi allassimavoq Oqaasileriffiup eqqortumik allannissamut malittarisassanik erseqqissaanerit, najoqqutassat ilitsersuutillu nittarsaatissagai. Taassumunnga atatillugu oqaasersiat qanoq allanneqartarnissaannik ilitsersuutit ilanngunneqarnissaat kissaatigineqarpoq.

Qupp. 27-mi allassimavortaaq Oqaasileriffiup nutaarsiassat qaammatikkuutaartumik saqqummersartut – maanna qaammatit pingasukkuutaarneqalersut – aqqutigalugit allattaaseq pillugu ilitsersuutinik sukumiinerusunik ilanngussaqartassasoq.

Taaguusersuutit Oqaasiliortunit akuerineqartut qanoq pineqartarnissaat periusissiami allassimanngimmat periusissiaq nutarterneqalerpat ilanngunneqassaaq.

Oqaasiliortut akuerisaat taaguutit.gl-imiipput Oqaasileriffiullu Katersaanut ilanngunneqartarlutik.

Qupp. 29-mi allassimavoq Oqaasileriffik ordlistinik qangaaniilli ukiorpassuarnilu najoqqutarineqarsimasunik suliffeqarfinnut nutserisoqarfinnullu noqqaassasoq pissarsiarineqartullu Oqaasileriffiup nittartagaatigut saqqummiunneqassasut. Taakkuninnga suliaqarneq sumut killinnersoq Oqaasiortut tusarfigerusuppaat.

Periusissiamik eqqartuinerminni ukiumut nalunaarusiaq 2021-moortoq sanguffigitsiarpaat tassanilu Oqaaserpassualerinermut atatillugu Oqaasileriffiup siunnersuutigisimasai tusarfigerusullugit, pingaartumik kalaallisuumit tuluttuumut nutserusiornissamut tunngasoq.

6. Suliat allat pillugit ilisimatitsineq
   
   1. Inuit aqqi pillugit saaffiginnissutit

Tusaatissatut tiguneqarput. 

7. Suliat aalajangiiffigisassat suliarineqarnerat
   1. Taaguusersuuserineq

Oqaasilerinermi taaguusersuutinik aalajangersaaneq

Oqaasilerinermi taaguusersuutit suliarineqarmata akuerineqartut tassaapput:

Taaguutit tulliani uterfigineqartussat makkuupput:

• • grammatik, ordlære, lingvistik aamma kerneled.

2. Taarsiullugu oqaasilianik aalajangersaaneq

Soqanngilaq.

8. Ataatsimiinnissap tulliata ullulerneqarnera

Ataatsimiinnerup tullia pissaaq 19/09-2022 nal. 13-16 Oqaasileriffimmi.

9. Tamalaat

Soqanngilaq.

Ataatsimiinnermi peqataasut:

• • Mariia Simonsen, siulittaasoq
  • Karen Ramsøe, siulittaasup tullia
  • Ono Fleischer, ilaasortaq
  • Dorthe Kielsen, ilaasortaq
  • Abia Abelsen, ilaasortaq