Grønlands Sprogsekretariat

Main Menu

Oqaasiliortut 2024-6 (gl)

OQAA – 03042024

OQAASILIORTUT ATAATSIMIINNERAT (2024-6)

– pingasunngorneq 03/04-2024, nal. 13-16, Oqaasileriffimmi

PEQATAASUT

Oqaasiliortunit

  • Mariia Simonsen (siulittaasoq), Karen Ramsøe (siulittaasup tullia), Dorthe Kielsen, Ono Fleischer & Abia Abelsen (ilaasortat)

Oqaasileriffimmit

  • Helle Hammeken-Holm (allatsi), Dorthe Egede (inuit aqqinik isumaginnittoq) & Beatrine Heilmann (pisortaq)

OQALUUSERISASSAT

  1. Oqaluuserisassat akuerineqarnerat
  2. Kingullermik ataatsimiinnermit (14/03-2024) imaqarniliap akuerineqarnera
  3. Siulittaasumit Oqaasileriffimmillu ilisimatitsissutit
    1. Oqaasileriffimmit ilisimatitsissutit
    2. Siulittaasumit ilisimatitsissutit
  4. Kalaallit aqqinik siulequtaasunik akuereqquneqartunik suliaqarneq
  5. Suliat aalajangiiffigisassat suliarineqarnerat
    1. Oqaatsinik eqqusanik kalaallisut taartissaannik aalajangersaaneq
      1. Qallunaatut taaguutit aalajangersagassat: positiv rettighed aamma negativ rettighed
    2. Taaguusersuuserineq
      1. Taaguutinik SIPINEQ+-ikkunnit pissarsianik taaguusersuuserineq.
      2. Pinngortitalerinermi taaguusersuutinik aalajangersaaneq.
  6. Ilaasortanit siunnersuutinik suliaqarneq
  7. Suliat allat pillugit ilisimatitsineq
    1. Inuit aqqi pillugit saaffiginnissutit
  8. Avammut nalunaarutissat
  9. Ataatsimiinnissap tulliata ullulerneqarnera
  10. Tamalaat

IMAQARNILIAQ

  1. Oqaluuserisassat akuerineqarnerat
    • Oqaluuserisassat allanngornagit akuerineqarput.
  2. Kingullermik ataatsimiinnermit (14/03-2024) imaqarniliap akuerineqarnera
    • Kingullermik ataatsimiinnermit imaqarniliaq akuerineqarpoq.
  3. Siulittaasumit Oqaasileriffimmillu ilisimatitsissutit
    1. Oqaasileriffimmit ilisimatitsissutit
      • Oqaasileriffimmit ilisimatitsissutit tusaatissatut tiguneqarput.
    2. Siulittaasumit ilisimatitsissutit
      • Siulittaasumit ilisimatitsissutinik soqanngilaq.
  4. Kalaallit aqqinik siulequtaasunik akuereqquneqartunik suliaqarneq
    1. Saaffiginnissutinik soqanngilaq.
  5. Suliat aalajangiiffigisassat suliarineqarnerat
    1. Oqaatsinik eqqussanik kalaallisut taartissaannik aalajangersaaneq:
      1. Qallunaatut taaguutit aalajangersagassat: positiv rettighed aamma negativ rettighed.
        • Sukumiisumik misissuisoqareermat siunnersuutigineqartullu nassuiaataat paasinarmata kalaallisut taaguusiarineqartut akuerineqarput, ima atorneqartussanngorlugit: pisinnaatitaaffik akisussaaffiliisoq (positiv rettighed) aamma pisinnaatitaaffik pituttuinngitsoq (negativ rettighed).
    2. Taaguusersuuserineq
      1. Taaguutinik SIPINEQ+-ikkunnit pissarsianik taaguusersuutit aalajangersaaffigineqarnerat
        • Aalajangersaaffigneqartut tulliuttumi takusassiarineqarput.
Qallunaatut taaguut Kalaallisut taaguut Ulloq akuersiffik
aseksuel atoqateqarusussuseqanngitsoq 03/04-2024
biseksuel tamanoortoq 15/06-2001-imi akuerisaq 03/04.2024-mi atorunnaarsinneqarpoq. Taasiullugu akuerineqarpoq: suiaqatiminoorlunilu suiaqatiginngisaminoortoq 03/04-2024
ciskønnet inunnguutsiminit suiaassutsimisut kinaassusilik 03/04-2024
genderbending suiaassutsimik saqitsineq 03/04-2024
heteroseksuel suiaqatiginngisaminoortoq 03/04-2024
homoseksuel suiaqatiminoortoq 03/04-2024
interkøn inunnguutsiminik suiaassusersiuminaatsoq 03/04-2024
nonbinær suiaassutsinut pituttorsimanngitsoq 03/04-2024
panseksuel tamanoortoq 03/04-2024
transkønnet inunnguuserinngisaminik suiaassusilik 03/04-2024
      1. Pinngortitalerinermi taaguusersuutinik aalajangersaaneq
        • Pinngortitalerinermi taaguusersuutit aalajangersakkat tulliuttumi takusassiarineqarput.

QALLUNAATUT

TAAGUUT

KALAALLISUT

TAAGUUT

 ULLOQ AKUERSIFFIK
fedtfinne sulussugutaasaq 29/02-2024-mi akuerisaq 03/04-2024-mi atorunnaarsinneqarpoq. Taarsiullugu akuerineqarpoq: naparutaasaq 03/04-2024
fekunditet kinguaassisinnaaneq 03/04-2024
fertilitet kinguaassiorsinnaatigissuseq 03/04-2024
fouragering neriniarneq 03/04-2024
fældning mamaarneq (puisit); katanneq (nersutit); isaneq (timmissat) 03/04-2024
fødekæde nerisareqatigiiaarneq 03/04-2024
fænologi uumasut naasullu pissussiannik ilinniarneq 03/04-2024
gen ilalisaat 03/04-2024
gen-sekvens ilalisaatit aaqqissuussaanerat 03/04-2024
genetisk ilalisaat kingornunneqartartoq 03/04-2024
gletcher sermip isuliffia 03/04-2024
gællelåg masiup assiaqutaa 03/04-2024
gællenet masimminniutit 03/04-2024
habitat uummavik 03/04-2024
habitatpræference uummavinnaaq 03/04-2024
halefinne paperoq (aalisakkat); sarpik (arferit) 03/04-2024
handlingsplan iliuusissatut pilersaarut 03/04-2024
havenes forsuring immat seernarsinerat 03/04-2024
havfugl timmiaq imarmioq; timmiaq imarmiu  03/04-2024
havfugleekspert timmissanik imarmiunik ilisimasalik 03/04-2024
hvirveldyr qimerlulik 03/04-2024
hvirvelløs qimerluitsoq 03/04-2024
hvirvelløst dyr; intervertebrat uumasoq qimerluitsoq 03/04-2024
hydrografi immap pissusianik ilisimatusarneq 03/04-2024
indavl qanigisariit kinguaassiornerat 03/04-2024
indavl kingornuttakkatigut assigiissuteqarpallaarneq 03/04-2024
indeks kisitsit ersersitsisoq 03/04-2024
indenskærs sinerissap qanittua 03/04-2024
jagtlovgivning aallaaniarnermut inatsisiliorneq 03/04-2024
jagtterræn; revir piniarfik 03/04-2024
jagttryk piniarneqassuseq 03/04-2024
kemisk affald eqqagassat akoorutissartallit 03/04-2024
  1. Ilaasortanit siunnersuutinik suliaqarneq
    • Soqanngilaq.
  2. Suliat allat pillugit ilisimatitsineq
    1. Inuit aqqi pillugit saaffiginnissutit
      • Inuit aqqi pillugit saaffiginnissutit tusaatissatut tiguneqarput.
  3. Avammut nalunaarutissat
    • LGBT+-ikkunnut tunngasut Facebookikkut nittarsaanneqassapput.
  4. Ataatsimiinnissap tulliata ullulerneqarnera
    • Ataatsimiinnerup tullia pissaaq pingasunngorneq 24/04-2024, nal. 13-16, Oqaasileriffimmi.
  5. Tamalaat
    • Soqanngilaq.

Ataatsimiinnermi peqataasut:

  • Mariia Simonsen (siulittaasoq)
  • Karen Ramsøe (siulittaasup tullia)
  • Dorthe Kielsen (ilaasortaq)
  • Abia Abelsen (ilaasortaq)
  • Ono Fleischer (ilaasortaq)