Oqaasiliortut 2024-7 (gl)

OQAA – 24042024

OQAASILIORTUT ATAATSIMIINNERAT (2024-7)

– pingasunngorneq 24/04-2024, nal. 13-16, Oqaasileriffimmi

PEQATAASUT

Oqaasiliortunit

• Mariia Simonsen (siulittaasoq), Karen Ramsøe (siulittaasup tullia), Dorthe Kielsen, Ono Fleischer & Abia Abelsen (ilaasortat)

Oqaasileriffimmit

• Helle Hammeken-Holm (allatsi) & Beatrine Heilmann (pisortaq)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (03/04-2024) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit.
   2. Siulittaasumit ilisimatitsissutit.
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   1. Taaguusersuuserineq
      1. Pinngortitalerinermi taaguusersuutinik aalajangersaaneq.
6. Ilaasortanit siunnersuutinik suliaqarneq
7. Suliat allat pillugit ilisimatitsineq
   1. Inuit aqqi pillugit saaffiginnissutit.
8. Avammut nalunaarutissat
9. Ataatsimiinnissap tulliata ullulerneqarnera
10. Tamalaat

1.  

IMAQARNILIAQ

1. Oqaluuserisassat akuerineqarnerat
   • Oqaluuserisassat allanngornagit akuerineqarput.
2. Kingullermik ataatsimiinnermit (03/04-2024) imaqarniliap akuerineqarnera
   • Kingullermik ataatsimiinnermit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
      • Oqaasileriffimmit ilisimatitsissutit tusaatissatut tiguneqarput.
   2. Siulittaasumit ilisimatitsissutit
      • Siulittaasumit ilisimatitsissutinik soqanngilaq.
4. Kalaallit aqqinik siulequtaasunik akuereqquneqartunik suliaqarneq
   • Niviarsiaqqat atiattut akuerineqartoq
     • Qiviunnguaq (08.04.24).
   • Nukappiaqqat atiisut akuerineqartut
     • Aqqavaq (09.04.24).
     • Anguasa (22.04.24).
5. Suliat aalajangiiffigisassat suliarineqarnerat
   1. Pinngortitalerinermi taaguusersuutinik aalajangersaaneq
      1. Pinngortitalerinermi taaguusersuutit aalajangersakkat tulliuttumi takusassiarineqarput.

1.  

QALLUNAATUT TAAGUUT	KALAALLISUT TAAGUUT	ULLOQ AKUERSIFFIK
klo	kukik (qaasuttut, terianniat, qimmit, amaqqut, nannut, timmiaaqqat, mitit, tuulliit)	24/04-2024
klo	tigutsit (timmissat, kissaviarsuk, nattoralik, uppik, kiinaaleeraq)	24/04-2024
klo	pussugutaasaq (saattuaq, assagiarsuk, peqquk ilaqutaalu tamaasa ilanngullugit)	24/04-2024
klov; hov	kukiffak (tuttut, umimmaat, savat)	24/04-2024
kondition	uumasup peqqissusia	24/04-2024
konfidensgrænse konfidensinterval	nalorninartumik ersersitsineq	24/04-2024
CITES-konvention	uumasunik nujuartanik naasunillu nungutaaqqajaasunik niuerneq pillugu isumaqatigiissut	24/04-2024
korrektionsfaktor	kisitsit nalimmassaataasoq	24/04-2024
finne	naparutaq (arferit)	24/04-2024
finne	sulussugut (aalisakkat)	24/04-2024
finne	avaleraq (aalisakkat natermiut)	24/04-2024
krill	illeraq	24/04-2024
kråse	timmissap aqajarua	24/04-2024
kro	puiaq	24/04-2024
kvote	pisassiissutit	24/04-2024
levende ressource	pisuussut uumassusilik	24/04-2024
logger	paasissutissanik katersuut; loggeri	24/04-2024
lyslogger; geologger	qaamanersiuut	24/04-2024
model	qarasaasiakkut missiliuut	24/04-2024
modellering	qarasaasiakkut missiuliuineq	24/04-2024
modningsstadie	inerisimassuseq	24/04-2024
monitering	ingerlaavartumik malinnaaffiginninneq	24/04-2024
moniteringsprogram	ingerlaavartumik malinnaaffiginninnermik  pilersaarut	24/04-2024
naturlig dødelighed	nalinginnaasumik toqusoqartarneq	24/04-2024
unaturlig dødelighed	nalinginnaanngitsumik toqusoqartarneq	24/04-2024
næringsstof	uumassutissaq	24/04-2024
oceanografi	imavissualerineq	24/04-2024
oceanograf	imavissualeritooq	24/04-2024
offentlig høring	tamanut ammasumik tusarniaaneq	24/04-2024
organisk stof	sananeqaat uumassusilik	24/04-2024
otolith; øresten	sissik	24/04-2024
øreben	qutuk (aalisakkat)	24/04-2024
øreben	siunnak (inuk)	24/04-2024
ovarium; æggestok	mannissaqarfik	24/04-2024
overfiskeri	aalisapilunneq	24/04-2024
PAM; Passive Acoustic Monitoring	immami nipisiuineq	24/04-2024

6. Ilaasortanit siunnersuutinik suliaqarneq
   • Soqanngilaq.
7. Suliat allat pillugit ilisimatitsineq
   1. Inuit aqqi pillugit saaffiginnissutit
      • Inuit aqqi pillugit saaffiginnissutit tusaatissatut tiguneqarput.
8. Avammut nalunaarutissat
   • Avammut nalunaarutissanik soqanngilaq.
9. Ataatsimiinnissap tulliata ullulerneqarnera
   • Ataatsimiinnerup tullia pissaaq pingasunngorneq 08/05-2024, nal. 13-16, Oqaasileriffimmi.
10. Tamalaat
    • Soqanngilaq.

Ataatsimiinnermi peqataasut:

• Mariia Simonsen (siulittaasoq)
• Karen Ramsøe (siulittaasup tullia)
• Dorthe Kielsen (ilaasortaq)
• Abia Abelsen (ilaasortaq)
• Ono Fleischer  (ilaasortaq)