Oqaasiliortut 2024-14 (gl)

OQAA – 27112024

OQAASILIORTUT ATAATSIMIINNERAT (2024-14)

– pingasunngorneq 27/11-2024, nal. 13:00-16:00, Oqaasileriffimmi

PEQATAASUT

Oqaasiliortunit

• Mariia Simonsen (siulittaasoq), Karen Ramsøe (siulittaasup tullia), Abia Abelsen & Dorthe Kielsen (ilaasortat)

Oqaasiliortunit peqquteqarluni peqataanngilaq

• Ono Fleischer (ilaasortaq)

Oqaasileriffimmit

• Helle Hammeken-Holm (allatsi) & Beatrine Heilmann (pisortaq)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (30/10-2024) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit.
   2. Siulittaasumit ilisimatitsissutit.
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   1. Oqaatsinik eqqussanik kalaallisut taartissaannik aalajangersaaneq
      1. Fælles Offentlig Digital Arkitektur.
   2. Oqaasiliortut 2025-mit 2028-mut periusissiassaata eqqartorneqarnera.
   3. Taaguusersuuserineq
      1. Nunalerinermut, Imminut pilersornermut, Nukissiuutinut Avatangiisinullu Naalakkersuisoqarfimmit Nukissiuutinut Avatangiisinullu immikkoortortaamit silap pissusianut piujuartitsinermullu taaguusersuutinik aalajangersaaneq.
6. Ilaasortanit siunnersuutinik suliaqarneq
   1. Milugiak (tuttup kumaa il.il.)
7. Suliat allat pillugit ilisimatitsineq
   1. Killiffilersuutit – ataatsimiinnerup tulliani aalajangersaaffigineqartussat nassuiaateqarfigineqarnerat.
   2. Inuit aqqi pillugit saaffiginnissutit.
8. Avammut nalunaarutissat
9. Ataatsimiinnissap tulliata ullulerneqarnera
10. Tamalaat 

IMAQARNILIAQ

1. Oqaluuserisassat akuerineqarnerat
   • Oqaluuserisassat allanngornagit akuerineqarput.
2. Kingullermik ataatsimiinnermit (30/10-2024) imaqarniliap akuerineqarnera
   • Kingullermik ataatsimiinnermit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
      • Oqaasileriffimmit ilisimatitsissutit tusaatissatut tiguneqarput.
   2. Siulittaasumit ilisimatitsissutit
      • Siulittaasumit ilisimatitsissutinik soqanngilaq.
4. Kalaallit aqqinik siulequtaasunik akuereqquneqartunik suliaqarneq
   • Nukappiaqqat atiattut akuerineqarpoq
     • Angaangaq (21/11-2024)
5. Suliat aalajangiiffigisassat suliarineqarnerat
   1. Oqaatsinik eqqussanik kalaallisut taartissaannik aalajangersaaneq
      1. Qallunaatut taaguut Fælles Offentlig Digital Arkitektur aalajangersaafigineqarpoq ima kalaallisut taaguuserlugu: Pisortaqarfiit Akimorlugit Digitalimik Aaqqissuussineq (PADA).
   2. Oqaasiliortut 2025-mit 2028-mut periusissiassaata eqqartorneqarnera.
      • Tulliani ataatsimiinnissamut kinguartinneqarpoq
   3. Taaguusersuuserineq
      1. Nunalerinermut, Imminut pilersornermut, Nukissiuutinut Avatangiisinullu Naalakkersuisoqarfimmit Nukissiuutinut Avatangiisinullu immikkoortortaamit silap pissusianut piujuartitsinermullu taaguusersuutaannik aalajangersaaneq.
         • Taaguusersuutit aalajangersakkat: 

Qallunaatut taaguut	Kalaallisut taaguut	Ulloq akuersiffik
fremmedlegeme	allanertaq	27/11-2024
fuldtidsarbejdsstyrke (FTE)	sulisussaqassuseq	27/11-2024
fysisk nedslidning	timikkut nungullarneq	27/11-2024
fødevaresikkerhed	inuussutissaqartuarnissaq	27/11-2024
gap-analyse	ineriartornissamut amigaatinik qulaajaaneq	27/11-2024
god selskabsledelse	ingerlatseqatigiiffimmi aqutsilluarneq	27/11-2024
governance	aqutsineq	27/11-2024
havmiljø	immap qanoq-issusia	27/11-2024
ikke-finansiel rapportering	aningaasartaqanngitsumik nalunaarsuineq	27/11-2024
industrivandkraft	ermup nukinga suliffissuarnoortoq	27/11-2024
industrivandkraftanlæg	ermup-nukissiorfik suliffissuarnoortoq	27/11-2024
klima	silap pissusia	27/11-2024
klimaaftryk	silap pissusianik sunniineq	27/11-2024

6. Ilaasortanit siunnersuutinik suliaqarneq
   1. Milugiak (tuttup kumaa il.il.)
      • Pinngortitaleriffimmit paasisat naapertorlugit milugiak tassaavoq hveps taavalu tuttup kumaa tassaalluni bremse. Paasissutissiisoqarnerani erseqqissaatigineqarpoq bremset tuttumiittartut marluusut. Bremsep aappaata taaguuserneqarnissaa pillugu Oqaasiliortut tulliani ataatsimiinnissaannut siunnersuusiortoqassaaq.
      • Milugiak pillugu Oqaasersiuut 2012-meersumi bremsemik allaqqasoq atorunnaarsinneqassasoq aalajangiunneqarpoq, Oqaatsit 1997-meersumi allaqqareermat hvepsiusoq.
7. Suliat allat pillugit ilisimatitsineq
   1. Killiffilersuutit
      • Killiffilersuutit pillugit Oqaasiliortut nassuiaateqarfigineqarfigineqarput. Tulliani ataatsimiinnermi aalajangiiffigisassanik piareersaasoqassaaq.
   2. Inuit aqqi pillugit saaffiginnissutit
      • Inuit aqqi pillugit saaffiginnissutit tusaatissatut tiguneqarput.
8. Avammut nalunaarutissat
   • Avammut saqqummiussassanik soqanngilaq.
9. Ataatsimiinnissap tulliata ullulerneqarnera
   • Ataatsimiinnerup tullia pissaaq sisamanngorneq 19/12-2024, nal. 13-16, Oqaasileriffimmi.
10. Tamalaat
    • Soqanngilaq.

1.  

Ataatsimiinnermi peqataasut:

• Mariia Simonsen (siulittaasoq)
• Karen Ramsøe (siulittaasup tullia)
• Dorthe Kielsen (ilaasortaq)
• Abia Abelsen (ilaasortaq)
• Imaqarniliaq atuarsimallugu uppernarsarpara:
• Ono Fleischer (ilaasortaq)