Oqaasiliortut 2025-5 (gl)

OQAA – 30042025

OQAASILIORTUT ATAATSIMIINNERAT (2025-5)

– pingasunngorneq 30/04-2025, nal. 13:00-16:00, Oqaasileriffimmi

PEQATAASUT

Oqaasiliortunit

• Mariia Simonsen (siulittaasoq), Karen Ramsøe (siulittaasup tullia) & Dorthe Kielsen  (ilaasortaq)

Oqaasiliortunit peqquteqarlutik peqataanngillat

• Ono Fleischer & Abia Abelsen (ilaasortat)

Oqaasileriffimmit

• Helle Hammeken-Holm (allatsi) & Beatrine Heilmann (pisortaq) & Minik Jeremiassen (atorfilik)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (28/03-2025) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
   2. Siulittaasumit ilisimatitsissutit
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   1. Taaguusersuuserineq
      1. INUIT PISINNAATITAAFFII PILLUGIT SIUNNERSUISOQATIGIINNIT taaguutinik inuit pisinnaatitaaffiinut tunngasunik aalajangersaaneq.
      2. Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfimmit aatsitassanut tunngasunik aalajangersaaneq.
6. Ilaasortanit siunnersuutinik suliaqarneq
7. Suliat allat pillugit ilisimatitsineq
   1. Inuit aqqi pillugit saaffiginnissutit
8. Avammut nalunaarutissat
9. Ataatsimiinnissap tulliata ullulerneqarnera
10. Tamalaat

1. 1.  

IMAQARNILIAQ

1. Oqaluuserisassat akuerineqarnerat
   • Oqaluuserisassat allanngornagit akuerineqarput.
2. Kingullermik ataatsimiinnermit (28/03-2025) imaqarniliap akuerineqarnera
   • Kingullermik ataatsimiinnermit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
      • Soqanngilaq.
   2. Siulittaasumit ilisimatitsissutit
      • Soqanngilaq.
4. Kalaallit aqqinik siulequtaasunik akuereqquneqartunik suliaqarneq
   • Soqanngilaq.
5. Suliat aalajangiiffigisassat suliarineqarnerat
   1. Taaguusersuuserineq
      1. INUIT PISINNAATITAAFFII PILLUGIT SIUNNERSUISOQATIGIINNIT taaguutinik inuit pisinnaatitaaffiinut tunngasunik aalajangersaaneq.
         • Taaguusersuutit aalajangersakkat:

Qallunaatut taaguut	Kalaallisut taaguut	Ulloq akuersiffik
De Forenede Nationer (FN	Naalagaaffiit Peqatigiit; FN	30/04-2025
medlemsstat	naalagaaffik ilaasortaasoq	30/04-2025
medlemsland	nuna ilaasortaasoq	30/04-2025
signatarstat	nuna atsioqataasoq	30/04-2025
De Forenede Nationers Generalforsamling	Naalagaaffiit Peqatigiit Ataatsimeersuarnerat	30/04-2025
komité	misissuititat	30/04-2025
råd	siunnersuisoqatigiit	30/04-2025
Den Europæiske Menneskerettighedsdomstol	Inuit Pisinnaatitaaffii pillugit Europami Eqqartuussivik	30/04-2025
tribunal	eqqartuussivik	30/04-2025
konvention; pagt	angerfigeqatigiissut; isumaqatigiissut	30/04-2025
FN-Pagten	Naalagaaffiit Peqatigiit Angerfigeqatigiissutaat	30/04-2025
FN’s Konvention om Borgerlige og Politiske Rettigheder	Innuttaasutut Politikkikkullu Pisinnaatitaaffiit pillugit Naalagaaffiit Peqatigiit Isumaqatigiissutaat	30/04-2025
FN’s Konvention om Økonomiske, Sociale og Kulturelle Rettigheder	Aningaasarsiornikkut, Inooqatigiinnikkut Kulturikkullu Pisinnaatitaaffiit pillugit Naalagaaffiit Peqatigiit Isumaqatigiissutaat	30/04-2025
FN’s Konvention om Afskaffelse af Alle Former for Racediskrimination	Race tunngavigalugu Assigiinngisitsisarnerit Suulluunniit Atorunnaarsinneqarnissaannik Naalagaaffiit Peqatigiit Isumaqatigiissutaat	30/04-2025
FN’s Konvention mod Tortur og Anden Grusom, Umenneskelig eller Nedværdigende Behandling eller Straf	Naalliutsitsisarnerit Naakkittaatsorujussuarmillu Iliortarnerit, Inuppalaanngitsumik Nikanarsaataasumillu Iliortarnerit Pillaasarnerilluunniit Akiorniarlugit Naalagaaffiit Peqatigiit Isumaqatigiissutaat	30/04-2025
FN’s Konvention om Barnets Rettigheder	Meeqqat Pisinnaatitaaffii pillugit Naalagaaffiit Peqatigiit Isumaqatigiissutaat	30/04-2025
FN’s Konvention om Rettigheder for Personer med Handicap	Inuit Innarluutillit Pisinnaatitaaffii pillugit Naalagaaffiit Peqatigiit Isumaqatigiissutaat	30/04-2025
FN’s Konvention om Afskaffelse af Alle Former for Diskrimination imod Kvinder	Arnat Immikkoortitaasarnerannik Sunilluunniit Atorunnaarsitsinissamik Naalagaaffiit Peqatigiit Isumaqatigiissutaat	30/04-2025
Konventionen om Oprindelige Folk og Stammefolk i Selvstændige Stater	Nunat Inoqqaavi Inuiaallu Naggueqatigiit Naalagaaffinni Namminersortuniittut pillugit Isumaqatigiissut	30/04-2025
deklaration; erklæring	nalunaarut	30/04-2025
FN’s Verdenserklæring om Menneskerettighederne	Inuit Pisinnaatitaaffii pillugit Naalagaaffiit Peqatigiit Nunarsuarmioqatigiinnut Nalunaarutaat	30/04-2025
FN’s Deklaration om Oprindelige Folks Rettigheder	Nunat Inoqqaavisa Pisinnaatitaaffii pillugit Naalagaaffiit Peqatigiit Nalunaarutaat	30/04-2025
resolution	aalajangiussaq	30/04-2025
traktat	atsioqatigiissut	30/04-2025
bilateral traktat	nunat marluk atsioqatigiissutaat	30/04-2025
multilateral traktat	nunat arlariit atsioqatigiissutaat	30/04-2025
artikel	artikeli	30/04-2025
protokol	tapiliussaq	30/04-2025
valgfri protokol	tapiliunneqarsinnaasoq	30/04-2025
forbehold	isumaqatigiissutip ilaanik atuutsitserusunnginneq	30/04-2025
territorialt forbehold	isumaqatigiissutip ilaanik nunap ilaani atuutsitsinnginneq	30/04-2025
menneskerettighedsstandard	inuit pisinnaatitaaffiattut malitassaq	30/04-2025
Verdensmålene	Piujuartitsilluni Ineriartortitsinermi Naalagaaffiit Peqatigiit Anguniagaat; Nunarsuarmi Anguniakkat	30/04-2025
overvågning	malittarinninneq	30/04-2025
håndhævelse	atuutsitsineq	30/04-2025
klagemekanisme	maalaarusiorfissiaq	30/04-2025
individuel klagemekanisme	maalaaruteqarnissamut malitassaq	30/04-2025
rapportering	nalunaarusiorneq	30/04-2025
særlig rapportør	ilisimasalittut nalunaarusiortuutitaq	30/04-2025
ekspertmekanisme	inuit pisinnaatitaaffiinik siunnersuisartut	30/04-2025
talsperson; talsmand	oqaaseqartartoq	30/04-2025

1. 1. • 1. • Aterni naqinnernik angisuunik mikisunillu atuilluni allannissaq pillugu Oqaasiliortut ima aalajangersaapput:
             • Aqqit tamarmik naqinnermik angisuumik aallaqqaaserlugit allanneqartassapput. Qulequttat imaluunniit allaaserisat, atuakkat, isiginnaagassiat, tusarnaagassiat, atuagassiat il.il. aqqi naqinnermik angisuumik aallartillugit allanneqassapput, oqaasertaasali sinneri atiunngikkunik mikisumik aallaqqaaserlugit allanneqassallutik.
             • Suliffeqarfit, meeqqeriviit, atuarfiit, ilinniarfeqarfiit, pisortaqarfiit il.il. aqqi allallu pineqartumut aalajangersimaqqissaartumut atiusut ataatsimit amerlanerusunik oqaasertaqartut oqaasertai pingaarnerit tamarmik naqinnermik angisuumik aallartissapput, oqaatsilli pingaaruteqannginnerusut, soorlu kattutit, siulleqqiutit, ilisarsiniutit allallu oqaaseeqqatut isigineqartut, soorlu makku: pillugit, aamma, tunngatillugu, tunngasoq il.il., mikisumik aallaqqaaserlugit allanneqassapput, ass. Innuttaasutut Politikkikkullu Pisinnaatitaaffiit pillugit Naalagaaffiit Peqatigiit Isumaqatigiissutaat. 
        2. Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfimmit aatsitassanut tunngasunik aalajangersaaneq.
           • • Aalajangersaaffigineqanngillat pissutigalugu inuit pisinnaatitaaffii pillugit suli naammassineqanngimmata.

6. Ilaasortanit siunnersuutinik suliaqarneq
   • Qallunaatut taaguut hjertestarter kalaallisut taaguuteqartinngisaq.
     • Oqaasiliortunit siunnersuuteqartup Oqaasileriffimmit misissukkat nassuiaatigineqartullu erseqqinnerarpai. Oqaasileriffimmit siunnersuutigineqartoq Oqaasiliortunit akuerineqarpoq ima: uummammik aallartitsiniut.
7. Suliat allat pillugit ilisimatitsineq
   1. Inuit aqqi pillugit saaffiginnissutit
      • Tusaatissatut tiguneqarput.
8. Avammut nalunaarutissat
   • Taaguut akuerisaq uummammik aallartitsiniut (hjertestarter) tamanut siammarterneqassaaq Kalaallit Røde Korsiat ilanngullugu, Facebookikkoortinneqassallunilu.
9. Ataatsimiinnissap tulliata ullulerneqarnera
   • Ataatsimiinnerup tullia pissaaq pingasunngorneq 07/05-2025, nal. 13-16, Oqaasileriffimmi.
10. Tamalaat
    • Soqanngilaq.

Ataatsimiinnermi peqataasut:

• Mariia Simonsen (siulittaasoq)
• Karen Ramsøe (siulittaasup tullia)
• Dorthe Kielsen (ilaasortaq)

Imaqarniliaq atuarsimallugu uppernarsarpara:

• Abia Abelsen (ilaasortaq)
• Ono Fleischer (ilaasortaq)