Oqaasiliortut 2022 – 4 (gl)

OQAA – 230322

OQAASILIORTUT ATAATSIMIINNERAT

– pingasunngorneq 23/03-2022, nal. 13-16, Oqaasileriffimmi

PEQATAASUT

Oqaasiliortunit:

• • Karen Ramsøe (siulittaasup tullia), Dorthe Kielsen, Ono Fleischer, aamma Abia Abelsen.
  • Mariia Simonsen (siulittaasoq) peqataasinnaanani nalunaarpoq.

Oqaasileriffimmit

• • Beatrine Heilmann (allatsi)

Ilinniartitaanermit Aqutsisoqarfimmit matematikkimik ilisimasallit peqataasut:

• • Ane Fleischer, Karla Petrussen, Nauja Karlsen aamma Evi Kreutzmann

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (02/03-2022) imaqarniliap akuerineqarnera
3. Suliat aalajangiiffigisassat suliarineqarnerat
   1. Matematikkimi taaguusersuutit
4. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
5. Kalaallit aqqinik siulequtaasunik akuereqquneqartunik suliaqarneq
6. Ilaasortanit siunnersuutinik suliaqarneq
7. Suliat allat pillugit ilisimatitsineq
   1. Inuit aqqi pillugit saaffiginnissutit
8. Ataatsimiinnissap tulliata ullulerneqarnera
9. Tamalaat

IMAQARNILIAQ

1. Oqaluuserisassat akuerineqarnerat

Oqaluuserisassat allanngornagit akuerineqarput. 

2. Kingullermik ataatsimiinnermit (02/03-2022) imaqarniliap akuerineqarnera

Kingullermik ataatsimiinnermit imaqarniliami qallunaatut taaguutip supplementvinklerip kalaallisoortaa akuerineqartoq qivernerit tapertariit t-taa minittuugaq ilannguteriarlugu akuerineqarpoq. 

3. Suliat aalajangiiffigisassat suliarineqarnerat
   1. Matematikkimi taaguusersuutit

Matematikkimi taaguusersuutit Oqaasiliortunit akuerineqartut tulliuttumi tabelimi allassimasut pillugit nassuiaatit uku ilaassapput:

• • Qallunaatut taaguut talkort qasseersiutaavoq eqimattat pineqarlutik. Taakkunannga ataaseq pineqartillugu ima taaneqassaaq: allagartaq kisitsisitalik.
  • Qallunaatut taaguummut temperaturimut atatillugu siornatigut akuerisat atorunnaarsinneqannginnerat erseqqissaatigineqassaaq. Tassa nalinginnaa-sumik atuinermi siornatigut akuerisat atuutissapput, matematikkimulli tunngasuni temperaturimut tunngatillugu 23/03-2022-mi akuerisaq atuu-tissalluni, tassa oqaasersiaatillugu ima: temperaturi.

Oqaasiliortut 19/03-2015-imi akuerisaqarput temperatur kalaallisut taaguuteqassasoq ima: kiassusermut nillissusermut uuttuut.

Aamma 02/04-2014-imi Oqaasiliortut ima aalajangersagaqarput temperaturip siunissami ordbogini ima allassimasarnissaa pillugu:

temperatur¹ sb. (-en, -er) (hos mennesket) inuup kissarnera (fx tager hans ~ kissarnersiorpaa, kiassiorpaa) (NV.GRL.)

har forhøjet ~ kissarneqarpoq

har høj ~ kissaruluppoq

slår ~en ned på en syg napparsimasup kissarneqarnera millisippaa

temperatur² sb. (-en, -er) (udendørs)

1. 1. (om varme) kiassuseq
   2. (om kulde) nillissuseq

temperatur³ sb. (-en, -er) (naturvidenskab)

1. 1. (om atomernes bevægelse) issorartarfik
      • Qallunaatut taaguummut termometerimut atatillugu erseqqissaatigineqas-saaq taaguutip oqaasersiaatillugu kalaallisut atorneqarnissaa ima: termometeri matematikkimut tunngasuni taamaallaat atuuttussatut akuer-sissutigineqarmat nalinginnaasumillu atuinermi atugaareersut sungiusima-neqareersullu allat aalajangiiffigineqanngimmata, ilaatigut makkuusut:
        • silap issinneranut uuttuut pineqartillugu: issisiut
        • silap kianneranut uuttuut pineqartillugu: kiassiut
        • inuup kissaneranut uuttuut pineqartillugu: kissarnersiut

Matematikkimi taaguusersuutit 23/03-2022-mi ataatsimiinnermi akuerineqartut:

Qallunaatut taaguut	Qallunaatut taaguutip isumaqataa	Kalaallisut taaguut 23/03-2022-mi akuerisaq
skitse		titartarallagaq
tal		kisitsit
talbehandling		kisitsisilerineq
talfærdighed		kisitsisilerillaqqissuseq
talfølge		kisitsisit tulleriinnilersukkat
talkort		allagartat kisitsisitallit
tallinje		kisitsisit kanaartaat
talpar		kisitsiseqatigiikkuutaa
talrække		kisitsisit tulleriissitat
talsammenhænge		kisitsisit ataqatigiinnerat
talsymbol		kisitsisip ilisarnaataa
talsystem		kisitsisinik aaqqissueriaaseq
taltræning		kisitsisilerinermik sungiusarneq
talværdi		kisitsisip nalinga
tangens		tangensi
tangent		tangenti
tangere		attorpaa
tangram		tangrammi
tegn		ilisarnaat
tegnetrekant		titartaat pingasunik teqeqqulik
tekstopgave		kisitassaq atuagassartalik
temperatur		temperaturi
termometer		termometeri
terning		immeraat; terningi
tessellation		tessellationi
tidsinterval		piffissap akuttoqatigiissaarnera
tidsregning		piffissamik naatsorsuineq;
tiendedel		qulerarterut
tier		qulertaq
tierovergang		10-p akimornera
tierpotens		arlaleqqiutilik 10-mik sorlalik
tilfældighed		nalaatsorneq
tilhøre		tangertaavoq
tilnærmelse		missingiineq
tilnærmelsesværdi		nalik missiliussaq
time		tiimi; nalunaaquttap-akunnera
titalssystem	decimalsystem	qulikkuutaareriaaseq; decimalsystemi
to tredjedele		pingajorarterutit marluk
tocifret		marlunnik kisitsisitalik
todimensional	todimensionel	marlunnik angissuseqarfilik
todimensionel	todimensional	marlunnik angissuseqarfilik
tom mængde		eqimattat tangertaqanngitsut
toppunkt		parabelip nuua
topvinkler		qivernerit akileriit
totalssystem	binært talsystem; binært system	marlukkaareriaaseq; systemi binæriusoq
transversal		titarneq ilutsimik napisisoq; transversali
trapez		trapezi
trecifret		pingasunik kisitsisitalik
tredimensional	tredimensionel	pingasunik angissuseqarfilik
tredimensionel	tredimensional	pingasunik angissuseqarfilik
trekant		pingasunik teqeqqulik
trekantpapir		trekantpappiaraq
trekantsberegning		pingasunik teqeqqulinnik naatsorsueriaaseq

4. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit

Oqaasileriffimmit ilisimatitsissutit tusaatissatut tiguneqarput. 

5. Kalaallit aqqinik siulequtaasunik akuereqquneqartunik suliaqarneq

• • Niviarsiaqqanut atertut akuerineqartoq: Asasannguaq (02.03.2022).

6. Ilaasortanit siunnersuutinik suliaqarneq

Ilaasortanit suliassatut siunnersuutinik soqanngilaq. 

7. Suliat allat pillugit ilisimatitsineq
   1. Inuit aqqi pillugit saaffiginnissutit

Inuit aqqi pillugit saaffiginnissutit tusaatissatut tiguneqarput. 

8. Ataatsimiinnissap tulliata ullulerneqarnera

Ulloq pingasunngorneq 06/04-2022 nal. 13.00 – 16.00 tulliani ataatsimiiffiussaaq Oqaasileriffimmi ingerlanneqartussaq. 

9. Tamalaat

Tamalaanut ilanngussassanik soqanngilaq.

Ataatsimiinnermi peqataasut:

Karen Ramsøe                                                               Ono Fleischer

(siulittaasup tullia)                                                           (ilaasortaq)

Dorthe Kielsen                                                              Abia Abelsen

(ilaasortaq)                                                                 (ilaasortaq)

Imaqarniliaq atuarsimallugu uppernarsarpaa:

Mariia Simonsen

(siulittaasoq)