Oqaasiliortut 2022-9 (gl)

OQAA – 170822

OQAASILIORTUT ATAATSIMIINNERAT

– pingasunngorneq 17/08-2022, nal. 13-16, Oqaasileriffimmi

PEQATAASUT Oqaasiliortunit

• Mariia Simonsen (siulittaasoq), Karen Ramsøe (siulittaasup tullia), Dorthe Kielsen, Ono Fleischer. Abia Abelsen peqquteqarluni peqataanngilaq.

Oqaasileriffimmit

• Beatrine Heilmann (allatsi)
• Minik Jeremiassen (arsaannermi taaguusersuutinik suliaqartoq)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (24/06-2022) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
   2. Siulittaasumit ilisimatitsissutit
4. Suliat aalajangiiffigisassat suliarineqarnerat
   1. Taaguusersuuserineq

Arsaannermi taaguusersuutinik aalajangersaaneq

1. 2. Taarsiullugu oqaasilianik aalajangersaaneq

Oqaatsinik eqqussanik kalaallisut taarsiullugit oqaasilianik aalajangersaaneq

5. Kalaallit aqqinik siulequtaasunik akuereqquneqartunik suliaqarneq
6. Ilaasortanit siunnersuutinik suliaqarneq
   1. 1. Kalaallit aqqinik akuersisarnermi najoqqutassanik aalajangersaaneq
   Tunumiusut aterni naqinnerup d-p aamma Avanersuarmiusut aterni naqinnerup h-p periarfissatut attatiinnarneqarnissaannik atorunnaarsinneqarnissaannilluunniit Oqaasiliortut aalajangernissaat
   1. Oqaasiliortut Oqaasileriffik peqatigalugu periusissatut iliuusissatullu pilersaarutaannik nalilersueqqinnermi allannguutissanik aalajangersaaneq

Periusissiami iliuusissatullu pilersaarummi allannguutissatut kissaatit pillugit nalilersuineq allannguutissanillu aalajangersaaneq

7. Suliat allat pillugit ilisimatitsineq
   1. Inuit aqqi pillugit saaffiginnissutit
8. Ataatsimiinnissap tulliata ullulerneqarnera
9. Tamalaat

IMAQARNILIAQ

1. Oqaluuserisassat akuerineqarnerat

Oqaluuserisassani immikkoortoq 4.a, arsaannermi taaguusersuutinik aalajangersaanermut tunngasoq kingullertut oqaluuserisassanngortinneqarpoq, imaqarniliamili oqaluuserisassatut siunniussat inissisimaneri allanngornagit imaqarniliarineqarput.

2. Kingullermik ataatsimiinnermit (24/06-2022) imaqarniliap akuerineqarnera

Kingullermik ataatsimiinnermit naqqiissutit ataasiakkaat naqqinneqariarlutik imaqarniliaq akuerineqarpoq.

3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit

Oqaasileriffimmit ilisimatitsissutit tusaatissatut tiguneqarput.

1. 2. Siulittaasumit ilisimatitsissutit

Siulittaasumit ilisimatitsissutit tusaatissatut tiguneqarput.

4. Suliat aalajangiiffigisassat suliarineqarnerat
   1. Taaguusersuuserineq

Arsaannermi taaguusersuutinik aalajangersaaneq

Taaguutit arsaannermut tunngasut akuerisat atorunnaarsinneqartut siulliupput tulliullutillu taaguutit arsaannermut tunngasut akuerineqartut. Kingulliusut tassaapput taaguutit timersornermut tunngasut akuerineqartut.

Taaguutit arsaannermut tunngasut atorunnaarsinneqartut

Qallunaatut	Kalaallisut taaguutit akuerisat 17/08–2022-mi atorunnaarsinneqartut
fodboldpublikum	isikkamik-arsartunik isiginnaartut (akuerisaq: 14.04.2021)
central midtbanespiller	qeqqani qiterleq (akuerisaq: 11.06.2020)
defensiv midtbanespiller	qeqqani kinguarsimanerusoq (akuerisaq: 24.09.2020)
fodboldspiller	isikkamik-arsartartoq (akuerisaq: 10.02.2021)
fodboldstjerne	isikkamik-arsartartoq tusaamasaq (akuerisaq: 10.02.2021)
fodboldtilskuer	isikkamik-arsartunik isiginnaartoq (akuerisaq: 10.02.2021)
fodboldtræner	isikkamik-arsartartunik sungiusaasoq (akuerisaq: 10.02.2021)
hurtige fødder	isigassullaqqissoq (akuerisaq: 22.06.2021)
gribetrekant	akorsinermi inussat inissisimanerat (akuerisaq: 14.04.2021)

Taaguutit arsaannermut tunngasut 17/08-2022-mi akuersissutigineqartut

Qallunaatut	Qallunaatut isumaqataa	Kalaallisut 17/08-2022-mi akuerisaq
fodboldtilhænger	fodboldfan	arsaattuleritooq
fodboldfolk		arsaattartulerisut
offensiv støtte		saassussisumut ikiiuunneq
overfrakke		paarinneqqissaartoq
passiv modstander		akiuutinngitsoq
pulje		puulia
målscorer		isertitsisoq
topscorer		isertitsinerpaaq
skarpskytte		isertitseriallaqqissoq
spiller		arsartoq
midtbanespiller		qeqqaniittoq
offensiv midtbanespiller		qeqqaniittoq siuarsimanerusoq
støttespiller		ikiuuttoq
årets spiller		arsaatillammak
målvogter	målmand	målmandi
højrekant		qeqqaniittuni talerperleq
venstrekant		qeqqaniittuni saamerleq
sidevendt		sannerluni inissisimasoq

Taaguutit timersornermut tunngasut 17/08-2022-mi akuerineqartut

Qallunaatut	Qallunaatut isumaqataa	Kalaallisut 17/08-2022-mi akuerisaq
midterforsvar	centerforsvar	kinguarsimasuni qiterliit
official		unammisitsisoq
skytte		isertitseriartartoq
spiller		arsartoq
modspiller		unammisaq
landsholdsspiller		nunanut allanut unammisartoq
medspiller		ili
udvist spiller		anisitaq
årets spiller		arsaatillammak
taktiker		unammeriaasissiullaqqissoq
tidtager		piffissamik nakkutilliisoq
træner		sungiusaasoq
landstræner		nunanut allanut unammisartunut sungiusaasoq
puljevinder		puuliami ajugaasoq

1. 2. Taarsiullugu oqaasilianik aalajangersaaneq

Oqaatsinik eqqussanik kalaallisut taarsiullugit oqaasilianik aalajangersaanermi sammineqarput qallunaatut ima taaneqartartut: abekopper, tuluttut ima taaguuteqartinneqartut: monkeypox.

Oqaasiliortut aalajangerput pineqartut ima kalaallisut taaguuteqassasut: kuppillak (nappaat pineqartillugu) aamma kuppillanneq (napparsimaneq pineqartillugu).

Oqaatsinik eqqussanik kalaallisut taarsiullugu oqaasilianik aalajangersaanermi ilanngullugit sammineqarput qallunaatut ima taaguuteqartut: skoldkopper.

Pineqartunut kalaallisut taaguutit atugaareersut tassaapput: kupiaqqat (nappaat pineqartillugu) aamma kuppiararneq (napparsimaneq pineqartillugu), taakkulu akuerisatut allassimalissasut Oqaasiliortut aalajangerput qangaaniilli amerlanernit atorneqarmata.

Taaguutit aalajangiiffigineqartut avammut nalunaarutigineqassapput. 

5. Kalaallit aqqinik siulequtaasunik akuereqquneqartunik suliaqarneq

Aqqit akuerineqartut:

• • Niviarsiaqqanut atertut akuerineqartut:
    • Suluk (20.06.2022), Tuttamaat (25.07.2022)
  • Nukappiaqqanut atertut akuerineqartoq:
    • Akkaju (05.07.2022)

6. Ilaasortanit siunnersuutinik suliaqarneq
   1. Kalaallit aqqinik akuersisarnermi najoqqutassanik aalajangersaaneq Tunumiusut aterni naqinnerup d-p aamma Avanersuarmiusut aterni naqinnerup h-p periarfissatut attatiinnarneqarnissaannik atorunnaarsinneqarnissaannilluunniit Oqaasiliortut aalajangernissaat pilersaarutaavoq.

26/10-2017-imi Oqaasiliortut aalajangerput Tunumiut aqqini naqinneq d aamma Avanersuamiut aqqini naqinneq h atorneqarsinnaasut.

Aalajangersakkamik allanngortitsinissaq pillugu isummernissamut tunngavissat annertunerusut pisariaqartinneqarput tamannalu pillugu isummernissaq killiligaanngitsumik kinguartinneqarpoq.

Isumaqatigiissutaavoq 26/10-2017 sioqqullugu aqqit akuerineqarsimasut akuerineqarsimanngitsullu misissorneqassasut, kiisalu naqinnernik pineqartunik siornatigut misissukkat tunngavilersuutillu ilisimatitsissutigineqassasut Oqaasiliortut isummernissaannut tunngavissatut pisariaqartut. Paasissutissanik misissukkanillu katersineq Oqaasileriffiup isumagissavaa kingornalu Oqaasiliortunut saqqummiullugit. Aalajangiinissamut tunngavissat pisariaqartut ilagissavaat Tunumiusut nipit atorneqartut misissuiffigineqarnissaat, tamannali ilisimatusarnikkut misissuinermik tunngaveqassammat aalajangiinissap qaqugu pinissaa ullulerneqanngilaq.

1. 2. Oqaasiliortut Oqaasileriffik peqatigalugu periusissatut iliuusissatullu pilersaarutaannik nalilersueqqinnermi allannguutissanik aalajangersaaneq

Oqaasiliortut Oqaasileriffik peqatigalugu periusissatut iliuusissatullu 2021-2024-mut pilersaarutaanni allannguutissatut kissaatit pillugit nalilersueqqinnissaq allannguutissanillu aalajangersaanissaq ataatsimiinnissamut tullermut kinguartinneqarpoq. Tamatumani periusissiaq Oqaasiliortullu ukiumoortumik nalunaarutaat sukumiisumik atuarneqareersimassapput.

7. Suliat allat pillugit ilisimatitsineq
   1. Inuit aqqi pillugit saaffiginnissutit

Inuit aqqi pillugit saaffiginnissutinik ilisimatitsissutit tusaatissatut tiguneqarput. 

8. Ataatsimiinnissap tulliata ullulerneqarnera

Marlunngorneq 06/09-2022 nal. 13-16 tulliani ataatsimiiffiussaaq Oqaasileriffimmi pisussaq.

9. Tamalaat

Soqanngilaq.

Ataatsimiinnermi peqataasut:

• • Mariia Simonsen, siulittaasoq
  • Karen Ramsøe, siulittaasup tullia
  • Ono Fleischer, ilaasortaq
  • Dorthe Kielsen, ilaasortaq

Imaqarniliaq atuarsimallugu uppernarsarpaa:

• • Abia Abelsen, ilaasortaq