Oqaasiliortut 2024-13 (gl)

OQAA – 30102024

OQAASILIORTUT ATAATSIMIINNERAT (2024-13)

– pingasunngorneq 30/10-2024, nal. 13:00-16:00, Oqaasileriffimmi

PEQATAASUT

Oqaasiliortunit

• Mariia Simonsen (siulittaasoq), Karen Ramsøe (siulittaasup tullia), Abia Abelsen & Dorthe Kielsen (ilaasortat)

Oqaasiliortunit peqquteqarluni peqataanngilaq

• Ono Fleischer (ilaasortaq)

Oqaasileriffimmit

• Helle Hammeken-Holm (allatsi) & Minik Jeremiassen (atorfilik)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (01/10-2024) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit.
   2. Siulittaasumit ilisimatitsissutit.
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   1. Oqaasiliortut 2025-2028-mut periusissiaat eqqartorneqarnera.
   2. Taaguusersuuserineq
      1. Oqaasiliortut aalajangersaaffigeriigaannik nalileeqqinneq
         • nappaat inunnut tuniluuttoq (zoonose).
      2. Oqaatsinik eqqussanik kalaallisut taartissaannik aalajangersaaneq
         • Fælles Offentlig Digital Arkitektur.
      3. Silap pissusianut piujuartitsinermullu taaguusersuutinik aalajangersaaneq.
6. Ilaasortanit siunnersuutinik suliaqarneq
7. Suliat allat pillugit ilisimatitsineq
   1. Inuit aqqi pillugit saaffiginnissutit.
8. Avammut nalunaarutissat
9. Ataatsimiinnissap tulliata ullulerneqarnera
10. Tamalaat

IMAQARNILIAQ

1. Oqaluuserisassat akuerineqarnerat
   • Oqaluuserisassat allanngornagit akuerineqarput.
2. Kingullermik ataatsimiinnermit (01/10-2024) imaqarniliap akuerineqarnera
   • Kingullermik ataatsimiinnermit imaqarniliaq aaqqiissutissartai aaqqeriarlugit akuerineqarpoq.
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
      • Oqaasileriffimmit ilisimatitsissutinik soqanngilaq.
   2. Siulittaasumit ilisimatitsissutit
      • Siulittaasumit ilisimatitsissutinik soqanngilaq.
4. Kalaallit aqqinik siulequtaasunik akuereqquneqartunik suliaqarneq
   • Nukappiaqqat atiisut akuerineqartut
     • Naani (30/10-2024)
     • Aqqama (30/10-2024)
5. Suliat aalajangiiffigisassat suliarineqarnerat
   1. Oqaasiliortut 2025-mit 2028-mut periusissiassaata eqqartorneqarnera.
      • Tulliani ataatsimiinnissamut kinguartinneqarpoq.
   2. Taaguusersuuserineq
      1. Oqaasiliortut aalajangersaaffigeriigaannik nalileeqqinneq
         • Pinngortitalerinermi taaguummik nalileeqqinnermi aalajangiussaq imaappoq:
         • Taaguut zoonose Oqaasiliortut 28/05-2024-mi ataatsimiinnerminni aalajangiussaat: nappaat inunnut tuniluuttoq uumasut nakorsaannit saaffiginnissut tunngavigalugu atorunnaarsinneqarpoq, taarsiullugu akuerineqarluni: uumasut nappaataat inummiilersinnaasoq.
      2. Oqaatsit eqqussat kalaallisut taartissaannik aalajangersaaneq
         • Fælles Offentlig Digital Arkitektur (ilaliussaq 5.b.ii) ataatsimiinnermi sammineqanngilaq paasissutissat erseqqinnerusut amigaatigineqarmata. Tulliani ataatsimiinnissamut kinguartinneqarpoq.
      3. Silap pissusianut piujuartitsinermullu taaguusersuutinik aalajangersaaneq.
         • Taaguusersuutit aalajangersakkat:

Qallunaatut taaguut	Kalaallisut taaguut	Ulloq akuersiffik
dobbelt væsentlighed	sunniivigeqatigiinneq	30/10-2024
dobbelt væsentlighedsanalyse	sunniivigeqatigiinnermik misissueqqissaarneq	30/10-2024
dobbelt væsentlighedsvurdering	sunniivigeqatigiinnermik naliliineq	30/10-2024
energiintensiv virksomhed	suliffissuaq nukissiortorujussuaq	30/10-2024
energirenovering	mingutsitsinnginnerusunnguilluni nutarterineq	30/10-2024
ESG	ESG	30/10-2024
ESG-nøgletal	ESG-mut tunngatillugu kisitsisit paasissutissiisut	30/10-2024
ESG-ricisi	ESG-mut tunngatillugu ajutoortitsisinnaasut	30/10-2024
etisk handel	ileqqorissaartumik niuerneq	30/10-2024
EU-taksonomi	EU-mi piujuartitsinissamut tunngatillugu immikkoortitereriaaseq	30/10-2024
facilitator	anguniagaqarnermi ikiorti	30/10-2024
fagforening	suliatigut peqatigiiffik	30/10-2024
ferskvand	imeq	30/10-2024
filantropi	ajunngitsuliorneq	30/10-2024
FN global compact	suliffeqarfiit inuiaqatigiinnut akisussaassuseqarnissaannut FN-ip najoqqutassiai	30/10-2024
FN’s globale erhvervsnetværk	suliffeqarfiit inuiaqatigiinnut akisussaassuseqarnissaannut FN-ip najoqqutassiaanik maleruaaniaqatigiit	30/10-2024
folkesundhed	innuttaasut peqqissusiat (29.04.2013-mi akuerisaq innuttaasut peqqissuunissaat atorunnaasinneqarpoq)	30/10-2024
forretningsdrevet	iluanaarnissaq anguniarlugu ingerlanneqartoq	30/10-2024
forretningsetik	ingerlatsinermi ileqqorissaarneq	30/10-2024
forretningsmodel	ingerlatseriaaseq	30/10-2024
forsyningssikkerhed	isumannaatsumik pilersuineq	30/10-2024

6. Ilaasortanit siunnersuutinik suliaqarneq
   • Soqanngilaq.
7. Suliat allat pillugit ilisimatitsineq
   1. Inuit aqqi pillugit saaffiginnissutit
      • Inuit aqqi pillugit saaffiginnissutit tusaatissatut tiguneqarput.
8. Avammut nalunaarutissat
   • Avammut saqqummiussassaik soqanngilaq.
9. Ataatsimiinnissap tulliata ullulerneqarnera
   • Ataatsimiinnerup tullia pissaaq pingasunngorneq 27/11-2024, nal. 13-16, Oqaasileriffimmi.
10. Tamalaat
    • Soqanngilaq.

Ataatsimiinnermi peqataasut:

• Mariia Simonsen (siulittaasoq) 
• Karen Ramsøe (siulittaasup tullia)
• Dorthe Kielsen (ilaasortaq)
• Abia Abelsen (ilaasortaq)

Imaqarniliaq atuarsimallugu uppernasarpara:

• Ono Fleischer (ilaasortaq)