Oqaasiliortut 2008 – 10 (gl)

OQAA – 291008(gl)

Oqaasiliortut Ataatsimiinnissaat marlunngorneq oktobarip 29-anni 2008 nal. 14.00 Ilimmarfimmi siulittaasup allaffiani.

 

Peqataasut: Abia Abelsen, Eva Møller Thomassen aamma Carl Chr. Olsen

Allatsi: Nuka Møller

 

Oqaluuserisassatut siunnersuutit:

1. Tikilluaqqusineq
2. Kingullermik ataatsimiinnermit imaqarniliap akuerineqarnera.
3. Saaffiginnissutit suliassartallit:
   1. Kalaallit Nunaanni namminersorneq pillugu inatsisissatut siunnersuummut missiliuut
   2. Kalaallit Nunaata kommuninut aggorneqarnera pillugu Inatsisartut inatsisaattut siunnersuut pillugu saaffiginnissut: Qaasuitsup Kommunia
   3. skattefri frirejse
   4. Allaffeqarfimmi taaguusersuutit (kommune Sermersooq)
4. Allat

 

Inussiarnersumik inuulluaqqusilluta

Carl Chr. Olsen Katti Frederiksen

Siulittaasoq Allatsi

 

1 pillugu:

Siulittaasoq tikilluaqqusereerami ilisimatitsivoq ataatsimiinnermi matumani immik. 3.4 annerusumik sammineqassasoq. Aammattaaq ilisimatitsissutigaa namminersorneq pillugu inatsisissap kalaallisuua maanna iluarsarneqareerluni nassiussuunneqareersimalersoq.

3.2 Siulittaasup ilisimatitsissutigaa kommuneqarfinnik atsiisoqarnialermat Oqaasiliortut saaffigineqarsimanngitsut. Nalinginnaasumik atsiisoqassatillugu Oqaasiliortut kommunit siunnersuutaat tusaaniartarpaat. Taamaattoq ilaannikkut Oqaasiliortut siunnersuutaat kommuninit malinniarneqarneq ajorput. Assersuutigalugu Upernavik qanga allagaatitoqqat naapertorlugit Upernivimmik taaneqartaraluarpoq. Tamanna Oqaasiliortunit siunnersuutigineqarmat Kommuneqarfik Upernavimmit ilalerneqarani malinneqanngilaq.

3.4-mut tunngatillugu pappiaqqat marlussuit agguaappai ima qulequtallit: “Ataatsimiititat ilusissaattut siunnersuut” bilag 1, 10. oktober 2008 aamma kommunep iluani pisortat immikkoortiterneri taakkulu ataanni sammisaqarfiit assigiinngitsut.

Oqaasiliortut pappiaqqat taakku tunngavigalugit aalajangiuppaat taaguutit makku akuerineqartut:

Kommuneqarfik Sermersuup ingerlatsiviini taaguutit kalaallisuut

Oqaasiliortunit 29/10 2008-mi akuerisat.

Liste over betegnelser i administrationen i Kommuneqarfik Sermersooq

godkendt af Oqaasiliortut/Sprognævnet 29/10-2008

Pisortaaneq – Administrerende direktør

Pilersaarusiornermut allattoqarfik – Strategisk Udviklingssekretariat

Aningaasaqarnermut inuussutissarsiornermullu pisortaq – Økonomi og erhvervsdirektør

Aningaasaqarnermut allattoqarfik – Økonomisk sekretariat

Inuussutissarsiutinik inerisaavik – Erhvervsudvikling

Sulisoqarnermut immikkoortortaq – HR afdeling

Attaveqaqatigiinnermut pisortaq – Kommunikationsdirektør

Qarasaasiaqarfik – IT afdeling

Nutserisoqarfik – Tolkekontor

Attaveqaqatigiinnermut immikkoortortaq – Kommunikationsafdeling

Innuttaasunut sullissivik – Borgerservice

Ikiorsiinermut pisortaq – Velfærdsdirektør

Peqqinneq pitsaaliuinerlu – Sundhed og forebyggelse

Soraarnerussutisiat – Pensionsforhold

Innarluutilinnut sullissivik – Handicapafdeling

Suliffeqartitsineq – Arbejdsmarkedstilbud

Meeqqanut ilaqutariinnullu immikkoortortaq – Børn og Familier

Meeqqanut ilaqutariinnullu oqqiffik – Børne- og familiecenter

Tupaarnaq

Sanaartornermut pisortaq – Servicedirektør

Sanaartornermut avatangiisinullu immikkoortortaq – Teknik og miljø

Sullissinermut sanaartugassanullu immikkoortortaq – Drift og anlæg

Illuliortitsinermik inerisaaneq – By- og boligudvikling

Pinngortitamut piujuartitsinermullu immikkoortortaq – Natur og bæredygtighed

Inuttut inerisaanermut pisortaq – Udviklingsdirektør

Atuarfeqarnermut immikkoortortaq – Skoleafdeling

Meeqqerivinnut immikkoortortaq – Daginstitutionsafdeling

Piareersarfik

Kulturimut sunngiffimmullu immikkoortortaq – Kultur og fritid

Perorsaanikkut tarnikkullu atukkatigut siunnersuisarfik – Pædagogisk Psykologisk Rådgivning

Ataatsimiititat – Udvalg

Ingerlatsinermut ataatsimiititaq – Økonomiudvalg

Ikiorsiinermut ataatsimiititaq – Velfærdsudvalg

Inuttut inerisaanermut ataatsimiititaq – Udviklingsudvalg

Sanaartornermut ataatsimiititaq – Serviceudvalg

Inuutissarsiutinut ataatsimiititaq – Erhvervsudviklingsudvalg

Suliffeqartitsinermut ataatsimiititaq – Arbejdsmarkedsudvalg

3. 3. pillugu:

Skattefri frirejse pillugu Stephen Heilmann aamma Abia Abelsen oqaloqatigereernerisigut ima kalaallisut taaneqartassasoq Oqaasiliortunit aalajangerneqarpoq: Akiliunneqarluni angalaneq akileraarusigaanngitsoq.

Inussiarnersumik inuulluaqqusilluta

Carl Chr. Olsen Nuka Møller

Siulittaasoq Allatsimut taartaasoq