Oqaasiliortut aggustip 19-anni 2004, nal. 10.00 Oqaasileriffimmi ataatsimiinnerannit imaqarniliaq.
Peqataasut: Carl Chr. Olsen, Ellen Jensen, Liisi Egede Hegelund Nuka Møller.
Stephen Heilmann peqquteqarluni peqataanngilaq
Immikkut aggersagaq: Ole Birch, Nutserisoqarfiup pisortaa
Allatsigalugu: Pia N. Knudsen.
Oqaluuserisassat:
- Ilisimatitsissutit
- Ole Birch, Nutserisoqarfiup suliassaqarfia pillugu
- Nordisk Sprogmøde, Tórshavn
- Nordens Sprogkonvention
- Taasariaqartut allat
CCO: Ilisimatitsissutit pitinnagit oqaluuserisassat aappaat aallarniutigalugu ataatsimiinneq ingerlanneqassasoq CCO- siunnersuutigaa, Oqaasiliortunut ilaasortanit akuerineqarpoq.
-2 pillugu-
CCO: Ole Birch Nutserisoqarfiup ittua Oqaasiliortut ataatsimiinnerannut aggersarneqarpoq Statsministeriap Nalunaarutit-nik nutserisarnerata Kalaallit Nunaannut nuutsinneqarnissaanik siunnersuut pillugu.
OB: Nalunaarutit-nik nutserisarneq Statsministeriami ingerlanneqarsimasoq Kalaallit Nunaannut nuutinneqassasoq, nutsigassallu Nutserisoqarfimmit isumagineqartalernissaat suliarineqartalernissaallu siunnersuutigineqarsimapput.
Nutsigassanik nutserisalernissaq 1. januar 2005 aallarnerfigalugu ingerlanneqalissasoq siunnersuutigineqarsimavoq, Statsministeriami nutserisutoqqap utoqqalinersiuteqalernissaa pissutigalugu.
Statsministeriami nutserisup isumagisartagai tassaapput:
- Ataatsimiititalianit nutsigassat Kalaallit Nunaannut tunngassutillit.
- FN resolutionit Kalaallit Nunaannut tunngasortaasa nutserneri.
- Rapportit assigiinngitsut Kalaallit Nunaannut tunngasortaasa nutserneri.
Nutserisoqarfiup nuutsitsinissamik siunnersuutip aaqqissuulluakkamik ingerlanneqarnissaa anguniarlugu isumaqatigiinninniarnermi peqataatitaqarnissartik kissaatigisimavaat.
– 1 pillugu-
CCO: KANUKOKA-p aamma Securitasip nalunaarsuusiaat naammassillugit suliarineqarput.
Killiffilersuutit naqiterteqqinneri naammassilerput.
Peqqinnissaqarfinni taaguutit naqiterneqarpoq.
Pia N. Knudsen atorfimminit tunualerpoq Upernavimmut angerlalernini peqqutigalugu.
Inuit Studies Conference Calgarymi, Canadami, ingerlanneqarmat Oqaasileriffimmi sulisut (Carl Chr. Olsen, Per Langgård, Bolatta Vahl, Lisathe Møller) peqataapput.
CCO-p saqqummiuppaa Sprogpolitik, Per Langgårdip Sprogteknologi, Bolatta Vahlip Taaguutinik sulinerup saqqummiunnissaata pingaarutaa, Lisathe Møllerip taaguutilerineq.
– 3 pillugu-
CCO: Nordisk Sprogmøde aggustip 27-anni 28-annilu Tórshavnimi ingerlanneqartussaq Stephen Heilmannip Liisi Egede Hegelundillu peqataaffigissavaat.
Nordisk Sprogmødeimi aaqqissuisunit aalajangerneqartarpoq kikkut oqalugiassanersut, tassani ilisimasallit oqalugiartarput, oqalugiartoqareeraangat oqallittoqartarluni.
Oqaasiliortut suliaminnik minutsini qulini saqqumiisarput.
– 4 pillugu-
CCO: Nordisk Sprogkonventionimi CCO aamma Stephen Heilmann peqataanikuupput.
Selvstyreområdit Sprogkonventionimut ilaalernissaat siunnersutigineqarpoq.
Massakkut Nunani avannarlerni tamani tusarniaassutigineqarpoq, Selvstyreområdini najugallit nunani avannarlerni allani sullinneqassagunik namminneq oqaatsitik atorlugit sullinneqarnissaminnik kissaateqartalersinnaaneri pillugu.
– 5 pillugu-
Taasariaqartunik allanik eqqaasassaqartoqanngilaq.
Tulliani ataatsimiinnissaq kingusinnerusukkut nalunaarutigineqarumaarpoq.
Carl Chr. Olsen Pia N. Knudsen
Siulittaasoq Allatsi