Oqaasiliortut marlunngornermi martsip 30-anni 2004, nal. 10.00 Oqaasileriffimmi ataatsimiinnerannit imaqarniliaq.
Peqataasut: Carl Chr. Olsen, Stephen Heilmann, Nuka Møller, Ellen Jensen, Liisi Egede Hegelund Oqaasileriffimmiillu Bolatta Vahl.
Allatsigalugu: Pia N. Knudsen
Oqaluuserisassat:
- Ilisimatitsissutit
- Ataatsimiinnermit kingullermit imaqarniliaq
- Allagartalersuutit suliarinissaannut periaasissat (KANUKOKA, Securitas)
- Fremtidsværksted (Tine Parsip siunnersuutaa)
- Taasariaqartut allat
-1 pillugu-
CCO: Oqaasiliortut ataatsimiinnissaannut tikilluaqqusivoq.
Oqaasileriffimmiit Bolatta Vahl taaguusersuutinik suleriaaseq pillugu imm. 5-mi saqqummiissasoq CCO-p ilisimatitsissutigaa.
Nordisk Sprogrådip atorunnaarluni Nordens Sprogrådinngorpoq, ukiumoortumik Nordisk sprogmøde ingerlanneqartassasoq aalajangerneqarsimavoq CCO ulluni qaninnerni ataatsimiigiassaaq.
Februaarimi Eqalunni Oqaasiliortunik pilersitsinissaq anguniarlugu ataatsimeersuartoqarpoq, Carl Chr. Olsen Kalaallit Nunaanni Oqaasiliortut sinnerlugit qaaqqusaavoq ingerlariaatsimik siunnersuinissaa kissaatigalugu.
Aprilip naalernerani Arctisk Rådi klima pillugu ataatsimiititsinerani Eqalunniit Lene Ivik (Pirvuvik) iluatsitsissaguni peqataasussaavoq, Oqaasiliortut ataatsimeeqatiserisimavai.
-2 pillugu-
Imaqarniliaq februarip 24-anneersoq Oqaasiliortunut nassiunneqassaaq.
LEH: Januarip 12-anni 2004 Oqaasiliortut ataatsimiinneranni Oqaasileriffimmi suliat eqqaaneqartut sumut killinneri LEH-p apeqqutigai.
CCO: Psykisk arbejdsmiljø upernaaru naammassinissaa naatsorsuutigineqarpoq, inuit immikkut ilisimasallit pissarsiariniartarnerisa ajornakusoortarneri suliamut kinguarsaataasimasut CCO-p eqqaavaa.
Peqqissaavinni oqaatsit sapaatit akunneri pingasut missaat qaangiuppata saqqummernissaa naatsorsuutigineqarpoq.
LEH: Isumattorsaqatigiinnermi Oqaasileriffimmi suliassat pillugit eqqaaneqartut sumut killissimanersut apeqqutigaa.
CCO: Oqaasileriffiup nittartagaanut qalipaatit, naasut, aalisakkat, stavekontrol, ordbogeeraq aamma Oqaatsit-nit taaguutit ikkussuunneqassapput.
-3 pillugu-
CCO: Allagartalersuutit KANUKOKA aamma Securitas-mit Oqaasiliortunut nassiunneqarnikut ataatsimiinnermi tullermi eqqartorneqassapput.
-4 pillugu-
Tine Parsip Fremtidsværksted kalaallisut taaguutissaanik siunnersuuteqarpoq imaattumik Siunisserivik, siunnersuut allaganngorlugu tiguneqarnikuunngimmat Tine Pars allaffigineqassaaq allakkamik naatsumik nassuiaasioqqullugu.
-5 pillugu-
CCO: Oqaasileriffiup oqaatsit ataasiakkaat tamaasa katersorsinnaavai, oqaatsilli ”taallatut” allanneqarsimasut copyrighteqarmata katersani immikkut ilanngunneqarsinnaanersut qinnutigisinnaavai.
EJ: Oqaatsinik taaguutinillu katersinermi meeqqat nappaataannut tunngasut Oqaasileriffimmit pigineqarnersut ilanngunneqarniarnersullu CCO-mut apeqqutigai. Abia Abelsen Oqaasileriffeqanngikkallarmat tunniussaqarsimalluni oqarsimavoq.
CCO: Abia Abelsen Oqaasileriffimmiit attavigineqassaaq taaguutit pineqartut sumut nassiussimanerai paasiniaaffigalugu.
LEH: Oqaasiliortut ataatsimiittarnissaasa ulluisa aalajangersorneqarnissaat pisariaqartoq LEH-p oqaatigaa, siunnersuutigalugulu qaammatip aallartinnerani marlunngorneq siulleq pingajuallu aalajangersimasumik ataatsimiiffigineqartassasut.
LEH-p siunnersuutaa akuerineqarpoq, aalajangerneqarlunilu Oqaasiliortut qaammatip aallartinnerani marlunngornermi siullermi pingajuannilu nalunaaqutaq qulinut ataatsimiittassasut.
Ataatsimiinnissaq tulleq pissaaq marlunngornermi aprilip arfernanni nal. 10.00 Oqaasileriffimmi.
Carl Chr. Olsen Pia N. Knudsen
Siulittaasoq Allatsi