Oqaasiliortut juunip 15-anni 2004, nal.10.00 Oqaasileriffimmi ataatsimiinnerannit imaqarniliaq
Peqataasut: Carl Chr. Olsen, Nuka Møller.
Stephen Heilmann, Ellen Jensen aamma Liisi Egede Hegelund peqquteqarlutik peqataanngillat.
Allatsigalugu: Pia : Knudsen.
Oqaluuserisassat:
- Ilisimatitsissutit
- Kingullermik ataatsimiinnermi imaqarniliaq
- KANUKOKA-mit nalunaarsuutit taasassartaat
- Pupiit taaguusigassat
- Tulliani ataatsimiinnissaq
- Taasariaqartut allat
-1 pillugu-
CCO: Oqaasiliortut ataatsimiinnermi peqataasut ikippallaarneri peqqutigalugu immikkoortoq 4 kisimi eqqartorneqassasoq CCO-p siunnersuutigaa.
-4 pillugu-
CCO: Pupiit taaguusigassat ukuupput:
Grønlandsk Birke-rørhat (Leccinum sp.), kalaallisut: Sulluaralik
Grønlandsk Kam-fluesvamp (Amanita groenlandica), kalaallisut: Kamerualik
Klidhat (Rozites caperatus), kalaallisut: Qaarajuartoq
Arktisk Hummer-Skørhat (Russula subrubens), kalaallisut: Siggilasoq
Grønlandsk Mælkehat (Lactatius dryadophilius), kalaallisut: Immulik
Arktisk støvbold (Calvatia cretacea), kalaallisut: Pujualak.
Kursivimik allaqqasut CCO-p siunnersuutigai.
NM: Pupiit kalaallisut atissaannik siunnersuutit isumaqatigai.
Oqaasiliortunut ilaasortat sinneri oqarasuaatikkut tusarniaaffigineqassapput siunnersuutigineqartut akuerineraat.
-5 pillugu-
CCO: Tulliani ataatsimiinnissaq aggusimi pissaaq tamannalu e-mailikkut nalunaarutigineqarumaarpoq.
-6 pillugu-
NM: KIIIP qarasaasiamut tunngasunik allattukkanik kalaallisut nutsigassanik tunitippoq, Nutserisoqarfimmut Oqaasileriffimmulluunniit ingerlatinneqassanersut nalornissutigineqarpoq.
CCO: Telep IT-gruppeqarpoq kalaallisut taaguutissanik suliaqartartunik, taakku attavigineqarsinnaapput.
CCO: Oqaasiliortut juunip 21-anni nal. 14.00 Oqaasileriffimmi Lene Ivik ilaalu naapisimaassavaat, Oqaasiliortut qaaqqusissummik allaffigineqassapput.
Carl Chr. Olsen Pia N. Knudsen
Siulittaasoq Allatsi