Inuit Aqqinik Akuersisartut 2009 – 2 (gl)

IAA – 051109 (gl)

INUIT AQQINIK AKUERSISARTUT novembarip tallimaanni 2009, nal. 13.00 ataatsimiinnerannit imaqarniliaq

 

Peqataapput: Carl Chr. Olsen, Sofie Petersen aamma Ellen J. Karlsen

Imaqarniliortoq: Nuka Møller

Oqaluuserisassat:

1. Tikilluaqqusineq – Siulittaasoq tikilluaqqusivoq.
2. Kingullermik ataatsimiinnerni imaqarniliat akuerineqarneri

Imaqarniliat agguaanneqarsimasut tamarmik akuerineqarput. Oqaasileriffimmi nittartagalerisoq Beathrine Heilmann aperineqassaaq nittartakkamut ikkussinnaanerai.

3. Atit akuerisassat (Ilanngussat takukkit):

1. 1. 1. Nuunngu – akuerineqarpoq
      2. Ansalimiit – akuerineqanngilaq inangiisoq (apostrof) aterni atorneqarneq ajornat.
      3. Ara – akuerineqarpoq
      4. Lori – akuerineqarpoq
      5. Nikisa – Ateq europamiusuumit kingoqqisoq Nekisa kalaallisuunngorlugu ima allassimassasoq Nikisa akuerineqarpoq.
      6. Nuku – akuerineqarpoq.
      7. Uma (Umaamaap naalisarnera) – naalisarlugu aterineqartusatut akuerineqanngilaq. Siunnersuutigineqarpoq Umaamaaq atuinnassagaat.

4. Aqqit isumaat pillugit akissuteqarfigisat (01.04.09 – 31.10.09):

Aqqit isumaat pillugit saaffiginnissutaasimasut tusaatissatut tiguneqarput. Ukiumoortumik nalunaarusiassamut IAA-p akuerisaannut ilanngullugit amerlassusii nalunaarsorlugit ilanngunneqassasut aalajangerneqarpoq.

 

5. Taasariaqartut allat

1. 1. Martsip 27-anni 2008-mi ataatsimiinnermi naqinneq d atorlugu atsiisarneq aqqillu allattaatsimik sorlermik allanneqartassanersut eqqartuisoqarmat tamanna pillugu biskopi kaajallaasitamik allassimanersoq misissueqqusisoqarmat biskopi allaffeqarfia misissuisimavoq, nalunaarutigineqarporlu taamaattoqanngitsoq. Tassa allattaasitoqaq inerteqqutaanngitsoq atertut atussallugu.
   2. Aternut tunngassutillit suli isummerfigineqanngitsut.

Inuuneq

Ukioq kingulleq atitut akuereqqullugu qinnutigineqartoq IAA-mi ilaasortat tunngavilersukkamik pisortatigoortumik suli akuerinngikkaat ateq taanna atorlugu kuisitsisoqarsimavoq. Ilumut kuisitsisoqarsimanersoq paasiniaqqaariarlugu palasi suliami tassani ingerlatsisimasoq allaffigineqassaaq e-mail aqqutigalugu allaqatigiittarnerit naapertorlugit akuerineqarnikuunngitsoq suli kuisitsisimammat atsiussaagaluaq uterteqqullugu. NM IAA-mi ilaasortanut allakkamik missingersuusiussaaq, taakkulu takoreerpassuk nassiunneqassalluni.

Tassunga atatillugu IAA aalajangerpoq atitut akuereqqullugit qinnuteqaatit ilaasortat siumoortumik nalunaarutigalugu ataatsimiigiaqqusissutip pereerneratigut ataatsimiinnerup nalaani atitut akuereqqullugit qinnuteqaatit taamaallaat aalajangiivigineqartassasut. Tassa oqarasuaatikkut e-mailikkut allatigulluunniit oqaloqatigiinneq toqqammaviginagu.  

Minneq – akuerineqarpoq.

Ukkiaq – akuerineqarpoq.

Tiiannguaq – akuerineqarpoq.

Panikkuluk – akuerineqarpoq.

Atinnguaq – saaffiginnissutaasimagaluarluni akineqareeraluarlunilu immikkut qinnuteqartoqarsimanngimmat malersoqqinneqanngilaq.

Miiaq – akuerineqarpoq.

 

Nittartakkami aqqit

Aqqit akuerisat nittartakkamut ikkussorneqassapput. NM-ip ilisimatitsissutigaa maanna aqqit isumaat pillugit akissusiat naalisakkat 95-it nittartakkamut ikkunneqarsimasut aamma tuluttut qallunaatullu nutsersimasut. Ataavartumik ikkussuinissaq naatsorsuutigineqassaaq, siusinnerusukkullu akissutaasarsimasut naalisarlugit ingerlaavartumik ikkussuunneqassasut. Inuit nittartakkami alakkarsinnaalermata malunnartumik saaffiginnittartut ikilisut oqaatigineqarpoq.

IAA-p aqqit akuerisai ukiumoortumik nalunaarusiamut ilanngunneqassapput.

1. c. Tulliani ataatsimiinnissaq pissaaq ataasinngorneq novembarip 30-ani nal.10.00 Oqaasileriffimmi.

 

Inussiarnersumik inuulluaqqusilluta

Carl Chr. Olsen                       Nuka Møller

Siulittaasoq                    Suliassanik isumaginnittoq