Oqaasiliortut 2011 – 4 (gl)

OQAA – 260411(gl)

Oqaasiliortut ataatsimiinnerannit apriilip 26-anni 2011, nal. 12. 00 imaqarniliat Ilimmarfimmi / Oqaasileriffimmi.

Peqataasut: Carl Chr. Olsen, Lotte Holm, Johannes Jerimiassen.

Peqataanngitsut: Eva Møller Thomassen, Stephen Heilmann.

Oqaluuserisat:

1. Tikilluaqqusineq aamma ilisimatitsissutit
   Siulittaasoq ataatsimiinnermut apriilip 15-anni ingerlanneqartussaagaluamut tikilluaqqusivoq. Ataatsimiinnissaq sioqqullugu oqaatigeriikkamisut ataatsimiinnermi matumani annerusumik immik. 3 sammineqassaaq.
2. Kingullermik ataatsimiinnermit imaqarniliaq naqqiissutit nassiunneqareersut ilanngullugit akuerineqarpoq.
3. Naalakkersuisut nalunaarutaat nr. xx xx.xx.2011-meersoq attaveqaatitigut ingerlaarneq pillugu (Landsstyrets bekendtgørelse nr. xx af xx. xx 2011 om samtrafik).Inatsisip nutsersimanertaa qimerloorneqarpoq kukkunersiorneqarluni naqqissorneqarlunilu. Inatsisip nutserneqareersimasup taaguutitaannit taaguutit allaanerulaartut atorneqarput, s.i. nalunaarasuartaat atornagu nalunaarasuarnikkut oqaaseq atorneqarpoq il.il. Naqqissukkat nutserneqarneranut ikkussorneqassapput.
4. Aatsitassarsiornermut taaguusersuutit – Akilinermiut noqqaassutaat
   Ilaasortat najuuttut aalajangerput naggueqativut akineqassasut ilisimatinneqarlutik suli ataatsimoorussamik taaguusersuutinik peqartoqanngitsoq, taamaattoq Oqaasiliortut taaguutinik arlaqangaatsiartunik katersaateqartut isummerfigiumaagassanik. Taaguutinik peqariissappata kalaallisut taaguusersuusiornissamut toqqammaviusinnaalluassammata nassiussiumassappatalu tamanna qujarutissaqalugu unnerput.
5. Efterløn kalaallisut.
   Oqaasiliortut aalajangerput kalaallisut ima taaguuteqassasoq:
   Suliunnaajaarnersiutit 
6. Porno kalaallisut.
   Oqaasiliortunut ilaasortat aalajangerput oqaaseq taanna atorneqarlualereermat attatiinnarneqassasoq, taamaattoq saaffiginnittoq kalaallisut taaguutissamik noqqaammat aalajangerneqarpoq oqaaseq porno + grafi aallaavigalugit imatut kalaallisut taaguuserneqarsinnaasoq:
   Atoqatigiinnermik takutissuineq.
   (Tak. Imaqarniliat 27.04.11 ataatsimiinnermit /NM)
7. “From Greenlandic products to a French savoir-faire” Kalaalimernit akimmatsillugit?Saaffiginnittup Oqaasiliortut kingullermik ataatsimiikkamik aalajangigarigaluat naammaginagu unnermat, Oqaasiliortut aalajangerput kalaallisut ima taaguuteqassasoq:
   Kalaalimernit franskisuukkat 
8. Allat.
   Eqqartugassanut immik. 8 aamma 9-tut ilanngussaagaluit eqqartugassanik allanik ilallugit aqagu pingasunngornermi apriilip 27-anni nal. 12.00 ataatsimiinnissamut nuunneqarput.

Inussiarnersumik inuulluaqqusilluta

Carl Chr. Olsen Nuka Møller
Siulittaasoq Allatsi

(Imaqarniliaq Oqaasiliortunit akuerineqarpoq 27.04 2011)